«قازاقستاننىڭ بولاشاعى-قازاق تىلىندە»

جوباسى بويىنشا وتكىزىلگەن ءىس-شارالاردى

قورىتىندىلاۋ جونىندەگى بريفينگتىڭ

ءباسپاسوز پاراعى

وتەتىن ورنى جانە ۋاقىتى:  الماتى قالاسى ، «دوستىق ءۇيى» 

( م. تولەباەۆ جانە قۇرمانعازى كوشەلەرىنىڭ قيىلىسى) 

2016 جىلعى 6 قازان، ساعات 11.00

قازاقستان رەسپۋبليكاسى مادەنيەت جانە سپورت مينيسترلىگى
تىلدەردى دامىتۋ جانە قوعامدىق-ساياسي جۇمىس كوميتەتى قازاقستان رەسپۋبليكاسىندا تىلدەردى دامىتۋ مەن قولدانۋدىڭ 2011-2020 جىلدارعا ارنالعان مەملەكەتتىك باعدارلاماسىن ىسكە اسىرۋ جونىندەگى
2014-2016 جىلدارعا ارنالعان ءىس-شارالار جوسپارىنىڭ 17-تارماعىنا سايكەس 2016 جىلعى 4-6 قازان كۇندەرى الماتى قالاسىندا  "قازاقستاننىڭ بولاشاعى – قازاق تىلىندە" اتتى  جوبا بويىنشا ءىس-شارالار كەشەنىن وتكىزەدى.

جوبانىڭ ماقساتى – ءورىستىلدى ازاماتتار اراسىندا قازاق ءتىلىن، قازاقستان رەسپۋبليكاسىنىڭ مەملەكەتتىك ءتىل ساياساتىن ناسيحاتتاۋ. قازاقستاندا تۇراتىن ەتنوس وكىلدەرىنىڭ بىرلىگى مەن ىنتىماقتاستىعى،  جاس ۇرپاقتىڭ پاتريوتتىق تاربيەسى، ەلىمىزدىڭ عىلىم-ءبىلىم، جاڭا تەحنولوگيا سالاسىنداعى جەتىستىكتەرى  جايىندا ءسوز قوزعاۋ، پىكىر الماسۋ.

جوبانى  جۇزەگە اسىرۋ جونىندەگى جۇمىس توبىنىڭ قۇرامىندا بەلگىلى ساياساتكەرلەر،  قوعام قايراتكەرلەرى، عالىمدار، ۇكىمەتتىك ەمەس ۇيىمدار مەن جەرگىلىكتى اتقارۋشى ورگانداردىڭ رەسمي وكىلدەرى بار.

الماتىدا وتەتىن ءىس-شارلار كەشەنىنە رەسپۋبليكالىق «ۇلت تاعدىرى» قوزعالىسىنىڭ توراعاسى، ساياساتتانۋشى، قوعام قايراتكەرى دوس كوشىم, ساياساتتانۋشى راسۋل جۇمالى, ساياساتتانۋشى ايدوس سارىم, «مەملەكەتتىك تىلگە قۇرمەت» بىرلەستىگىنىڭ ءتورايىمى، ءتىل جاناشىرى اسىلى وسمان جانە ت.ب قاتىسادى. ولار ءۇش كۇن بويى الماتى قالاسىنىڭ حالىققا قىزمەت كورسەتۋ ورتالىقتارىنىڭ، بانكتەردىڭ، «الماتى-1» تەمىر جول ۆوكزالىنىڭ، الماتى اۋەجايىنىڭ، الماتى قالاسى جول پاترۋلدىك پوليتسياسىنىڭ قىزمەتكەرلەرى مەن ەتنومادەني بىرلەستىكتەردىڭ وكىلدەرىمەن كەزدەسىپ اڭگىمە وتكىزەدى جانە سۇراقتارعا جاۋاپ بەرەدى.

"قازاقستاننىڭ بولاشاعى – قازاق تىلىندە" جوباسى بويىنشا جۇرگىزىلگەن جۇمىستاردى قورىتىندىلاۋ ماقساتىندا 2016 جىلعى  6 قازان كۇنى ساعات 11.00-دە «دوستىق ۇيىندە» (م. تولەباەۆ جانە قۇرمانعازى كوشەلەرىنىڭ قيىلىسى) باق وكىلدەرىمەن بريفينگ وتكىزىلەدى. بريفينگكە جوعارىدا اتالعان جۇمىس توبىنىڭ مۇشەلەرىمەن بىرگە قر مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتىنىڭ باسقارما باسشىسى يساقوۆا تولقىن جولدىبايقىزى  الماتى قالاسى تىلدەردى دامىتۋ باسقارماسىنىڭ باسشىسى احەتوۆ  ماماي قانيۇلى قاتىسادى.

بايلانىس تەلەفوندارى: 8(7172) 40-83-97; 8(7272) 63-15-27.

Abai.kz