جاقسىلىق دوسقاليەۆقا قارسى قىلمىستىق ءىس قوزعالدى
ەلىمىزدىڭ قارجى پوليتسياسى ورگاندارى قازاقستان رەسپۋبليكاسى دەنساۋلىق ساقتاۋ ءمينيسترى جاقسىلىق دوسقاليەۆقا قارسى قىلمىستىق ءىس قوزعاعانى تۋرالى اقپارات تاراتتى.
ەكونوميكالىق قىلمىسپەن كۇرەس جونىندەگى اگەنتتىكتىڭ رەسمي وكىلى مۇرات جۇمانباي جۋرناليستەرگە بەرگەن سۇحباتىندا بىرنەشە كۇن بويى استانا مەن الماتىنى قاۋلاعان پىش-پىش اڭگىمەلەردى راستاپ، «جاقسىلىق دوسقاليەۆقا وسى جىلدىڭ 21 قىركۇيەك كۇنى قىلمىستىق ءىس قوزعالدى» دەپ مالىمدەمە جاسادى. وكىنىشكە وراي، جۇمانباي مىرزا مينيسترگە قانداي ايىپ تاعىلىپ جاتقانى تۋرالى ەشبىر قوسىمشا دەرەك ايتپادى.
الايدا، كەيبىر اقپارات كوزدەرىنە سەنەتىن بولساق، دەنساۋلىق ساقتاۋ مينيسترىنە قاتىستى قىلمىستىق ءىس اتىشۋلى «ءجۇز مەكتەپ، ءجۇز اۋرۋحانا» باعدارلاماسىن ىسكە اسىرۋ بارىسىندا جىبەرىلگەن «قاتەلىكتەرگە» قاتىستى بولۋى مۇمكىن ەكەن. تاعى بىرەۋلەر جاقسىلىق دوسقاليەۆ بيلىكتەگى كلانداردىڭ اراسىندا ءجۇرىپ جاتقان ايقاستىڭ «قۇربانى» بولۋى ىقتيمال دەگەن ويلارىن جاسىرمادى. وسى پىكىرلەردىڭ قايسىسى دۇرىس ەكەنىن الداعى ۋاقىت كورسەتەر دەپ ويلايمىز.
«اباي-اقپارات»
ومىردەرەك
دوسقاليەۆ جاقسىلىق اقمىرزاۇلى
1955 جىلعى 30 قاراشادا اقتوبە وبلىسىنىڭ العا قالاسىندا دۇنيەگە كەلدى.
ەلىمىزدىڭ قارجى پوليتسياسى ورگاندارى قازاقستان رەسپۋبليكاسى دەنساۋلىق ساقتاۋ ءمينيسترى جاقسىلىق دوسقاليەۆقا قارسى قىلمىستىق ءىس قوزعاعانى تۋرالى اقپارات تاراتتى.
ەكونوميكالىق قىلمىسپەن كۇرەس جونىندەگى اگەنتتىكتىڭ رەسمي وكىلى مۇرات جۇمانباي جۋرناليستەرگە بەرگەن سۇحباتىندا بىرنەشە كۇن بويى استانا مەن الماتىنى قاۋلاعان پىش-پىش اڭگىمەلەردى راستاپ، «جاقسىلىق دوسقاليەۆقا وسى جىلدىڭ 21 قىركۇيەك كۇنى قىلمىستىق ءىس قوزعالدى» دەپ مالىمدەمە جاسادى. وكىنىشكە وراي، جۇمانباي مىرزا مينيسترگە قانداي ايىپ تاعىلىپ جاتقانى تۋرالى ەشبىر قوسىمشا دەرەك ايتپادى.
الايدا، كەيبىر اقپارات كوزدەرىنە سەنەتىن بولساق، دەنساۋلىق ساقتاۋ مينيسترىنە قاتىستى قىلمىستىق ءىس اتىشۋلى «ءجۇز مەكتەپ، ءجۇز اۋرۋحانا» باعدارلاماسىن ىسكە اسىرۋ بارىسىندا جىبەرىلگەن «قاتەلىكتەرگە» قاتىستى بولۋى مۇمكىن ەكەن. تاعى بىرەۋلەر جاقسىلىق دوسقاليەۆ بيلىكتەگى كلانداردىڭ اراسىندا ءجۇرىپ جاتقان ايقاستىڭ «قۇربانى» بولۋى ىقتيمال دەگەن ويلارىن جاسىرمادى. وسى پىكىرلەردىڭ قايسىسى دۇرىس ەكەنىن الداعى ۋاقىت كورسەتەر دەپ ويلايمىز.
«اباي-اقپارات»
ومىردەرەك
دوسقاليەۆ جاقسىلىق اقمىرزاۇلى
1955 جىلعى 30 قاراشادا اقتوبە وبلىسىنىڭ العا قالاسىندا دۇنيەگە كەلدى.
- 1973 جىلى اقتوبە وبلىسى العا قالاسىنىڭ ۆ.ي.پاتساەۆ اتىنداعى №2 ورتا مەكتەبىن ءبىتىردى.
- 1979 جىلى اقتوبە مەملەكەتتىك مەديتسينا ينستيتۋتىن «ەمدەۋ ءىسى» ماماندىعى بويىنشا ۇزدىك ءبىتىردى. ەڭبەك جولىن العا اۋداندىق اۋرۋحاناسىندا حيرۋرگ-دارىگەر قىزمەتىنەن باستادى، كەيىننەن وسى اۋرۋحانا باس دارىگەرىنىڭ ورىنباسارى بولىپ جۇمىس ىستەدى.
- 1988 جىلى سسرو مەديتسينالىق عىلىمدار اكادەمياسىنىڭ بۇكىلوداقتىق حيرۋرگيا عىلىمي ورتالىعىندا كلينيكالىق ورديناتۋرانى ءتامامدادى.
- 1988 جىلدان باستاپ اقتوبە مەملەكەتتىك مەديتسينا اكادەمياسىندا اعا لابورانت، كەيىننەن جالپى جانە گوسپيتالدىك حيرۋرگيا كافەدراسىنىڭ اسسيستەنتى بولدى. 1989 جىلى كانديداتتىق ديسسەرتاتسيا قورعادى.
- 1993-1995 جىلدارى ا.ن.سىزعانوۆ اتىنداعى كلينيكالىق جانە ەكسپەريمەنتالدى حيرۋرگيا عىلىمي-زەرتتەۋ ينستيتۋتىندا اعا، جەتەكشى، باس عىلىمي قىزمەتكەرى، ال 1995 جىلدان باستاپ ەندوسكوپيالىق حيرۋرگيا بولىمشەسىنىڭ مەڭگەرۋشىسى بولدى.
- 1994 جىلى دوكتورلىق ديسسەرتاتسيا قورعادى، 1997 جىلى پروفەسسور اتاعىنا يە بولدى، 1999 جىلى قر مەديتسينالىق عىلىمدار اكادەمياسىنىڭ مۇشەسى بولىپ سايلاندى.
- 1998 جىلدان باستاپ 2000 جىلدىڭ تامىز ايىنا دەيىن اقتوبە مەملەكەتتىك مەديتسينا اكادەمياسىنىڭ رەكتورى قىزمەتىن اتقاردى.
- 2000 جىلدىڭ تامىز ايىنان باستاپ قر دەنساۋلىق ساقتاۋ ىستەرى جونىندەگى اگەنتتىگىنىڭ توراعاسى بولىپ تاعايىندالدى.
- 2001 جىلعى 17 قازاننان 2004 جىلعى ساۋىرگە دەيىن - قر دەنساۋلىق ساقتاۋ ءمينيسترى.
- 2004 جىلعى ساۋىردەن 2007 جىلعى قىركۇيەككە دەيىن - «قازاق مەملەكەتتىك مەديتسينا اكادەمياسى» رمقك رەكتورى.
- 2007 جىلعى قىركۇيەكتەن 2008 جىلعى قاراشاعا دەيىن - قازاقستان رەسپۋبليكاسى پارلامەنتى ءماجىلىسىنىڭ دەپۋتاتى، الەۋمەتتىك-مادەني دامۋ كوميتەتىنىڭ توراعاسى.
- 1999 جىلدان بەرى «نۇر وتان» رەسپۋبليكالىق حالىقتىق-دەموكراتيالىق پارتياسىنىڭ مۇشەسى.
قر مەملەكەتتىك سىيلىعىنىڭ لاۋرەاتى (1999 ج), 2004 جىلى قر پرەزيدەنتىنىڭ جارلىعىمەن «قۇرمەت» وردەنىمەن ماراپاتتالدى.
- 2007 جىلى م. لومونوسوۆ اتىنداعى وردەنمەن ماراپاتتالدى.
- 200-دەن استام عىلىمي ەڭبەكتىڭ، 6 مونوگرافيانىڭ، 50-دەن استام ونەرتابىستىڭ اۆتورى.
وتباسى يەسى، ەكى بالاسى بار.
