سيريالىق الەپپو تۇبىندە قالا ءۇشىن شايقاس ءجۇرىپ جاتىر
سيريادا جەكسەنبى كۇنى وپپوزيتسيانىڭ قارۋلى كۇشى الەپپو تۇبىندەگى بىرنەشە اۋداندا ۇكىمەت اسكەرىمەن سوعىستى. سيريالىق قولباسشىلىق وپپوزيتسيانى قارۋلارىن تاستاپ، قالادان كەتۋگە شاقىردى.
اتىستار الەپپو قالاسىنىڭ سولتۇستىگىندەگى ءال شۋكيف بيىكتىگى ءۇشىن، بۋستان ءال باشا اۋدانىندا ءجۇردى. ۇكىمەت كۇشتەرىنىڭ الەپپوعا شابۋىلدارىن رەسەيلىك جانە سيريالىق اۋە كۇشتەرى قولداپ وتىر. اۋە سوققىلارى قالانىڭ شىعىس اۋداندارىنا جاسالدى. بۇل تۋرالى Associated Press اگەنتتىگى سيريالىق ادام قۇقىعىن قورعاۋشىلارعا سىلتەمە جاساپ حابارلادى.
وپپوزيتسيالىق قارۋلى توپتىڭ ءبىر مۇشەسى اگەنتتىككە ۇكىمەت اسكەرى قۇرامىندا شەتەل ازاماتتارى سوعىسىپ جۇرگەنىن حابارلاعان. ولار - ليۆان جانە يراك ازاماتتارى، ۇستاعان تۋلارىنان سونى اڭعارۋعا بولادى، دەدى وپپوزيتسيا قۇرامىنداعى دەرەككوز.
اباي اقپارات
