1 قازان – حالىقارالىق قارتتار كۇنى مەرەكەسىنە وراي، وبلىس اكىمى ب.اتامقۇلوۆ تىل ارداگەرى نينا لىچاگينانىڭ وتباسىنا ارنايى بارىپ قۇتتىقتاپ، سىي-سياپات تابىس ەتتى. بۇل تۋرالى «Abai.kz» پورتالى وقو اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

ارداگەر اپامىزعا جىلى لەبىزىن بىلدىرگەن ءوڭىر باسشىسى ءىسi ىزەتتىلىك پەن ۇلگiلى ونەگەگە تولى قادiرمەندi قاريالاردىڭ ەلگە سiڭiرگەن ەرەن ەڭبەكتەرi ۇرپاق ساناسىندا ماڭگىگە ساقتالاتىنىن ايتتى. 

نينا لىچاگينا 1927 جىلى ۆورونەج وبلىسى، گريبانوۆ اۋدانىندا تۋىلعان. وقۋدى بىتىرگەن سوڭ 1946 جىلى وڭتۇستىك قازاقستان وبلىسىنا جولداما الىپ، مۇندا 1946-1960 زووتەحنيك ماماندىعىمەن جۇمىس ىستەگەن. ال 1974-1986 جىلدار ىشىندە وبلىستىق مەمينسپەكتسياسىندا اۋىل شارۋاشىلىق ونىمدەرىن ساتىپ الۋ جونىندەگى باس مەملەكەتتىك ينسپەكتورى بولىپ قىزمەت ەتتى.

قاريا وسى جىلدارداعى ەرەن ەڭبەگىنىڭ ارقاسىندا «ەڭبەك قىزىل تۋ» جانە «قۇرمەت بەلگىسى» وردەندەرىمەن ناگرادتالعان. بۇگىندە نەمەرەسىنىڭ وتباسىندا تۇرادى.

كەزدەسۋ بارىسىندا وبلىس اكىمى ەلىمىز ەگەمەندىك العان جىلدارى باعىندىرعان بيىكتەرىمىز بەن جەتكەن جەتiستiكتەرiمىز سىزدەردىڭ لايىقتى ەڭبەكتەرىڭىزبەن پايىمدى پاراساتتارىڭىزدىڭ ارقاسى ەكەنىن ايتىپ، وتان ءۇشىن كەۋدەسىن وققا توسىپ، بۇگىنگى ۇرپاققا بەيبىت ءومىر سىيلاعان قارت كىسىگە العىسىن ءبىلدىردى.

Abai.kz