جۋرناليستەر تۇرعىن سىزدىقوۆتىڭ قىزىلوردا قالاسىنداعى سايلاۋالدى شتابىنىڭ جۇمىسىمەن تانىستى.

كەشە قىزىلوردا قالاسىندا تۇرعىن سىزدىقوۆتىڭ ايماقتىق سايلاۋالدى شاتىبىنىڭ تانىستىرىلىمى ءوتتى.

قىزىلوردا وبلىسى بويىنشا ايماقتىق شتابتىڭ جەتەكشىسى بولىپ تالعات تەلۋباەۆ تاعايىندالدى.

تالعات تەلۋباەۆ پارتيادا 4 جىلدان اسا جۇمىس ىستەپ كەلەدى. ماماندىعى جۋرناليست، ءبىراز ۋاقىت مۇعالىم بولىپ قىزمەت اتقارعان.

ء«بىر اي كولەمىندە شتاب ت.ي.سىزدىقوۆتىڭ كانديداتۋراسىن قولداۋ اياسىندا بىرنەشە ءىس-شارا وتكىزۋدى جوسپارلاپ وتىر.

شتاب قۇرامىندا 5 سەنىمدى تۇلعا جۇمىس ىستەيدى. ناسيحات ماتەريالدارى الىندى، قازىر ولاردى تاراتۋ جۇمىستارىمەن اينالىسىپ جاتىرمىز»، - دەدى تانىستىرىلىم بارىسىندا ت.تەلۋباەۆ.

ول سونداي-اق كانديدات تۇرعىن سىزدىقوۆتىڭ سايلاۋالدى ۇگىت-ناسيحاتىنىڭ نەگىزگى باعىتتارى جايىندا قىسقاشا اڭگىمەلەپ بەردى.

«بۇگىندە باتىس قوعامى جاساندى جانە نەگىزگى قۇندىلىقتاردىڭ ءوزارا ارپالىسقا تۇسكەن كۇردەلى كەزەڭىن، مورالدىك قاعيداتتار مەن رۋحاني قۇندىلىقتاردىڭ داعدارىسىن باستان كەشىپ وتىر. سول سەبەپتى، ءبىزدىڭ كانديداتىمىز، تۇرعىن سىزدىقوۆ، بۇل ماسەلەلەرگە ۇلكەن ماڭىز بەرىپ وتىر.

جاڭعىرعان جارنامالار، جىلتىراق جۋرنالدار ادامنىڭ ساناسىن ۋلاۋدا.

ادام قۇقىعى مەن ەركىندىكتى كوكسەگەن ۇرانداردىڭ استارىندا قانتوگىس فيلمدەر مەن ەروتيكا ناسيحاتتالىپ جاتىر. بىراق، ەركىندىك ءاربىر ارەكەت ءۇشىن بىرنەشە ەسەلەنگەن جاۋاپكەرشىلىكتى تالاپ ەتەتىنىن ۇمىتپاۋ كەرەك»، - دەيدى ت.تەلۋباەۆ.

شتاب جەتەكشىسى ت.تەلۋباەۆ باتىستىق تاماقتانۋ مادەنيەتىنىڭ زيانى ت.سىزدىقوۆتىڭ سايلاۋالدى باعدارلاماسىنىڭ باستى تاقىرىپتارىنىڭ ءبىرى ەكەنىن دە ەسكە سالدى.

ت.تەلۋباەۆتىڭ ايتۋىنشا، باتىستىق تاماقتانۋ ۇلگىسى – گامبۋرگەر، حوت-دوگ، قۋىرىلعان كارتوپ، گازدالعان سۋسىندار مەن باسقا دا ازىق-تۇلىكتەر – اسا كالوريالى، قۇرامىندا ماي مەن قانت كوپ.

سوندىقتان دا باتىستىق فاست-فۋد الىپتارى جەدەل تاماقتانۋدىڭ رەتسەپتتەرىن ۇلكەن قۇپيادا ساقتاۋدا.

سەبەبى، قاراپايىم تۇتىنۋشى ونىڭ وندىرىسىندە قانداي تىيىم سالىنعان ادىستەر پايدالانىلىپ، كوپ جاعدايدا، جەۋگە كەلمەيتىن اقىز-تۇلىكتەر قوسىلاتىنىن بىلسە، ودان ءۇزىلدى-كەسىلدى باس تارتار ەدى.

Abai.Kz