اعىمداعى جىلدىڭ 29-30 قىركۇيەك كۇندەرى وقو اكىمىنىڭ ءبىرىنشى ورىنباسارى د.ساتىبالدى باستاعان ءبىر توپ دەلەگاتسيا جۇمىس ساپارىمەن اۆتريا رەسپۋبليكاسىندا بولىپ قايتتى.

ەكى كۇندىك ءىسساپاردا وڭتۇستىكقازاقستاندىق كاسىپكەرلەر اۆستريادا وتكەن «فەلدەن» فورۋمىنا قاتىسىپ، كاسىپكەرلىك، دەنساۋلىق ساقتاۋ، قورشاعان ورتا مەن جاستار ءىسى، مادەنيەت، ءبىلىم، سونىمەن بىرگە، سپورت سالالارىندا بىرلەسە جۇمىس ىستەۋ اياسىنداعى كەلىسىمگە قول جەتكىزدى. جيىندا وڭتۇستىك قازاقستان وبلىسىنىڭ تۋريزم جانە ەكونوميكالىق مۇمكىندىكتەرى 1000-عا جۋىق قاتىسۋشىلاردىڭ الدىندا تانىستىرىلىپ، دەلەگاتسيانىڭ كەلۋ ماقساتى ءتۇسىندىرىلدى.

«وڭتۇستىك قازاقستان وبلىسى مەن كارينتيا جەرى تۋراسىنداعى» قۇجاتتاماعا سايكەس جاسالعان كەلىسىمدەر ناتيجەسىندە، جاستار ءتۇرلى سالالاردا تاجىريبە الماسۋعا مۇمكىندىك الىپ، قوس ەلدەگى بىرلەسكەن كاسىپورىنداردىڭ سانى ارتاتىن بولدى.

ەسكە سالايىق، وڭتۇستىكقازاقستاندىق دەلەگاتسيا وسى جىلدىڭ تامىز ايىندا اۆستريا رەسپۋبليكاسىنىڭ كارينتيا قالاسىنا جۇمىس ساپارىمەن بارىپ، تۋىستىق قاتىناستى نىعايتۋدا ءتۇرلى سالالار شەڭبەرىندە كەلىسىم جاساۋعا ۋاعدالاسىپ قايتقان بولاتىن.

جۇمىس ساپارى شەڭبەرىندە وڭتۇستىك قازاقستان وبلىسى دەلەگاتسياسىنىڭ مۇشەلەرى اتالعان ەلدەگى دانەكەرلىك ەلەكترودتار شىعاراتىن Voestalpine Böhler Welding زاۋىتىن، لاسنيتسحيوە وڭالتۋ ورتالىعىن جانە Andritz AG سۋ ەلەكتر ستانساسىن تاماشالادى، دەپ حابارلايدى وقو اكىمىنىڭ ءباسپاسوز قىزمەتى. سونىمەن قاتار، وڭتۇستىكقازاقستاندىق دەلەگاتسيا شتيريا فەدەرالدى جەرىنىڭ رەسمي جانە ىسكەرلىك توپتارىنىڭ وكىلدەرىمەن كەزدەسۋ وتكىزدى. وقو كاسىپكەرلىك، يندۋستريالدى-يننوۆاتسيالىق دامۋ جانە تۋريزم باسقارماسىنىڭ باسشىسى م.قاراباەۆ پەن «Ontustik Tourism Center» اقپاراتتىق ورتالىعى ديرەكتورىنىڭ مىندەتىن اتقارۋشى ج.تولەبەكوۆ اۆستريا تاراپىنا وڭتۇستىك قازاقستان وبلىسىنىڭ تۋريستىك مۇمكىندىكتەرىن تانىستىرسا، شتيريا كاسىپورىن يەلەرى جانە تۋريزم بىرلەستىگىنىڭ وكىلدەرىمەن ءوزارا ىنتىماقتاستىق پەرسپەكتيۆالارى تالقىلاندى. ايتا كەتەتىن تاعى ءبىر جايت، وڭتۇستىكقازاقستاندىق دەلەگاتسيانىڭ اۆسترياعا ساپارى كەزىندە بۇگىن ونداعى الەمگە ايگىلى ۆەنالىق Ringenstrasser گالەرەياسىندا «وڭتۇستىك» كوركەمسۋرەت كورمەسى ءوز جۇمىسىن باستادى. 

وقو اكىمىنىڭ ءباسپاسوز قىزمەتى