سىبايلاس جەمقورلىققا قارسى ۇلتتىق بيۋرو "بتا بانك" اكتسيونەرلىك قوعامى توراعاسىنىڭڭ بۇرىنعى كەڭەسشىسى مۇحتار ءابلازوۆ پەن جارىمبەتوۆكە قاتىستى جاڭادان قىلمىستىق ءىس قوزعاۋدا.

تەرگەۋشىلەر ابلايازوۆپەن ونىڭ بىرقاتار سىبايلاستارىنىڭ بانك اقشاسىن زاڭسىز جىمقىرۋدى كوزدەگەن جاڭا جوسپارلارىن اشكەرەلەگەن. بۇل فاكتىلەر ءابلازوۆتىڭ قازاقستان اۋماعىنان  تىس ەلدەردە جۇمىسىن استىرتىن ىسكە اسىرىپ وتىرعانىن جانە بىرلەسكەن قىلمىستىق توپتارعا كوشباسشىلىق جۇرگىزگەنىن بىلدىرەدى-ءمىس.

قر قپك 3 ءبولىمىنىڭ 205 بابىنا سايكەس، سىبايلاس جەمقورلىققا قارسى قىزمەت ىستەرى كۇدىكتى ءابلازوۆتى جاۋاپ الۋعا استاناعا شاقىرىپتى. وعان 2017 جىلدىڭ 10 اقپانىندا ساعات 17:00-گە دەيىن استانا قالاسىندا ورنالسقان سىبايلاس جەمقورلىققا قارسى ۇلتتىق بيۋرونىڭ كەڭسە بولىمشەسىنە كەلۋى تالاپ ەتىلدى.

قر قپك-نىڭ 68 بابىنا سايكەس كۇدىكتىگە تەرگەۋ جۇمىستارىنا قورعاۋشىسىمەن بىرگە قاتىسۋىنا رۇقسات ەتىلدى. بەلگىلى ءبىر سەبەپتەرمەن كەلە الماعان جاعدايدا، كۇدىكتى تەرگەۋ جۇمىستارىنا الدىن-الا قورعاۋشى نە پروكۋروردىڭ قاتىسۋىن تالاپ ەتەتىن ءۋاج ءبىلدىرۋى قاجەت.

قازىرگى تاڭدا ءابلازوۆتى تەرگەۋ جۇمىستارىنا قاتىستى شاقىرتۋ ەلىمىزدەگى باق-تا، فرانتسيا مەن جاقىن تۋىستارىنىڭ مەكەن-جايىنا بايلانىستى يتاليانىڭ  بۇقارالىق اقپارات قۇرالدارىنا  جاريا ەتىلگەن.

اباي-اقپارات