بۇگىن ءوڭىر باسشىسى ب.اتامقۇلوۆ «ەڭبەك كۇنى» مەرەكەسىنە ارنالعان جۇمىسشىلار مەن ەڭبەك ديناستيالارىنىڭ وبلىستىق فورۋمىنا قاتىستى. سالتاناتتى جيىندا وبلىس اكىمى بارشا ەڭبەك قىزمەتكەرلەرىن كاسىبي مەرەكەمەن قۇتتىقتاپ، وسى سالادا ۇزاق جىلدار تەر توككەن ارداگەرلەر مەن قىزمەتكەرلەردى ماراپاتتادى. ەسكە سالا كەتەلىك، مەملەكەت باسشىسى ەڭبەك ادامى قوعامدا لايىقتى تۇردە ماراپاتتالىپ وتىرۋى كەرەك ەكەندىگىن ءجيى ەسكە سالىپ وتىرادى. راسىندا، ەرەن ەڭبەك قوعامدا ەرەكشە قۇرمەتتەلۋى كەرەك.

بۇل كۇنى ءوز سالاسىندا تالماي ەڭبەك ەتىپ، ءوز ءىسىنىڭ بىلگىرى اتانعان 28 ازاماتقا «ەڭبەك ارداگەرى»، «وبلىسقا سىڭىرگەن ەڭبەگى ءۇشىن» مەدالى جانە وبلىس اكىمىنىڭ گراموتاسى مەن العىس حاتى تابىستالدى. سونداي-اق، مەرەكەلىك جيىندا «ەڭبەك جولى» كونكۋرسىنىڭ جەڭىمپازدارى دا قۇرمەت پەن قوشەمەتكە بولەندى. 

ايتا كەتكەن ءجون، بيىل ەڭبەك مەرەكەسىن اتاپ ءوتۋ جىل بويىنا تويلانىپ، وبلىستا ءتۇرلى ءىس-شارالار مەن كونكۋرستار ۇيىمداستىرىلۋدا. 

ەسكە سالايىق، ەلباسى ن.نازارباەۆتىڭ جارلىعى بويىنشا ەلىمىزدە قىركۇيەك ايىنىڭ سوڭعى جەكسەنبىسى – «ەڭبەك كۇنى» مەرەكەسى بولىپ بەلگىلەنگەن. وسىعان سايكەس، بيىل اتالعان مەيرام رەسپۋبليكامىزدا ءۇشىنشى رەت اتالىپ وتۋدە. بۇگىندە وبلىستا 9 سوتسياليستىك ەڭبەك ەرى، 1 قازاقستاننىڭ ەڭبەك ەرى تۇرادى. 

وقو اكىمىنىڭ ءباسپاسوز قىزمەتى

Abai.kz