دۇيسەنبى, 20 قىركۇيەك 2021
جاڭالىقتار 4306 0 پىكىر 25 اقپان, 2015 ساعات 19:38

ەلباسى: سايلاۋ كونستيتۋتسيا تالاپتارىنا ساي بولۋى ءتيىس

ەلباسى نۇرسۇلتان نازارباەۆتىڭ كونستيتۋتسيالىق كەڭەس توراعاسى يگور روگوۆپەن كونسۋلتاتسيا وتكىزگەنىن اقوردانىڭ ءباسپاسوز قىزمەتىنەن حابارلايدى.

كەزدەسۋ بارىسىندا مەملەكەت باسشىسى كونستيتۋتسيالىق كەڭەسكە پرەزيدەنت سايلاۋىن وتكىزۋ مۇمكىندىگىنە قاتىستى ساۋال جولدانعانىنا توقتالدى.

نۇرسۇلتان نازارباەۆ پارلامەنت پالاتالارى توراعالارىمەن، سونداي-اق پرەمەر-مينيسترمەن كونسۋلتاتسيالار وتكىزگەنىن ايتتى. قازاقستان پرەزيدەنتى سايلاۋ وتكىزۋ كونستيتۋتسيا تالاپتارىنا دالمە-ءدال ساي بولۋى تيىستىگىن اتاپ ءوتتى.

ي.روگوۆ نەگىزگى زاڭنىڭ 41-بابىنىڭ 3-1-تارماعىنا سايكەس، كەزەكتەن تىس پرەزيدەنتتىك سايلاۋدى بەلگىلەۋ تەك قازاقستان پرەزيدەنتىنىڭ قۇزىرەتىنە جاتاتىنىنا توقتالدى. اتالعان كونستيتۋتسيالىق قۇزىرەت ەشقانداي شارتقا جانە شەكتەۋگە بايلاۋلى ەمەس، مەملەكەت باسشىسى ونى دەربەس جۇزەگە اسىرادى. وسىعان بايلانىستى كونستيتۋتسيالىق كەڭەس توراعاسى كەزەكتەن تىس پرەزيدەنت سايلاۋىن وتكىزۋگە قاندايدا ءبىر كونستيتۋتسيالىق قۇقىقتىق كەدەرگىنىڭ جوق ەكەنىن ايتتى.

اباي-اقپارات.

0 پىكىر