"نۇرلى جول" باعدارلاماسى اياسىندا سالىنىپ جاتقان نىساندار قاتاڭ باقىلاۋدا. ويتكەنى بۇل باعدارلاما ەلىمىز ءۇشىن ستراتەگيالىق ءمانى زور باعدارلاما بولىپ تابىلادى.

وبلىس اكىمىنىڭ ءبىرىنشى ورىنباسارى د.ا.ساتىبالدى "نۇرلى جول" باعدارلاماسى اياسىندا سالىنىپ جاتقان نىسانداردا اتقارىلعان جۇمىس كولەمدەرى مەن باعىتتالعان قاراجاتتاردى ۋاقىتىلى ءارى ءتيىمدى يگەرۋ جونىندە اۋدان، قالا اكىمدىكتەرىنىڭ جانە ءتيىستى وبلىستىق باسقارما باسشىلارىنىڭ قاتىسۋىمەن سەلەكتورلىق ءماجىلىس وتكىزدى.

جيىندا شىمكەنت قالاسى، سارىاعاش، قازىعۇرت، سايرام اۋداندارىنداعى نىسانداردا قۇرىلىس-مونتاجداۋ جۇمىستارى ءتيىستى دەڭگەيدە جۇرگىزىلمەي، جوسپارلانعان قارجى يگەرىلمەگىندىگى ايتىلدى. ءماجىلىستى قورىتىندىلاعان وبلىس اكىمىنىڭ ءبىرىنشى ورىنباسارى اۋدان، قالا اكىمدىكتەرى مەن وبلىستىق باسقارما باسشىلارىنا «نۇرلى جول» باعدارلاماسى اياسىندا سالىنىپ جاتقان نىسانداردىڭ قۇرىلىس جۇمىستارى بەكىتىلگەن كەستەدەن قالىس قالعان مەردىگەر مەكەمەلەرگە، زاڭ تالاپتارىنا جانە تۇزىلگەن كەلىسىم-شارتقا سايكەس ءتيىستى شارالار قابىلداۋدى جانە جۇرگىزىلىپ جاتقان قۇرىلىستاردىڭ ساپاسىنا، جوباعا جانە بەكىتىلگەن جۇمىس كەستەسىنە سايكەس ورىندالۋىن تۇراقتى باقىلاۋعا الۋدى تاپسىردى.

ايتا كەتەيىك 2016 جىلى «نۇرلى جول» باعدارلاماسى شەڭبەرىندە قازاقستان رەسپۋبليكاسىنىڭ ۇلتتىق قورىنان وڭتۇستىك قازاقستان وبلىسىنىڭ قۇرىلىس باسقارماسى ارقىلى 36 نىسان - 1 جاتاقحانا، 11 ينفراقۇرىلىم، 23 مەكتەپ پەن 1 بالاباقشانىڭ قۇرىلىسى جوسپارلانعان بولاتىن.

Abai.kz