جەكسەنبى, 5 ءساۋىر 2020
COVID-19 قازاقستاندا. جۇقتىرعاندار — 531. جازىلعاندار — 36. قايتىس بولعاندار — 5
ءبىزدىڭ شەنەۋنىك 3651 0 پىكىر 9 ماۋسىم, 2015 ساعات 12:47

الماتىدا كەپتەلىس. ال، اكىم شۆەيتساريادا ۆەليك تەۋىپ ءجۇر

الماتىدا كۇندە كەپتەلىس. تاڭ بىلىنە توقتاماي جاۋعان جاڭبىردان بولار كوشەدەگى كەپتەلىستىڭ بۇگىنگى ءتۇرى ءتىپتى جامان. بەلگىلى ءانشى ەركىن شۇكىمان «الماتىعا كەلگەلى مىنانداي پروبكا كورمەپپىن. جاڭبىر جاۋسا و نەسى ەكەن؟ مينۋتىنا ءبىر مەتر الىپ كەلەمىز. جولدى رەتتەۋ دەگەن جوق. اسىققاندا ءتىپتى قيىن ەكەن...» دەپ جازادى الەۋمەتتىك جەلىدەگى جەكە پاراقشاسىندا (سۋرەت ە. شۇكىماننىڭ جەكە پاراقشاسىنان الىندى). ال، الماتى قالاسىنىڭ اكىمى احمەتجان ەسىموۆ بولسا، تاپ وسى ۋاقىتتاردا شەۆەيتساريادا شالقايىپ، ۆەلوشاباندوزدىق ونەرىن كورسەتىپ، سەرۋەندەپ ءجۇر.

الماتى قالاسىنىڭ اكىمى احمەتجان ەسىموۆ وزگە دە دەلەگاتتارمەن بىرگە 2022 جىلعى قىسقى وليمپيادا جانە پاراليمپيادا ويىندارىن وتكىزۋگە كانديدات الماتى قالاسىنىڭ پرەزەنتاتسياسىن جاساۋ ءۇشىن شۆەيتساريانىڭ لوزاننا قالاسىنا كەلگەن بولاتىن دەپ حابارلايدى Baq.kz

بۇگىن تاڭەرتەڭ ول وليمپيادالىق قوزعالىستىڭ "جۇرەگى" سانالاتىن وسىناۋ قالادا ۆەلوشەرۋ ۇيىمداستىرىپ، كورىكتى جەرلەردە سەرۋەندەپ قايتتى. 

ەستەرىڭىزگە سالا كەتەيىك، 2022 جىلى وتەتىن قىسقى وليمپيادا مەن پاراليمپيادا ويىندارىن وتكىزۋگە ەكى ۇمىتكەر تالاسىپ جاتىر. ولاردىڭ ءبىرى الماتى بولسا، ەكىنشىسى - قىتاي استاناسى بەيجىڭ. قوس كانديدات ءوز پرەزەنتاتسيالارىن 9 جانە 10 ماۋسىم كۇندەرى تانىستىراتىن بولادى. ال، ەكى قالانىڭ قاي جەڭگەنى 31 شىلدە كۇنى كۋالا-لۋمپۋر قالاسىندا انىقتالادى.

ايتپاقشى، اق وليمپيادانى وتكىزۋ ءۇشىن بارىپ سالىپ جاتقان قازاقستان جۋىردا ءداستۇرلى ەمەس جىنىستىق قاتىناسق تيىم سالاتىن ەل زاڭىن وزگەرتتى.

Abai.kz 

0 پىكىر