سەيسەنبى, 2 ماۋسىم 2020
COVID-19 قازاقستاندا. جۇقتىرعاندار — 11308. جازىلعاندار — 5587. قايتىس بولعاندار — 41
جاڭالىقتار 1954 0 پىكىر 1 ناۋرىز, 2017 ساعات 10:56

قازاقستان سيرياعا قارسى داۋىس بەرۋدە قالىس قالدى

بۇۇ قك-دە سيرياعا قارسى ىقپالشارالار ەنگىزۋ جونىندەگى قاراردى رەسەي، قىتاي جانە بوليۆيا قولدامادى، سونداي-اق قازاقستان، ەگيپەت پەن ەفيوپيا داۋىس بەرۋدەن قالىس قالدى دەپ حابارلايدى sputniknews..

رەسەي مەن قىتاي بۇۇ قاۋىپسىزدىك كەڭەسىندە سيريادا حيميالىق قارۋ قولدانۋعا قاتىسى بار وكىلدەرگە قارسى ىقپالشارالار ەنگىزۋدى قاراستىراتىن قارار جوباسىن قابىلداۋعا توسقاۋىل قويدى.

قۇجاتتى كەڭەستىڭ 9 مۇشەسى قولدادى. ال رەسەي، قىتاي جانە بوليۆيا قارسى شىقتى. تاعى ءۇش مەملەكەت – قازاقستان، ەگيپەت، ەفيوپيا قالىس قالدى. بىرىككەن كورولدىكتىڭ بۇۇ-داعى تۇراقتى وكىلى مەتيۋ رايكروفت اتاپ وتكەندەي، بۇۇ قاۋىپسىزدىك كەڭەسىنىڭ تۇراقتى وكىلدەرى رەتىندە رەسەي مەن قىتاي جانە حيميالىق قارۋ جونىندەگى كونۆەنتسياعا قاتىسۋشىلار حيميالىق قارۋدى پايدالانۋ جانە تارتۋعا قارسى شارا قولدانۋ ءۇشىن جاۋاپكەرشىلىككە يە. "

قارارعا توسقاۋىل قويۋ ارقىلى ولار كەڭەس پەن وسى ءبىر قاۋىپتى قارۋدى پايدالانۋدىڭ الدىن الاتىن حالىقارالىق ەرەجەلەردىڭ سەنىمىن كەتىرەدى", — دەيدى ول.

Abai.kz

0 پىكىر