شۇعىل. بۇگىن الماتىداعى "كوك بازاردا" ءورت شىقتى. بۇل تۋرالى "Abai.kz" ءتىلشىسى حابارلايدى. 

تۇسكى ۋاقىتتا الماتىداعى ءىرى ساۋدا ورتالىقتارىنىڭ ءبىرى "كوك بازاردا" ءورت شىقتى. وقيعا جىبەك جولى مەن پۋشكين كوشەلەرىنىڭ قيىلىسىنداعى "كوك بازار" كەشەنىنىڭ اۋماعىندا ورنالاسقان "مەگاتاۋ" ساۋدا ورتالىعىندا بولعان.

وقيعا ورنىنا شۇعىل جەتكەن قۇتقارۋ قىزمەتى ماماندارى ساۋدا ورتالىعىنداعى بارلىق ادامدى سىرتقا شىعاردى. 

قازىر ءتىلسىز جاۋدى اۋىزدىقتاۋعا 20-دان استام ءورت ءسوندىرۋ ماشينالارى مەن  تەحنيكالىق كومەك كولىكتەرى جۇمىلدىرىلعان. سونداي-اق، جەدەل جاردەم كولىكتەرى دە بار. 

بىزگە بەلگىلى بولعانداي ورتتەن زارداپ شەككەندەر جوق. دەگەنمەن ءورتتى ءسوندىرۋ جۇمىستارى ءالى اياقتالعان جوق.

وقيعا كۋاگەرلەرىنىڭ ايتۋىنشا، ءورت ساۋدا ورتالىعىنىڭ جەرتولەسىنەن شىققان. اسپانعا بۋداقتاپ جاتقان قارا ءتۇتىن سودان شىعىپ جاتىر.

نۇرزات توعجان

Abai.kz