«قازاقيا 2015» بلوگ-ساپار بايقاۋىنا قاتىسۋشى بلوگەرلەر ءوز ساپارلارىن شىعىس قازاقستان وڭىرىندەگى اياگوز قالاسىندا جالعاستىرۋدا.

وسىعان دەيىن الماتى، سارىوزەك، ۇشتوبە ەلدى-مەكەندەرىن باسىپ وتكەن جوبا قاتىسۋشىلارى قازىردىڭ وزىندە پوتەنتسيالدى 100 000 اۋديتوريانى قامتي وتىرىپ، الەۋمەتتىك جەلىنى 100-گە تارتا قىزىقتى، تانىمدىق كونتەنتپەن تولىقتىردى. «قازاقيا 2015» قاتىسۋشىلارى ءار وڭىردىك وزىنە ءتان ەرەكشەلىكتەرىن فوتو، بەينەماتەريالدان باستاپ، رەپورتاج، ينفوگرافيكا، ء«بىر سۋرەتپەن»، ء«بىر سويلەممەن» فورمالارىندا جارىسا جازۋدا.

11 ءساۋىر كۇنى الماتى قالاسىنان باستاۋ العان ساپاردا بۇل قالادان «ەكەۋگە ارنالعان ترامۆاي» «اتاقتى 25 اۆتوبۋس»، «الماتى بوتانيكالىق باعى»، «الماتى مەتروسىنداعى ءبىر كۇن»، «ەسەنتاي Mall, دوستىق Plaza, Mega Park-3. ءبىر-بىرىنەن نەسى ارتىق، نەسى كەم؟» جانە تاعى باسقا تاقىرىپتاردا جازبالار جازىلدى. ال 12 ءساۋىر كۇنى سارىوزەكتەگى ەڭ جاس «باتىر انا» 31 جاسىندا 9 بالانىڭ اناسى اتانعان نازگۇل الىپپيەۆا تۋرالى مەيىرمان ساۋرانبەكتىڭ جازباسى، امانبەك ماعزۇمحاننىڭ «كازاكتاردى باسقارعان قازاق»، «بۇل سارىوزەك – قاي سارىوزەك؟» جازبالارى، نۇربەك بەكباۋدىڭ «سارىوزەك يمپەريانىڭ ءتىسىن سىندىرعان جەر» اتتى جازبالارى الەۋمەتتىك جەلى قولدانۋشىلارىنىڭ قىزىعۋشىلىعىن تۋعىزدى.

بلوگەرلەر توبىنىڭ ۇشتوبەدەگى «جورىعى» قازاق ينتەرنەتىن، ونىڭ ىشىندە الەۋمەتتىك جەلىلەردى اقبوتا مۇسابەكقىزى، بيجان سادىبەكوۆتىڭ ۇشتوبەدەگى بالالار ۇيىنەن جاسالعان رەپورتاجدارىمەن، نۇرلىحان قالماحانۇلىنىڭ قالىڭ شوعىرلانعان كورەي دياسپوراسى، سونداي-اق ەلۆيرا ەرعالينانىڭ ەلدى-مەكەننىڭ ءوندىرىس ورىندارى تۋرالى جازبالارىمەن، سونىمەن قاتار، الماتى وبلىسىنداعى جالعىز كەڭەس وداعىنىڭ باتىرى، اۋىر اتلەتتەر مەكتەبى ءتارىزدى ماتەريالدارىمەن تولىقتىردى.

بلوگەرلەر اياگوز ولكەسىنەن الەۋمەتتىك جەلىلەردە اقتامبەردى ساۋىتىنا قاتىستى، اياگوز برەندى – شي باۋىرساقتىڭ جاسالۋ تەحنولوگياسىنا، 70 جاسار تاكسي جۇرگىزۋشى اجە كەيىپكەر، 40 جىل «جەدەل جاردەم» كولىگىن جۇرگىزگەن گۇلىمحان سادىقوۆا تۋرالى جانە باسقا دا تاقىرىپتار بويىنشا جازبالار قالدىردى. 

بايقاۋ اياسىندا جازىلعان جازبالاردى جوبانىڭ الەۋمەتتىك جەلىدەگى پاراقشالارىنان، سونداي-اق، qazaqia2015.kz رەسمي سايتىندا تانىسۋعا بولادى.

ەستەرىڭىزگە سالا كەتەيىك، 12 كۇندە 12 نۇكتەنى باسىپ وتەتىن ساپارعا شىققان بلوگەرلەر توبىنداعى ەڭ ۇزدىك ۇشتىك – جوبا دەمەۋشىسى «التەل» كومپانياسى ۇسىنعان ميلليون تەڭگەلىك جۇلدە قورىنان ءوز ۇلەسىن الا الادى.

اباي-اقپارات.