كورشى ەلدەردەگى قازاقتار انا ءتىلىن وقىپ، ۇيرەنۋگە مۇمكىندىك الا الماي وتىر. قر ءبىلىم جانە عىلىم ءمينيسترى جانسەيت تۇيمەباەۆ ءتىل ماسەلەسىنە وسىنداي الاڭداۋشىلىق ءبىلدىردى.
– وزبەكستاندا جىل سايىن توعىز قازاق مەكتەبى جابىلۋدا. وسىنىڭ سالدارىنان ءۇش مىڭ تۇرعىن ورتا ءبىلىم الا الماي وتىر. ال تۇرىكمەنستانداعى قازاق مەكتەپتەرىنىڭ بارلىعى تۇرىكمەن تىلىندە ءبىلىم بەرەتىن مەكتەپتەرگە اينالسا، رەسەيدە قازاق تىلىندە وقىتاتىن بىردە-ءبىر مەكتەپ قالعان جوق، – دەدى مينيستر، – ەۋروپاداعى قاۋىپسىزدىك جانە ىنتىماقتاستىق ۇيىمىنىڭ از ۇلتتار ءىسى جونىندەگى جوعارعى كوميسسارى كنۋت ۆوللەبەكپەن كەزدەسۋدە. مينيستر: «ەگەر قازاقستاننان تىس جەرلەردە بەس ميلليونعا جۋىق قازاق تۇراتىنىن ەسكەرسەك، وندا بۇل ماسەلە كوكەيكەستى پروبلەما بولىپ تابىلادى جانە اشىق كۇيىندە قالىپ وتىر. سالىستىرمالى تۇردە ايتساق، قازاقستاندا مەكەندەيتىن از ساندى ۇلتتاردىڭ وكىلدەرىنىڭ ءبىلىم الۋىنا كەڭ كولەمدى مۇمكىندىكتەر بەرىلىپ وتىر، – دەگەندى قۇلاققاعىس ەتتى.
ەگەر ءبىلىم ءمينيسترىنىڭ بۇل ءسوزىن ناقتىلاي تۇسسەك، جامبىل جانە وڭتۇستىك قازاقستان وبلىستارىندا 79 مىڭ 426 جاس وسىنداعى 65 مەكتەپتە تازا وزبەك تىلىندە ءبىلىم السا، وسى ايماقتاعى 75 ارالاس مەكتەپتە دە وزبەك ءتىلى جۇرگىزىلەدى.

كورشى ەلدەردەگى قازاقتار انا ءتىلىن وقىپ، ۇيرەنۋگە مۇمكىندىك الا الماي وتىر. قر ءبىلىم جانە عىلىم ءمينيسترى جانسەيت تۇيمەباەۆ ءتىل ماسەلەسىنە وسىنداي الاڭداۋشىلىق ءبىلدىردى.
– وزبەكستاندا جىل سايىن توعىز قازاق مەكتەبى جابىلۋدا. وسىنىڭ سالدارىنان ءۇش مىڭ تۇرعىن ورتا ءبىلىم الا الماي وتىر. ال تۇرىكمەنستانداعى قازاق مەكتەپتەرىنىڭ بارلىعى تۇرىكمەن تىلىندە ءبىلىم بەرەتىن مەكتەپتەرگە اينالسا، رەسەيدە قازاق تىلىندە وقىتاتىن بىردە-ءبىر مەكتەپ قالعان جوق، – دەدى مينيستر، – ەۋروپاداعى قاۋىپسىزدىك جانە ىنتىماقتاستىق ۇيىمىنىڭ از ۇلتتار ءىسى جونىندەگى جوعارعى كوميسسارى كنۋت ۆوللەبەكپەن كەزدەسۋدە. مينيستر: «ەگەر قازاقستاننان تىس جەرلەردە بەس ميلليونعا جۋىق قازاق تۇراتىنىن ەسكەرسەك، وندا بۇل ماسەلە كوكەيكەستى پروبلەما بولىپ تابىلادى جانە اشىق كۇيىندە قالىپ وتىر. سالىستىرمالى تۇردە ايتساق، قازاقستاندا مەكەندەيتىن از ساندى ۇلتتاردىڭ وكىلدەرىنىڭ ءبىلىم الۋىنا كەڭ كولەمدى مۇمكىندىكتەر بەرىلىپ وتىر، – دەگەندى قۇلاققاعىس ەتتى.
ەگەر ءبىلىم ءمينيسترىنىڭ بۇل ءسوزىن ناقتىلاي تۇسسەك، جامبىل جانە وڭتۇستىك قازاقستان وبلىستارىندا 79 مىڭ 426 جاس وسىنداعى 65 مەكتەپتە تازا وزبەك تىلىندە ءبىلىم السا، وسى ايماقتاعى 75 ارالاس مەكتەپتە دە وزبەك ءتىلى جۇرگىزىلەدى.
ال الماتى وبلىسى مەن الماتىداعى 14 ورتا مەكتەپتە 14 مىڭ 955 بالا ۇيعىر تىلىندە ءبىلىم نارىنە سۋسىنداۋدا. بۇعان قوسا، وسى وبلىستا تۇراتىن 3 مىڭ 503 ءجاسوسپىرىم وسىنداعى ەكى مەكتەپتە تاجىك تىلىندە ءبىلىم الۋدا. سونداي-اق 15 مىڭ ءبۇلدىرشىن وزدەرىنىڭ انا ءتىلى – نەمىس، پولياك،كورەي، دۇنگەن، تاتار، ۋكراين، تۇرىك، ءازىربايجان، كۇرد، ۇيعىر، شەشەن، گرەك، ارميان، جانە يۆيرت تىلدەرىن وقىپ ۇيرەنۋدە. ەقىۇ-نىڭ جوعارعى كوميسسارىنا وسىنداي مالىمەتتەردى كولدەنەڭ تارتا كەلىپ مينيستر ج.تۇيمەباەۆ: «ءبىز دە ءدال وسىنداي ىرگەلى ىستەردىڭ كورشىلەس ەلدەردە جۇزەگە اسىرىلۋىن قالايمىز»، – دەپ وي ءتۇيدى.

«ايقىن» گازەتى 29 مامىر 2009 جىل