وڭتۇستىك قازاقستان وبلىسىنداعى تۇلكىباس اۋدانىنىڭ «كاسىپكەرلەرگە قىزمەت كورسەتۋ ورتالىعىندا» 2016 جىلدىڭ باسىنان 630 كاسىپكەرلەرگە كەڭەس، 144 كاسىپكەرلەرگە ءارتۇرلى قۇجاتتار راسىمدەۋگە كومەك كورسەتىلدى، دەپ حابارلايدى وبلىس اكىمدىگىنىڭ ءباسپاسوز قىزمەتى.

وسى ۋاقىتقا دەيىن 197 ادام كاسىپكەرلىكتى وقىپ، مەڭگەرگەن. كاسىپكەرلىكتى دامىتۋعا شاعىن نەسيە ۇيىمدارى مەن ەكىنشى دەڭگەيدەگى بانكتەر ارقىلى كاسىپكەرلەرگە نەسيە الۋعا ىقپال جاسالۋدا. اۋدانداعى 4 شاعىن نەسيە ۇيىم  («كازميكروفينانس» جشس، «ىرىس» جشس، «ارنۇر كرەديت» شقۇ، «تۇلكىباس» نس) مەن قورلارى («اۋىلشارۋاشىلىعىن قارجىلاي قولداۋ قورى» اق) ارقىلى 527 جەكە ازاماتقا  873 ملن تەڭگە نەسيە بەرىلدى.

ونىڭ ىشىندە «جۇمىسپەن قامتۋ-2020» باعدارلاماسى شەڭبەرىندە 87 جەكە ازاماتقا 219 ملن 500 مىڭ تەڭگە نەسيە بەرىلدى (2015 جىلى 60 جەكە ازاماتتارعا 161,1ملن تەڭگە). اۋداندا سونىمەن قاتار، ونەركاسىپ ءونىمى ارتىپ كەلەدى. اۋداننىڭ الەۋمەتتىك-ەكونوميكالىق دامۋىن ارتتىرۋ ماقساتىندا 2016 جىلدىڭ 9 ايىنىڭ قورىتىندىسى بويىنشا اۋداندا 1 ءىرى، 6 ورتا، 21 كىشى جانە 4 قوسالقى بارلىعى 32 كاسىپورىن جۇمىس ىستەپ تۇر. ونىڭ ىشىندە بەلسەندى جۇمىس اتقاراتىنى - 21, مەزگىلدى جۇمىس اتقاراتىنى - 11. 

ناتيجەسىندە 9 ايدا 12 076 ملن تەڭگەنىڭ ءونىمى ءوندىرىلىپ، 340 ملن تەڭگەگە ارتتى. سونىمەن قاتار، 2016 جىلدىڭ 9 ايىنىڭ قورىتىندىسى بويىنشا اۋدانعا تارتىلعان ينۆەستيتسيالار كولەمى 7,4 ملرد تەڭگەگە جەتتى. ونىڭ ىشىندە مەملەكەتتىك بيۋدجەت ەسەبىنەن 3 ملرد 78 ملن تەڭگە، كاسىپورىندار مەن ۇيىمداردىڭ جانە حالىقتىڭ ءوز قارجىسى ەسەبىنەن 1 ملرد 121 ملن تەڭگە، بانك نەسيلەرى ەسەبىنەن 3 ملرد 226 ملن تەڭگە تارتىلعان. 

Abai.kz