ورالحان بوكەي اتىنداعى كوركەمسوز وقۋ شەبەرلەرىنىڭ XVIII رەسپۋبليكالىق بايقاۋىنىڭ

ءباسپاسوز پاراعى

شىمكەنت قالاسى                                               28 قىركۇيەك 2016 جىل

وتەتىن ورنى: وڭتۇستىك قازاقستان وبلىستىق ورىس دراما تەاترى

باستالۋى: 10.00 

          قازاقستان رەسپۋبليكاسى مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتى ۇستىمىزدەگى جىلى
28 قىركۇيەكتە قازاقستان حالقى تىلدەرىنىڭ رەسپۋبليكالىق فەستيۆالى اياسىندا ورالحان بوكەي اتىنداعى كوركەمسوز وقۋ شەبەرلەرىنىڭ XVIII رەسپۋبليكالىق بايقاۋىن وتكىزەدى.

          بايقاۋدىڭ ماقساتى – مەملەكەتتىك ءتىلدىڭ قولدانىلۋ اياسىن كەڭەيتۋ، ءتىل مادەنيەتىن كوتەرۋ، كوركەم ادەبيەتتى ناسيحاتتاۋدى جانداندىرۋ، ەل ىشىنەن تالاپتى، تالانتتى جاستاردى ىزدەپ تابۋ. كوركەم شىعارمالاردى وقىپ-ۇيرەنۋ مەن ناسيحاتتاۋدا جاستاردىڭ ىقىلاسى مەن قىزىعۋشىلىعىن ارتتىرۋ.

          بايقاۋعا ەلىمىزدىڭ 14 وبلىسىنان جانە استانا، الماتى قالالارىنان وبلىستىق، قالالىق دەڭگەيدە وتكىزىلگەن بايقاۋلاردىڭ جەڭىمپازدارى (بارلىعى 16 ۇمىتكەر) قاتىسادى. بايقاۋ ەرەجەسىنە سايكەس ۇمىتكەرلەر ورالحان بوكەيدىڭ جانە باسقا دا ەلىمىزگە بەلگىلى، ءسوز ونەرىمىزدىڭ دامۋىنا وزىندىك ۇلەس قوسقان دراماتۋرگ، اقىن-جازۋشىلارىمىزدىڭ كەز-كەلگەن شىعارمالارىنان ءۇزىندى وقىپ، ءوز ونەرلەرىن ورتاعا سالا الادى.

          بايقاۋ قاتىسۋشىلارىنىڭ جۇمىسى مەن جەڭىمپازدارىن زيالى قاۋىم وكىلدەرى مەن عالىمداردان قۇرالعان قازىلار القاسى باعالايدى جانە انىقتايدى. بايقاۋ جەڭىمپازدارى ديپلومدارمەن، العىس حاتتارمەن جانە قارجىلاي سىيلىقتارمەن ماراپاتتالادى.

          قوسىمشا اقپارات الۋ ءۇشىن مىنا مەكەنجايعا حابارلاسۋعا بولادى: قر مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتى ش.شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعى

          بايلانىس تەلەفوندارى: 8(7172) 40 83 93, 8-775-672-72-47, 8-777-175-35-75