سەنبى, 19 قىركۇيەك 2020
COVID-19 قازاقستاندا. جۇقتىرعاندار — 107199. جازىلعاندار — 101822. قايتىس بولعاندار — 1671
جاڭالىقتار 3440 0 پىكىر 29 قىركۇيەك, 2016 ساعات 17:30

وقو-دا الەۋمەتتىك ءالسىز توپتاعى ايەلدەردى جۇمىسپەن قامتۋ جايى تالقىلاندى

تاياۋدا وقو اكىمى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيا «بۇۇ-ايەلدەر» ورتالىق ازياداعى كوپمەملەكەتتىك ءوفيسى ۇيلەستىرۋشىلەرىمەن بىرلەسىپ «الەۋمەتتىك ءالسىز توپتاعى ايەلدەردى جۇمىسپەن قامتۋ سالاسىنداعى كاسىپكەرلىك جانە تابىس كوزدەرىندەگى مۇمكىندىكتەرىن ارتتىرۋعا ىقپال ەتۋ» تاقىرىبىندا سەمينار وتكىزدى.

وڭتۇستىك قازاقستان وبلىسىنىڭ اتقارۋشى بيلىگى حالىقتىڭ جاعدايىن جاقسارتىپ، ونىڭ ىشىندە، الەۋمەتتىك ءالسىز توپتار وكىلدەرىنىڭ ءال-اۋقاتىن كوتەرۋدى جەتىلدىرۋ مەحانيزمىندەگى گەندەرلىك تەڭدىكتى دامىتۋدىڭ ماسەلەلەرىن شەشۋ سالاسىن ازاماتتىق قوعاممەن ۇشتاستىرۋدا وڭ ناتيجەلەرگە يە بولىپ تابىلادى. سوندىقتان دا، وسى ماسەلەلەر قارالعان جيىنعا ۇكىمەتتىك ەمەس ۇيىم وكىلدەرى، وڭىرلىك كاسىپكەرلەر پالاتاسى، ازاماتتىق قوعام ۇيىمدارىنىڭ مۇشەلەرى قاتىسىپ، اۋماق دەڭگەيىندە پيلوتتىق جوبا رەتىندە ىسكە اسىرىلاتىنى تالقىلاندى. پيلوتتىق جوبانى ەكىنشى بولىپ اتىراۋ وبلىسى ىسكە اسىرماق. 

ايتا كەتەيىك، «بۇۇ-ايەلدەر» كوپمەملەكەتتىك ءوفيسى ورتالىق ازياداعى الەۋمەتتىك ءالسىز ايەلدەرگە قولداۋ كورسەتەتىن مەملەكەتتىك زاڭنامالار مەن باعدارلامالاردى زەرتتەدى. زەرتتەۋدىڭ ماقساتتارىنىڭ ءبىرى الەۋمەتتىك ءالسىز توپتاعى ايەلدەردى جۇمىسپەن قامتۋ، كاسىپكەرلىك جانە تابىس كوزدەرىندەگى مۇمكىندىكتەرىن ارتتىرۋ ءۇشىن ماڭىزدى مەۇ جانە تاۋەلسىز ساراپشىلار ءتىزىمىن انىقتاۋ ەدى. بۇل جۇيە مەۇ ادۆوكاتسياسى نەگىزىندە اتالعان توپ مۇشەلەرىنىڭ مۇمكىندىتەرىن ارتتىرۋعا باعىتتالعان دامۋ ستراتەگياسىن قالىپتاستىرادى. 

وقو اكىمىنىڭ ءباسپاسوز قىزمەتى 

Abai.kz

0 پىكىر