ارىستانبەك مۇحامەديۇلى سپورتشىلار مەن جانكۇيەرلەردى قازاقستان قۇراماسىنىڭ 28-ءشى قىسقى بۇكىلالەمدىك ۋنيۆەرسيادادا ءساتتى ونەر كورسەتكەنى ءۇشىن قۇتتىقتادى دەپ حابرلايدى قر مسم ءباسپاسوز قىزمەتى.

«قۇرمەتتى قازاقستاندىقتار!

بارشاڭىزدى 28-ءشى قىسقى بۇكىلالەمدىك ۋنيۆەرسيادادا سپورتشىلارىمىزدىڭ ءساتتى ونەر كورسەتۋىمەن شىن جۇرەكتەن قۇتتىقتايمىن!

قازىر قازاقستاننىڭ ستۋدەنتتىك قۇراماسىنىڭ ەنشىسىندە 15 مەدال بار. ونىڭ التاۋى التىن: الينا رايكوۆا (بياتلون), جانبوتا الدابەرگەنوۆا جانە باعلان ىڭكاربەك (فريستايل-اكروباتيكا), گالينا ۆيشنەۆسكايا (بياتلون), يۋليا گالىشەۆا (فريستايل), دميتري رەيحەرد (فريستايل), يۆان ليۋفت (شاڭعى ءسپرينتى), ەكەۋى كۇمىس: جىبەك اراپباەۆا (فريستايل-اكروباتيكا), گالينا ۆيشنەۆسكايا (بياتلون) جانە جەتى قولا مەدال: جانبوتا الدابەرگەنوۆا (فريستايل-اكروباتيكا), اننا شەۆچەنكو (ەكى قولا مەدال، شاڭعى جارىسى), ەكاتەرينا ايدوۆا (كونكيمەن جۇگىرۋ), پاۆەل كولماكوۆ (فريستايل), اننا ستويان (شاڭعى جارىسى), رومان ەرەمين (بياتلون).

بۇل ۋنيۆەرسيادا تاريحىنداعى قازاقستاندىق سپورتشىلاردىڭ ەڭ جوعارى كورسەتكىشى! وسىلايشا، قازىر ءبىزدىڭ قۇرامامىز مەدالدىق ەسەپتە ەكىنشى ورىنعا تابان تىرەدى!

الدا ءالى كوپتەگەن قىزىقتى دا اسەرلى باسەكەلەر كۇتۋدە – مانەرلەپ سىرعاناۋ، شايبالى حوككەي، شاڭعىمەن ترامپليننەن سەكىرۋ، كەرلينگ، شاڭعى قوسسايىسى، سنوۋبورد، فريستايل، شورت-ترەك جانە باسقالار.

قازاقستاندىقتاردىڭ قولداۋى سپورتشىلارىمىزدىڭ جەڭىسكە دەگەن جىگەرىن نىعايتىپ، سپورتتىق رۋحىن اسقاقتاتادى دەپ سەنەمىن. ولارعا جاڭا تابىستار مەن جارقىن جەڭىستەر تىلەيمىن!» - دەلىنگەن قۇتتىقتاۋ حاتىندا.

اباي-اقپارات