سەنبى, 28 قاراشا 2020
COVID-19 قازاقستاندا. جۇقتىرعاندار — 130039. جازىلعاندار — 116044. قايتىس بولعاندار — 1990
اسقانعا - توسقان 4166 0 پىكىر 28 شىلدە, 2016 ساعات 13:32

ءماسىموۆتىڭ ۇستىنەن ءىىم-گە شاعىم ءتۇسىردى

جاقىندا «ازاماتتىق پاترۋل» بەلسەندىسى پرەمەر-ءمينيستردىڭ ۇستىنەن ءىىم-عا شاعىم ءتۇسىردى،-دەپ جازادى motor.kz سايتى.

اتالعان سايتتىڭ جازۋىنشا، بەلسەندىلەر قر ۇكىمەت باسشىسىنىڭ جول ەرەجەسىن ورەسكەل بۇزعاندىعى ءۇشىن، اكىمشىلىك جازاعا تارتىلۋىن تالاپ ەتكەن.

شاعىم يەسىنىڭ تالابىندا قر پرەمەر-ءمينيسترى كارىم قاجىمقانۇلى ءماسىموۆ حالىقارالىق اۆتوماگيسترالدا ۆەلوسيپەدپەن جۇرگەن.

«ەكى كۇن بۇرىن پرەمەر-ءمينيستردىڭ «Instagram» جەلىسىندەگى جەكە پاراقشاسىندا اۆتوماگيسترال ۇستىندە ۆەلوسيپەد تەۋىپ جۇرگەن سۋرەتى جاريالاندى. ال سۋرەتتىڭ  تومەنگى جاعىندا «ۆەلوسەرۋەن» دەپ جازىلعان. قر جول ءجۇرۋ ەرەجەسىنىڭ 16.1.1 تارماعىندا اۆتوماگيسترالدەردە ۆەلوسيپەدپەن جۇرۋگە تىيىم سالىنعان. سوندىقتان قازاقتان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 615-بابىنا سايكەس 5 اەك (ايلىق ەسەپتىك كورسەتكىش) كولەمىندە ايىپپۇل سالىنۋى كەرەك»،-دەلىنگەن شاعىمدا.

پورتال مالىمەتىنە سۇيەنسەك، «ازاماتتىق پاترۋل» بەلسەندىسىنىڭ شاعىمىن قر ءىىم-ءى ەلەكتروندى ۇكىمەتتىڭ پورتالىنا تىركەپ قويعان.

ەستەرىڭىزگە سالا كەتەيىك، وسىدان بىرنەشە كۇن بۇرىن «Abai.kz» پورتالى پرەمەر-ءمينيستردىڭ ۆەلوسەرۋەنگە شىعىپ، اۆتوماگيسترالدە تۇسكەن سۋرەتىن سىناعان ماقالا جازعان بولاتىن.

قوعام ءام مەملەكەت ارقاشان تارتىپكە نەگىزدەلىپ تىرشىلىك ەتەدى. قوعامدا ءتارتىپ بولماسا، ول قۇلدىرايدى، ياعني، مەملەكەتتىڭ دە كەلەشەگى بولمايدى. ال سول ءتارتىپ، قاعيداتتاردى جوعارعى لاۋازىمدى شەنەۋنىكتەردىڭ وزدەرى ەلەمەسە نە بولادى؟ الدە كودەكستە كورسەتىلگەن ەرەجەنىڭ كۇشى ماسىموۆكە جۇرمەي مە؟

ەلباسىمىزدىڭ ءوزى  قوعامدىق قۇقىق بۇزۋشىلىقپەن كۇرەستى كۇشەيتۋدى تاپسىرعاندا ءماسىموۆتىڭ مۇنىسى نەسى؟ بەلسەندى شاعىمىنان كەيىن ءىىم  پرەمەر-مينيسترگە قاتىستى شارا قولدانا ما؟

نۇرزات توعجان

Abai.kz

0 پىكىر