باي بولامىن دەسەڭىز تومەندەگى جەتى ادەتتەن ارىلعانىڭىز ابزال.

1.     جانايارلىق

كەدەي ادامداردىڭ كوبىسى جانايارلار ەكەنىن بىلەسىز بە؟ ءوز تاعدىرىنا ءوزى نالىپ، «مەنىڭ تاعدىرىما بايۋ جازىلماعان» دەپ ايتۋدان ەش جالىقپايدى. قاجىرلى ەڭبەك ەشقاشان ءسىزدى اش قالدىرمايتىنىن ۇمىتپاڭىز.  

2.     ساراڭ بولۋ

ارقاشان جەڭىلدىگى بار زاتقا جۇگىرۋ، اكتسيا ۋاقىتىن كۇتىپ، اقشاسىن ارتىق شىعارماۋ. سونداي-اق، بالالارىنا دا اقشا اياپ، ساپالى ءبىلىم بەرۋىن شەكتەۋ. ساراڭدىقتىڭ سارا جولى ءسىزدى كەدەيلىكتىڭ دارا جولىنا تۇسىرمەسىن.

3.     ۇنامايتىن ىسپەن اينالىسۋ

ماماندىعىڭىزدى سۇيەسىز بە؟ ەگەر ول سىزگە ۇناماسا ومىردەگى ەڭ ۇلكەن كەدەرگى وسى بولماق. كۇن كورۋ ءۇشىن عانا امالسىز شۇعىلداناتىن ءىسىڭىزدى قويىپ، جانىڭىز قالاعان كاسىپپەن اينالىسىڭىز.

4.     جۇمىسىڭىزدىڭ ناتيجەسى تەك اقشادا ەمەس

قالتاسىنا اقشاسى تۇسسە، ماساتتانىپ جۇرەتىن ادام، ۇزاق ۋاقىت باقىتتى بولا الادى دەپ ويلايسىز با؟ تابىستى باسقا قۇندىلىقتارمەن ولشەيتىن ادام كەدەيشىلىكتەن اۋلاق بولماق.

5.     اقشانى ورىنسىز جۇمساۋ

تابىستى ادامدار ءار اقشانىڭ جۇمسالاتىن ورنىن جاقسى بىلەدى، ماقساتسىز قارجى شىعىنداۋ – تەك ءوز قالتاسىن ورتايتقىسى كەلەتىندەردىڭ ءىسى.

6.     جىلدام پايداعا كەنەلۋ

ءاپ-ساتتە مول پايدا كورەمىن دەۋ كەدەيلەرگە ءتان قاسيەت. ەرتەڭ قولىڭىزعا تۇسەتىن اقشانى ويلاماڭىز، بەس جىلدان سوڭ قانداي دەڭگەيگە كوتەرىلەتىنىڭىزگە كوبىرەك باس قاتىرىڭىز.

7.     شاعىم كوپ ايتۋ، ءاردايىم ءوزىن وزگەمەن سالىستىرۋ

ء«ومىر قيىنداپ كەتتى»، «كۇن كورۋ مۇمكىن بولماي قالدى» دەپ كىمدەر كوپ ايتاتىنىن بىلەسىز بە؟ كەدەيشىلىكتىڭ الدىندا تۇرعان ادامدار. ءبارى سىزگە بايلانىستى. ءوز-ءوزىڭىزدى قولعا الىڭىز.

ءوزىڭىزدى وزگەمەن سالىستىرۋدان اۋلاق بولىڭىز، «ول مەنەن اقىلدىراق، ەرتەڭ بارىپ، مىقتى جۇمىسقا ورنالاسا الادى، ال مەن... » دەگەن سەكىلدى مىسىق-ويلارعا جول بەرمەڭىز.  

نۇرسۇلۋ نايمنوۆا 

Abai.kz