قازاقستاندىق ءانشى ديماش قۇدايبەرگەننىڭ ونەرىنە ءتانتى بولعان اتاقتى اكتەر دجەكي چان ونى كەزدەسۋگە ءوزى شاقىرعان.

"بۇگىن مەنىڭ ومىرىمدە تاريxي ەستە قالاتىن ەرەكشە كۇن! اتاقتى اكتەر دجەكي چان مىرزا مەنى تەلەديداردان كورىپ، كەزدەسۋگە شاقىردى! كەزدەسۋدە اكتەر ماعان ءوزىنىڭ ەكسكليۋزيۆتى كۇرتەشەسىن جانە ارنايى فيرمالىق ءان تىڭداۋ قۇرىلعىسىن سىيعا تارتتى!

 ال مەن اكتەرگە قازاقتىڭ شاپانىن جاۋىپ، دومبىرانى سىيعا تارتتىم! دومبىرامەن ءبىر كۇي شەرتىپ بەرۋىمدى وتىنگەن دجەكي چانعا نۇرعيسانىڭ "القيساسىنان" شاشۋ شاشتىم! ءوز كەزەگىندە اكتەر ماعان سوڭعى "Kung Fu Yoga" كينوكارتيناسىنداعى بي قيمىلدارىن ۇيرەتتى.

بالا كەزىمنەن بەرى كەلە جاتقان سۇيىكتى اكتەرىم ماعان ءوز اقىل كەڭەستەرىن بەرىپ، شىعارماشىلىعىمدى باقىلايتىنىن ايتتى. ءسوز سوڭىندا، بارشا قازاقستان xالقىن جاڭا جىل مەرەكەسىمەن قۇتتىقتاپ، ادەمى لەبىز-تىلەگىن ءبىلدىردى! كەلەسى كەزدەسۋدى اسىعا كۇتەمىز! ارماندار ورىندالادى!..", - دەپ جازدى ءانشى ءوزىنىڭ جەلىدەگى پاراقشاسىنا.

ەسكە سالا كەتەيىك، اتاقتى ءانشى لارا فابيان دا ديماش قۇدايبەرگەننىڭ ەرەكشە داۋىسىنا تاڭدانىس ءبىلدىرىپ، ونى كەزدەسۋگە شاقىرعان بولاتىن.

نۇرسۇلۋ نايمانوۆا

Abai.kz