قر تاۋەلسىزدىگىنىڭ 25 جىلدىق مەرەكەسىنە وراي شىمكەنت قالاسىنداعى 10 مەكتەپكە وقۋشى تاسىمالداۋ ءۇشىن 19 جاڭا اۆتوبۋس  بەرىلدى.

جاڭا كولىكتەردىڭ كىلتىن مەكتەپ ديرەكتورلارىنا تابىستاعان  وبلىس اكىمى جانسەيىت تۇيمەباەۆ بارشا جۇرتشىلىقتى مەرەيلى مەرەكەمەن قۇتتىقتادى.

«قىمباتتى وقۋشىلار بۇل كولىك سىزدەردىڭ قاۋىپسىزدىكتەرىڭىزدى قامتاماسىز ەتۋ جانە  جاقسى وقىپ، ۇلگىلى وقۋشى بولۋلارىڭىز ءۇشىن بەرىلىپ وتىر. سونداي-اق، اۆتوبۋس وقۋشىلاردىڭ تاريحي-مادەني ەسكەرتكىشتەرگە ساياحاتقا شىعۋى ءۇشىن دە قولدانىلادى. بۇل يگى شارا ەلباسىنىڭ بولاشاق ۇرپاققا جاساعان قامقورلىعى دەپ بىلەمىن. ەندى قالاداعى 3 مىڭعا جۋىق وقۋشى مەكتەپكە جەكە اۆتوبۋستار ارقىلى تەگىن تاسىمالداناتىن بولادى»، - دەدى ايماق باسشىسى.

بۇعان دەيىن وقۋشىلاردى تاسىمالداۋ جۇمىستارى كەلىسىم-شارت ارقىلى جەكە كاسىپكەرلەر  "اباد يۋگ"   جشس جانە «تولەبي  اۆتوبۋس پاركى» جشس ارقىلى  جۇرگىزىلىپ وتىرعان بولاتىن.         

بۇل اۆتوبۋستار مەكتەپتەن 3 شاقىرىم قاشىقتىقتا تۇراتىن بالالاردىڭ تاسىمالىن ۇيىمداستىرۋ ءۇشىن ساتىپ الىندى.

وسى كۇنى كۇردەلى جوندەۋدەن وتكەن  شىمكەنت قالالىق əكىمشىلىگىنىڭ ەسكى عيماراتى  پايدالانۋعا بەرىلدى. اتقارىلعان جۇمىستىڭ ساپاسىن ءوڭىر باسشىسى جانسەيىت تۇيمەباەۆ پەن قالا اكىمى عابيدوللا ءابدىراحىموۆ ارالاپ كوردى.

اتاپ ايتار بولساق، عيماراتتىڭ ىرگەتاسى 1950 جىلى قالانعان. 2015 جىلدىڭ قىركۇيەگىنەن باستالعان نىساننىڭ قايتا جوندەۋ جۇمىستارىنا 500 ملن تەڭگە ءبولىندى.

بۇگىنگى تاڭدا بۇل عيماراتقا Əل-فارابي اۋدان اپپاراتىمەن قاتار قالالىق ءبىلىم ءبولىمى، جولاۋشىلار كولىگى جانە اۆتوموبيل جولدارى ءبولىمى ورنالاستى.

Abai.kz