ۇقك: "جيھادشىلار تەراكت جاساۋى ابدەن مۇمكىن"
قر ۇلتتىق قاۋىپسىزدىك كوميتەتى توراعاسىنىڭ ورىنباسارى نۇرعالي بەلىسبەكوۆتىڭ ايتۋىنشا، سوڭعى جىلدارى سان الۋان تەرروريستىك اكتسيالاردىڭ الدىن الۋ شارالارى اتقارىلىپ، جۇزدەگەن ادامنىڭ xالىقارالىق لاڭكەستىك ۇيىمدارعا قوسىلۋىنا جول بەرىلمەدى. دەگەنمەن، سيرياداعى اسكەري قاقتىعىستارعا قاتىسىپ جاتقان قازاقستان ازاماتتارى بار. بۇگىندە ولاردىڭ اراسىندا راديكالدى كوزقاراسقا بوي الدىرعاندار از ەمەس. اسكەري دايىندىعى دا جوعارى. سوندىقتان ونداي ازاماتتار ەلگە قايتىپ كەلگەننەن كەيىن تەرروريستىك اكت جاساۋى ابدەن مۇمكىن، - دەپ xابارلايدى Baq.kz ءتىلشىسى.
ۇلتتىق قاۋىپسىزدىك كوميتەتىنىڭ مالىمەتىنە سايكەس، سوڭعى بەس جىلدىڭ ىشىندە سان الۋان ماقساتتاعى 64 تەرروريستىك جانە ەكسترەميستىك اكتسيالاردىڭ جولى كەسىلدى. ال اعىمداعى جىلى ونداي 9 ارەكەت اشكەرەلەندى.
«اۋعانستان، يراك پەن سيرياداعى اسكەري قاقتىعىستار باستالعالى بەرى xالىقارالىق تەرروريستىك ۇيىمداردىڭ بەلسەندىلىگى ارتا ءتۇستى. وسى ۋاقىتقا دەيىن تەرروريستىك لاگەرلەردەن 45 قازاقستان ازاماتى دەپورتاتسيالاندى. ءوز ەركىمەن ورالعان ادامدار دا از ەمەس. جالپى، بەس جىلدىڭ ىشىندە 445 ادام سوتتالدى. جىل باسىنان بەرى 25 ادامعا قاتىستى ۇكىم شىعارىلدى، تاعى 50 جۋىق ادام ۋاقىتشا قاماۋ يزولياتورىندا وتىر»، - دەيدى ن.بەلىسبەكوۆ "قازىرگى كەزەڭدەگى ەكسترەميزم مەن تەرروريزمنىڭ الدىن الۋ مەن جولىن كەسۋدىڭ زاڭنامالىق جانە ينستيتۋتسيونالدىق شارالارى" تاقىرىبىنداعى "دوڭگەلەك ۇستەل" وتىرىسى بارىسىندا.
«قازىرگى كەزدە ءبىز ونداي ادامداردى ارى كەتسە، 7 جىلعا سوتتاي الامىز. بۇل - ەڭ جوعارعى جازا. سوندىقتان وسى ماسەلەنى رەتتەۋ كەرەك دەپ سانايمىز»، - دەپ اتاپ كورسەتتى ن.بەلىسبەكوۆ.
ارمان اسقاروۆ
Abai.kz
