«سامۇرىق-قازىنا» قورى مەن قازاقستاندىق ءىت-كومپانيالار قاۋىمداستىعى اراسىندا وتكەن كەزدەسۋدە ءوزارا ىنتىماقتاستىق ماسەلەلەرى قارالىپ، قوردىڭ ترانسفورماتسيا جونىندەگى باعدارلامالارىن جۇزەگە اسىرۋ اياسىندا وتاندىق باعدارلاماشىلاردى تارتۋ جانە جەرگىلىكتى ءىت-كومپانيالاردىڭ قىزمەت كورسەتۋ ماسەلەلەرى تالقىلاندى.

«سامۇرىق-قازىنا» قورىنىڭ بيزنەستى ترانسفورماتسيالاۋ جونىندەگى باسقارۋشى ديرەكتورى اداماس يلكياۆيچيۋستىڭ ايتۋىنشا، قازىر ولار ءىت-مامانداردى تارتىپ جاتىر. سەبەبى، قازاقستاندا ءىت-تەحنولوگيالار سالاسىنىڭ الەۋەتى جوعارى.

تالقىلاۋ قورىتىندىسى بويىنشا جۇمىس توبىن قۇرۋ تۋرالى كەلىسىم جاسالدى. الداعى ۋاقىتتا جۇمىس توبىنىڭ كەزدەسۋلەرى اياسىندا ءىت-سالاسىنداعى بىرلەسكەن شارالاردى قولعا الىنباق. وسىلايشا، قور مەن قازاقستاننىڭ ءىت-كومپانيالار قاۋىمداستىعى اراسىنداعى بىرلەسكەن جۇمىس ارقىلى  جەرگىلىكتى ءىت-ماماندار ءوز قىزمەتتەرىن كورسەتە الاتىن ايماقتار انىقتالاتىن بولادى.

«اتامەكەن» قر ۇكپ باسقارما توراعاسىنىڭ ورىنباسارى مۇرات ابەنوۆتىڭ پىكىرىنشە، بۇل پىكىر الماسۋعا ءىت-سالاسىنداعى بارلىق ماماندار، كومپانيالار مەن كاسىپكەرلەر قاتىسۋى كەرەك.

سونىمەن بىرگە، الماتىداعى «الاتاۋ» يننوۆاتسيالىق تەحنولوگيالار پاركى» سەكىلدى ارنايى ەكونوميكالىق ايماق الاڭدارىندا وزگە دە قازاقستاندىق ءىت-كومپانيالاردىڭ مۇمكىندىكتەرىمەن تانىسۋ تۋرالى ۇسىنىس ايتىلدى. «اتامەكەن» ۇلتتىق كاسىپكەرلەر پالاتاسى باسقارما توراعاسىنىڭ ورىنباسارى ەلدوس رامازانوۆتىڭ ايتۋىنشا، بۇل وتاندىق كاسىپكەرلەرگە بارىنشا كومەك كورسەتۋگە مۇمكىندىك بەرەدى.

ەسكە سالساق، بيىل مامىر ايىندا «اتامەكەن» قر ۇكپ مەن «سامۇرىق-قازىنا» قورىنىڭ ەنشىلەس سەگىز كومپانياسى وتاندىق وندىرۋشىلەردى قولداۋ جانە ولاردىڭ مۇددەلەرىن قورعاۋ ءۇشىن ىنتىماقتاستىق تۋرالى كەلىسىم جاسادى.

Abai.kz