بۇل قاراجات ءىرى قارا مال، ۇساق مال، جىلقى جانە ت.ب. ءۇي جانۋارلارى مەن ءۇي قۇستارىن، سونداي-اق، جەم-ءشوپ ساتىپ الۋعا بولىنبەك.

قوردىڭ ءباسپاسوز قىزمەتىنىڭ حابارلاۋىنشا، بيىل اۋىل شارۋاشىلىعىن قارجىلاي قولداۋ قورى جەكە شارۋا قوجالىقتارى نەگىزىندە 55 مىڭ باس مالى بار 7 مىڭ شاعىن مال بورداقىلاۋ الاڭدارىنا ارناپ 10, 9 ملرد تەڭگە بولمەك.

«وسىلايشا، جەكە مال بورداقىلاۋ شارۋاشىلىعى جەكە كاسىپكەرلىككە اينالىپ، اي سايىنعى ايلىق تابىسپەن قامتاماسىز ەتىلەدى. سونداي-اق، تۇراقتى جۇمىس ورىندارى قۇرىلادى، باعدارلاما جەرگىلىكتى بيۋدجەت ەسەبىنە جىل سايىن سالىق تولەپ وتىرۋدى قامتاماسىز ەتەتىن بولادى»، – دەلىنگەن ەنشىلەس «كازاگرو» ۇيىمىنىڭ ءباسپاسوز حابارلاماسىندا.

وسى تاپسىرمانى ورىنداۋعا ارنالعان قاراجات ««جۇمىسپەن قامتۋدىڭ جول كارتاسى-2020» باعدارلاماسى بويىنشا بولىنگەن. سونداي-اق، «بەرەكە» نەسيە بەرۋ باعدارلاماسى بار. جىل باسىندا اۋىل شارۋاشىلىعىن قارجىلاي قولداۋ قورى اتالعان باعدارلاما بويىنشا 3,7 مىڭ نەسيە الۋشىنى 9,2 ملرد تەڭگەمەن قارجىلاندىرعان. قارجىلاندىرۋدىڭ دەنى مال شارۋاشىلىعىن دامىتۋعا جۇمسالماق.

اقشا ءىرى قارا مال، ۇساق مال، جىلقى جانە ت.ب. ءۇي جانۋارلارى مەن ءۇي قۇستارىن، سونداي-اق جەم-ءشوپ ساتىپ الۋعا بولىنەدى ەكەن. نەسيەنىڭ ەڭ جوعارعى سوماسى – 3 ملن تەڭگە. بۇرىنعى نەسيەسىن الدىن الا تولەگەن قاتىسۋشىلارعا – 5 ملن تەڭگە. قايتارۋ مەرزىمى – 4 جىلعا دەيىن. 500 مىڭ تەڭگەگە دەيىنگى نەسيەنىڭ پايىزدىق سىياقى مولشەرلەمەسى – جىلىنا 4,8%، 500 مىڭ تەڭگەدەن جوعارى بولعان جاعدايدا – جىلىنا 6%.  جىلدىق ءتيىمدى سىياقى مولشەرلەمەسى، جىلىنا 5%-دان 6,7%-عا دەيىن.

اbai.kz