وڭتۇستىك قازاقستان وبلىسىنداعى ورداباسى اۋدانى بيىلعى جىلدى اۋىل شارۋاشىلىق ونىمدەرى بويىنشا جاقسى كورسەتكىشتەرمەن اياقتادى دەۋگە نەگىز بار. ماسەلەن، اۋداندا «سىباعا» باعدارلاماسىن جۇزەگە اسىرۋ اياسىندا 1066 ءىرى قارا مال، «التىن اسىق» باعدارلاماسىمەن 2903 ۋاق مال الىنعان. 

ال «قۇلان» باعدارلاماسىنىڭ ارقاسىندا اسىل تۇقىمدى جىلقىلاردىڭ سانى 741-گە جەتكەن. وسى جىلى اۋىل شارۋاشىلىعى داقىلدارىنىڭ ەگىستىك القابى 357 گەكتارعا ارتىپ، جالپى 54 357 گەكتاردى قۇراعان. وتكەن جىلمەن سالىستىرعاندا ەگىلگەن ماقتانىڭ كولەمى – 62, بيدايدىڭ كولەمى – 32, ال كارتوپتىڭ كولەمى 3,7 پايىزعا ۇلعايعان.

سونىڭ ارقاسىندا اۋداندا بيىل 30 259 توننا بيداي قامباعا ءتۇسىپ، 15 028 توننا ماقتا، 68 650 توننا كوكونىس، 43 500 توننا باقشا ونىمدەرى جينالدى. اۋىلداردىڭ ەرەكشەلىگى ەسكەرىلىپ، ونىمدىلىكتى ارتتىرۋ بويىنشا اتقارىلعان جۇمىستىڭ ناتيجەسىندە 5 اۋىلشارۋاشىلىق وندىرىستىك كووپەراتيۆ قۇرىلدى. الداعى كۇندەرى اۋىلدىق وكرۋگتەردە ماشينا-تراكتور ستانتسياسىن اشۋ جوسپارلانۋدا. بۇل شارۋالارعا ۇلكەن قولقابىس بولاتىن يگى ءىس ەكەنى ءسوزسىز.

جاقسى جاڭالىق رەتىندە ايتار تاعى ءبىر جەتىستىك - ءبورجار اۋىل وكرۋگىندە ينتەنسيۆتى باۋ شارۋاشىلىعى قولعا الىنىپ، «الەكساندروۆسكي ساد» سەرىكتەستىگى كۇننىڭ ساۋلەسىن تىكەلەي وتكىزبەيتىن سەتكا پايدالانۋ ارقىلى باۋ ەگۋمەن اينالىسۋدا. كاسىپورىن بيىلعى جىلدىڭ ناۋرىزىنان ىسكە قوسىلىپ، بۇگىنگى تاڭدا 30 ادامدى جۇمىسپەن قامتىپ وتىر. بيىل اۋداندا جاڭادان ەگىلگەن جەمىس باۋلارى 500 گەكتارعا جەتىپ وتىر. ونىڭ ىشىندە قارقىندى باۋ جوباسى 97 گەكتارعا ىسكە اسىرىلعان. اۋدان بويىنشا جىلىجايلاردىڭ كولەمى 7,18 گەكتارعا ۇلعايعان.

مىنە، وسىنداي سەرپىندى جوبالاردى جۇزەگە اسىرۋ ارقىلى        اۋداندا تۇرعىنداردىڭ الەۋمەتتىك ماسەلەلەرى ءوز شەشىمىن تابۋدا. بۇل ءىس الداعى ۋاقىتتا دا جالعاسىن تابادى دەگەن سەنىمدەمىز.

Abai.kz