جارامسىز دەپ تابىلعان تۇرمىستىق قالدىقتار كادەگە جارامايدى دەسەڭىز، قاتەلەسەسىز. بۇگىندە وزىق تەحنولوگيانىڭ ارقاسىندا قالدىقتاردى قايتا وڭدەۋ مۇمكىن بولىپ وتىر. 

بۇگىن وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ ۇيىمداستىرۋىمەن وسى تاقىرىپ توڭىرەگىندە ءىس-شارا ءوتتى. باسقوسۋعا اۋدان، قالا اكىمدەرىنىڭ سالانى جەتەكشىلىك ەتەتىن ورىنباسارلارى، ءبولىم باسشىلارى مەن تۇرمىستىق قالدىقتار سالاسىندا جۇمىس جۇرگىزەتىن مەكەمە وكىلدەرى قاتىستى.

جيىندا پولشا مەملەكەتىنەن ارنايى كەلگەن «VecoPolyEnergy» كومپانياسىنىڭ وكىلدەرى قاتتى تۇرمىستىق قالدىقتاردى قايتا وڭدەيتىن كەشەن قۇرىلىسىنىڭ جوباسىمەن تانىستىردى.

كەزدەسۋ بارىسىندا جوبا بويىنشا اۋدان، قالا اۋماعىندا تۇزىلگەن جانە جيناقتالعان قاتتى تۇرمىستىق قالدىقتاردى قايتا وڭدەۋ ارقىلى ەكىنشى رەت ءونىم الۋ مۇمكىندىكتەرى جونىندە ءسوز قوزعالدى.

قازاقستان رەسپۋبليكاسىنىڭ ەكولوگيالىق كودەكسىنىڭ تالاپتارىنا سايكەس، قالدىقتاردى سۇرىپتاۋ، كادەگە جاراتۋ جانە قايتا وڭدەۋ جونىندەگى جۇمىستاردى ءتيىمدى ۇيىمداستىرۋ جەرگىلىكتى اتقارۋشى ورگاندارعا جۇكتەلىپ وتىر. وسىعان بايلانىستى، قاتتى تۇرمىستىق قالدىقتاردى كادەگە جاراتۋ، قايتا وڭدەۋ تەحنولوگيالارىن ەندىرۋ قاجەتتىلىگى تۋىنداۋدا. جوبامەن تانىسقان اۋدان، قالا اكىمدىكتەرى ءوز تاراپىنان پىكىرلەرىن ايتىپ، قىزىعۋشىلىقتارىن تانىتتى. اتالعان جوبا جەرگىلىكتى بيلىك تاراپىنان قولداۋ تاپسا،  شەتەلدىك كومپانيا  تۇرمىستىق قالدىقتاردى قايتا وڭدەۋ جوباسىن ىسكە اسىراتىن بولادى. ءوز كەزىندە بۇل تۇرعىنداردان شىققان تۇرمىستىق قالدىقتار قايتا پايدالانۋعا بەرىلىپ، ەل ەكونوميكاسىنا ايتارلىقتاي تىڭ سەرپىلىس اكەلەرى انىق.

وقو اكىمىنىڭ ءباسپاسوز قىزمەتى

Abai.kz