سارسەنبى, 27 مامىر 2020
COVID-19 قازاقستاندا. جۇقتىرعاندار — 9304. جازىلعاندار — 4746. قايتىس بولعاندار — 37
ماسەلەنىڭ ءمانى 3056 1 پىكىر 28 ناۋرىز, 2017 ساعات 17:49

قىزىلوردادا مۇستافا شوقايعا ەسكەرتكىش ورناتىلدى

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بۇگىن قىزىلوردادا الاشتىڭ جانە تۇركى الەمىنىڭ ارداقتىسى مۇستافا شوقايعا ارنالعان ەسكەرتكىشتىڭ سالتاناتتى اشىلۋ ءراسىمى ءوتتى. الدىمەن راحىمجان وتارباەۆتىڭ «مۇستافا شوقاي» سپەكتاكلىنەن ءۇزىندى قويىلدى. مۇنان سوڭ قىزىلوردا وبلىسىنىڭ اكىمى قىرىمبەك كوشەرباەۆ ايماق تۇرعىندارىن ەسكەرتكىشتىڭ اشىلۋىمەن قۇتتىقتادى.

- مۇستافا شوقاي – كەز-كەلگەن ءىرى تاريحي قۇبىلىس سەكىلدى بىرجاقتى سيپاتتاۋعا بولمايتىن، ۇيرەنشىكتى قالىپقا سالۋعا كەلمەيتىن تۇلعا. ول سول زامانداعى اسا كۇردەلى عالامدىق تاريحي پروتسەسستىڭ بەل ورتاسىندا، ەپيتسەنترىندە ءجۇرىپ، تۇركى الەمىنىڭ، ءوز ۇلتىنىڭ مۇددەسىن قورعاۋعا تىرىستى. سوندىقتان دا، مۇستافا شوقاي اق پەن قىزىلعا نەمەسە قوڭىرعا جاق، يا قارسى بولدى دەگەن قارابايىر تۇسىنىككە سىيمايدى.

ول ءوزىنىڭ بۇكىل عۇمىرىن، كۇللى قاجىر-قايراتى مەن اقىل-ويىن تۋعان حالقىنىڭ، ءتۇبى ءبىر تۇتاس تۇركى جۇرتىنىڭ بىرىگىپ وركەندەۋىنە ارنادى,- دەدى وبلىس اكىمى ق.كوشەرباەۆ.

سونداي-اق، سالتاناتتى شاراعا قر ۇعا اكادەميگى، ق.ساتباەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتىنىڭ پروفەسسورى دوسمۇحامبەت كىشىبەكوۆ، قازاق گۋمانيتارلىق زاڭ ۋنيۆەرسيتەتىنىڭ پروفەسسورى ابدىجالەل باكىر، قر پارلامەنتى سەناتىنىڭ دەپۋتاتى مۇرات باقتيارۇلى قاتىستى. مۇنان سوڭ سالتاناتتى تۇردە ەسكەرتكىش جامىلعىسى ءتۇسىرىلىپ، گۇل شوقتارى قويىلدى.

ەسكەرتكىش  قازاقستان سۋرەتشىلەر وداعىنىڭ مۇشەسى، ءمۇسىنشى كوشەر بايعازيەۆتىڭ قولادان جاساعان تۋىندىسى. گرانيتتى تۇعىرىن قوسا ەسەپتەگەندە  ەسكەرتكىشتىڭ جالپى بيىكتىگى – 12 مەتر.

وسى كۇنى قورقىت اتا اتىنداعى قىزىلوردا مەملەكەتتىك ۋنيۆەرسيتەتىندە  «الاش» قوزعالىسىنىڭ 100 جىلدىعىنا ارنالعان «الاش مۇراسى جانە تاۋەلسىز قازاقستان» تاقىرىبىندا حالىقارالىق عىلىمي-تەوريالىق  كونفەرەنتسيا ءوتتى. وعان قازاقستان، تۇركيا جانە  وزبەكستاننان   الاش قايراتكەرلەرىنىڭ مۇرالارىن زەرتتەۋ جۇمىستارىمەن اينالىسىپ جۇرگەن بەلگىلى تاريحشى عالىمدار قاتىستى.

Abai.kz

1 پىكىر