وڭتۇستىك قازاقستان وبلىسى سوزاق اۋدانىنىڭ اكىمى ماقسات يساەۆ Abai.kz اقپاراتتىق پورتالىنىڭ تىلشىسىنە اۋداندا اسىل تۇقىمدى ءىرى قارا مال باسىن ءوسىرۋ مەن مال ءونىمىن وڭدەۋ تسەحى سالىناتىن ءمالىم ەتتى دەپ حابرلايدى اباي-اقپارات.

سوزاق اۋدانىنىڭ اكىمى ماقسات يساەۆ Abai.kz اقپاراتتىق پورتالىنىڭ تىلشىسىنە قر پرەزيدەنتىنىڭ «100 ناقتى قادام» ۇلت جوسپارىنىڭ جۇزەگە اسىرىلۋى مەن اۋداننىڭ الەۋمەتتىك-ەكونوميكالىق دامۋى تۋرالى باياندادى. ماسەلەن، دەدى ول، اۋداندا اسىل تۇقىمدى ءىرى قارا مال باسىن ءوسىرۋ مەن مال ءونىمىن وڭدەۋ تسەحى سالىنباق. بۇل جۇمىستارعا «كاتكو» بىرىككەن كاسىپورنى 400 ملن. تەڭگە كولەمىندە ينۆەستيتسيا قۇياتىن بولادى. ─ بۇل جوبا ء«ىرى قارا مال ەتىنىڭ ەكسپورتتىق الەۋەتىن دامىتۋ» باعدارلاماسىنا سايكەس جۇزەگە اسىرىلۋدا. قۇرىلىسى تاياۋ ارادا باستالاتىن جوبا اۋدان ەكونوميكاسىنا سەرپىن بەرىپ، جەرگىلىكتى تۇرعىنداردى جۇمىسپەن قامتۋ ءۇشىن جوسپارلانعان. سونىمەن قاتار، اۋداندا تۇيە ءسۇتىن وندىرەتىن كووپەراتيۆ قۇرۋدى كوزدەپ وتىرمىز. قازىرگى تاڭدا، تسەح ورنالاساتىن عيمارات بەلگىلەنىپ، نەسيە الۋعا قويىلاتىن كەپىل قۇجاتتار مەن كووپەراتيۆتىڭ جارعىسى دايىندالۋدا، - دەدى م.يساەۆ.

ايتا كەتەتىن جايت، اۋداندا مەملەكەتتىك جەكەمەنشىك ارىپتەستىك اياسىندا مەكتەپ پەن بالاباقشا سالۋ دا جوسپارعا ەنگەن. سونىمەن قاتار،  اۋدان باسشىسى وتكەن جىلعى نەگىزگى كورسەتكىشتەرىنە توقتالىپ ءوتتى. ونىڭ ايتۋىنشا، وتكەن جىلى اۋداندا جالپى وڭىرلىك ءونىم كولەمى 224 ملرد. 646 ملن. تەڭگەنى قۇراعان. ونىڭ ىشىندە: ونەركاسىپ سالاسىنىڭ ۇلەسى 204 ملرد. 19 ملن. تەڭگەنى، اۋىل شارۋاشىلىق سالاسىنىڭ ۇلەسى 9 ملرد. 31 ملن. تەڭگە، قۇرىلىس سالاسىنىڭ ۇلەسى 10 ملرد. 303 ملن. تەڭگەنى قۇرايدى. ال اۋدان ەكونوميكاسىنا 46 ملرد. 149 ملن. تەڭگە ينۆەستيتسيا تارتىلعان. 

 اباي-اقپارات