كەشە استانادا امىرە قاشاۋباەۆ اتىنداعى VII رەسپۋبليكالىق ءداستۇرلى انشىلەر كونكۋرسى مارەگە جەتتى. ۇلتتىق ءان ونەرىمىزدەگى ەڭ شوقتىعى بيىك دودا – وسى. مۇندا جۇزدەن جۇيرىك، مىڭنان تۇلپار شىققاندار عانا باعىن سىنايدى. ءۇش كۇنگە ۇلاسقان ءان جارمەڭكەسى ۇلتتىق ونەرگە دەگەن قۇرمەتىمىزدىڭ قاندايلىق ەكەنىن انىق كورسەتكەندەي. وسى ءۇش كۇن بويىنا پرەزيدەنتتىك مادەنيەت ورتالىعىنىڭ سونشالىقتى كەڭ ەمەس زالىنا كورەرمەن جارتىلاي دا تولماي-اق قويدى. ساحنادا شىرقالىپ جاتقان قازاقتىڭ ەڭ عاجايىپ اندەرىنىڭ ءوزىن تىڭداپ وتىرعاندار – بايقاۋعا قاتىسۋشىلاردىڭ شاشباۋىن كوتەرگەن تۋعان-تۋىس، دوس-جاران جانە قازىلار القاسى.

كەشە استانادا امىرە قاشاۋباەۆ اتىنداعى VII رەسپۋبليكالىق ءداستۇرلى انشىلەر كونكۋرسى مارەگە جەتتى. ۇلتتىق ءان ونەرىمىزدەگى ەڭ شوقتىعى بيىك دودا – وسى. مۇندا جۇزدەن جۇيرىك، مىڭنان تۇلپار شىققاندار عانا باعىن سىنايدى. ءۇش كۇنگە ۇلاسقان ءان جارمەڭكەسى ۇلتتىق ونەرگە دەگەن قۇرمەتىمىزدىڭ قاندايلىق ەكەنىن انىق كورسەتكەندەي. وسى ءۇش كۇن بويىنا پرەزيدەنتتىك مادەنيەت ورتالىعىنىڭ سونشالىقتى كەڭ ەمەس زالىنا كورەرمەن جارتىلاي دا تولماي-اق قويدى. ساحنادا شىرقالىپ جاتقان قازاقتىڭ ەڭ عاجايىپ اندەرىنىڭ ءوزىن تىڭداپ وتىرعاندار – بايقاۋعا قاتىسۋشىلاردىڭ شاشباۋىن كوتەرگەن تۋعان-تۋىس، دوس-جاران جانە قازىلار القاسى.

بۇل جايدىڭ ءبارىن كونكۋرس اياقتالعان سوڭ ءباسپاسوز ءماسليحاتىن وتكىزگەن قازىلار القاسى مەن ۇيىمداستىرۋشىلار دا ايتتى. «بۇرىن مۇنداي كونكۋرستاردى قازاق تەلەارنالارى تولىق جازىپ الىپ، بۇكىل قارايعان قازاققا باستان-اياق كورسەتەتىن. قازىر باستالدى دەپ ءبىر جىلت ەتكىزەدى، ءبىتتى دەپ ءبىر جىلت ەتكىزەدى»، – دەدى قازىلار القاسىنىڭ توراعاسى، حالىق ءارتىسى قايرات بايبوسىنوۆ. ونىڭ بۇل وكپەسىن ايگىلى ءانشى عاريفوللا قۇرمانعاليەۆ ءداستۇرىن جالعاستىرۋشىلاردىڭ ءبىرى، 1988 جىلى وتكەن ءىى ءا.قاشاۋباەۆ اتىنداعى كونكۋرستىڭ جۇلدەگەرى ساۋلە جانپەيىسوۆا جالعاستىردى: «ونەر – كورەرمەنىمەن كورىكتى. كورەرمەن وتە از بولدى. استاناداعى مادەنيەتتى گۇلدەندىرەمىز دەپ كەتكەن زيالى قاۋىم قايدا؟ ۇلتتىق ونەرىمىزگە ولاردىڭ جانى اشىماسا، كىمگە وكپە ايتا الامىز؟ دەپۋتاتتاردىڭ ءبىرى نەگە كەلىپ كەتپەيدى».
«قازاق اۋەندەرى» اق پرەزيدەنتى عالىم احمەدياروۆتىڭ ايتۋىنشا، كونكۋرسقا 9 ميلليون تەڭگە قاراجات ءبولىنىپتى. «بۇل كوپ اقشا ەمەس. داعدارىسقا بايلانىستى ەرىكسىز قىسقارتىلدى. سوعان قاراماستان وتە جوعارى دەڭگەيدە ءوتتى دەپ بىلەم»، – دەيدى ول. بولىنگەن قاراجاتتىڭ ازدىعىن بەلگىلى سازگەر جولامان تۇرسىنباەۆ تا ايتتى.
«جاس قانات» سەكىلدى بايقاۋلاردىڭ قالاي الاۋلاتىپ-جالاۋلاتىپ وتەتىنى، تەلەارنالاردان جىلدار بويى كورسەتىلىپ جاتاتىنى، بايقاۋدىڭ ءاربىر كۇنىنىڭ تەلەكۇندەلىك بولىپ ۇسىنىلاتىنى بەلگىلى. ال ءداستۇرلى ءان بايقاۋىنان ونىڭ لەبىن دە كورمەيسىز. ايتەۋىر «قاراپ جاتقان جوقپىز» دەپ ەسەپ بەرۋ ءۇشىن عانا وتكىزىلەتىن سەكىلدى. امىرە قاشاۋباەۆ اتىنداعى كەزەكتى كونكۋرس وسىلاي اۋىر وي تاستاپ كەتتى. قازاقتىڭ ءداستۇرلى ءان ونەرى قاشان وسى قولجاۋلىق كۇيدەن قۇتىلار ەكەن؟
كونكۋرستىڭ جۇلدەگەرلەرى:
گران-پري – احات كەنجەباەۆ (الماتى قالاسى);
ءى جۇلدە – ەرلان رىسقالي (الماتى قالاسى);
ءىى جۇلدە – جاسۇلان بازاربەكوۆ (الماتى قالاسى);
ءىىى جۇلدە – ازامات تۇسىپبەك (استانا);
جانىبەك كارمەنوۆ اتىنداعى ارنايى سىيلىق – گۇلميرا حامزينا;
مادەنيەتتى دامىتۋ قورىنىڭ سىيلىعى – امانگەلدى قوجانوۆ;
پرەزيدەنتتىك مادەنيەت ورتالىعىنىڭ ديرەكتورى مىرزاتاي جولداسبەكوۆتىڭ «ءۇمىت» سىيلىعى – نۇربولات ءابىلحان.

بەسبوعدا التاي، استانا
«الاش ايناسى» 30 مامىر 2009 جىل