قازاقستان رەسپۋبليكاسى مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتىنىڭ ۇيىمداستىرۋىمەن توراعاسىنىڭ «وي-سانا» ورىس ءتىلى بىلگىرلەرىنىڭ ءVIىI رەسپۋبليكالىق بايقاۋى وتەدى، - دەپ حابارلايدى اباي-اقپارات مينيسترلىكتىڭ ءباسپاسوز قىزمەتىنە سىلتەمە جاساپ.

اتالمىش بايقاۋعا قاتىسىپ، باعىن سىناعىسى كەلەتىن اعايىن نازارىنا سايىستىڭ ەرەجەسىن ۇسىنىپ وتىرمىز. 

بايقاۋ ەرەجەسى

وسى ەرەجە بايقاۋدىڭ كەزەڭدەرى، وتكىزىلۋ ءتارتىبى، شارتتارى، قاتىسۋشىلار، جەڭىمپازداردى ىرىكتەۋ تالاپتارىن جانە ماراپاتتاۋ شارتتارىن انىقتايدى.

ءى. بايقاۋدىڭ  قۇرىلتايشىلارى: قازاقستان رەسپۋبليكاسى مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتى مەن قازاقستاننىڭ ورىس قاۋىمى.

ءىى. بايقاۋدىڭ  ماقساتتارى مەن مىندەتتەرى:

-         قازاق تىلىندە وقيتىن جاستاردىڭ اراسىندا ورىس ءتىلىن تانىتۋ جانە ونى وقۋعا ىنتالاندىرۋ;

-         ورىس ءتىلىن مەڭگەرگەن دارىندى جاستاردى انىقتاۋ جانە قولداۋ;

-         ريتوريكالىق داعدىلاردى، سويلەۋ مادەنيەتى دەڭگەيىن كوتەرۋ.

ءىىى. جالپى ەرەجە:

«وي-سانا» ورىس ءتىلى بىلگىرلەرىنىڭ بايقاۋى 2 كەزەڭدە وتەدى:

I كەزەڭ – وڭىرلىك (2016 جىلعى 2 ناۋرىز – 16 تامىز ارالىعىندا وبلىستاردا جانە استانا، الماتى قالالارىندا  وتكىزىلەدى);

II كەزەڭ – رەسپۋبليكالىق (2016 جىلى قىركۇيەكتە استانا قالاسىندا وتەدى).

بايقاۋدىڭ ءبىرىنشى كەزەڭىن وتكىزۋ شارتتارى:

ءبىرىنشى نوميناتسيا: تىڭدالىم، ورىس ءتىلىنىڭ لەكسيكاسى مەن گرامماتيكاسىن بىلۋگە ارنالعان 60 تەست تاپسىرماسى;

تەست تاپسىرماسىن ورىنداۋ ۋاقىتى – 40 مينۋت.

ەكىنشى نوميناتسيا: جازباشا جانە ۆيكتورينا بولىكتەرىنەن تۇرادى:

1) جازباشا بولىگى: ۇسىنىلعان ءۇش تاقىرىپتىڭ بىرەۋىنە ەسسە جازۋ. ەسسەنىڭ كولەمى: 1,5-3 بەت. تاپسىرمانى ورىنداۋ ۋاقىتى – 30 مينۋت.

2) ۆيكتورينا: قاتىسۋشىلار ورىس ءتىلى، ادەبيەتى، مادەنيەتى، سالت-داستۇرلەرى جايىندا ۆيكتورينالىق سۇراقتارعا (25 سۇراق) جازباشا جاۋاپ بەرەدى.

ءۇشىنشى نوميناتسيا: كەز كەلگەن جانرداعى ءماتىندى مانەرلەپ وقۋ ء            (ۇي تاپسىرماسى).

بايقاۋدىڭ ەكىنشى كەزەڭىن وتكىزۋ شارتتارى:

ءبىرىنشى نوميناتسيا: جاڭىلتپاشتاردى وتە شاپشاڭ ءارى انىق ايتۋ (بيلەتتىك جۇيە);

ەكىنشى نوميناتسيا:جازباشا جانە اۋىزشا بولىكتەن تۇرادى:

1) جازباشا بولىگى: ورىس تىلىندە ەسسە جازۋ (تاقىرىپتار بيلەت  ارقىلى ۇسىنىلادى). سونىمەن قاتار ەسسەگە قوسىمشا اعىلشىن نەمەسە بايقاۋعا قاتىسۋشى مەڭگەرگەن باسقا دا كەز كەلگەن (3-4 جولدان تۇراتىن) شەت تىلىندە تۇيىندەمە جازۋ. ەسسەنىڭ سوڭعى پاراعىندا مىناداي اقپارات قامتىلۋى ءتيىس: اتى، تەگى، تۋعان جىلى، تۇراتىن جەرى، وقۋ ورنىنىڭ اتاۋى، مەكەنجايى.  ەسسەنىڭ كولەمى: 1,5-2 بەت. تاپسىرمانى ورىنداۋ ۋاقىتى – 35 مينۋت.

2) اۋىزشا بولىگى:  ۇسىنعان تاپسىرما  بويىنشا قاتىسۋشىلار جۇپپەن ديالوگ قۇرادى (بيلەت الۋ ارقىلى).ۇزاقتىعى 3-5 مين.

ءۇشىنشى نوميناتسيا: «شابىت جۇلدىزى» شىعارماشىلىق تاپسىرماسى: ورىس حالىق نەمەسە زاماناۋي ءانىن ورىنداۋ ء(ۇي تاپسىرماسى).

ورىنداۋ ۋاقىتى – 3-5 مينۋتتان اسپاۋى ءتيىس.  

– نەمەسە زاماناۋي تەاترلاندىرىلعان ينتەرپرەتاتسياداعى ورىس تىلىندە قوركەم شىعارما ءۇزىندىسىنىڭ قويىلىمى (پەسا، ەرتەگى، ت.ب.).

ورىنداۋ ۋاقىتى – 5-7 مينۋتتان اسپاۋى ءتيىس.

بايقاۋعا قاتىسۋشى ورىندالاتىن مۋزىكالىق ءنومىرىنىڭ سۇيەمەلدەۋىن تاڭداپ، ونى ەلەكتروندى تاسىمالداعىشتا نەمەسە CD-ديسكىگە جازىپ الىپ كەلۋدى قامتاماسىز ەتەدى.

ءىV. بايقاۋعا قاتىسۋشىلارعا قويىلاتىن تالاپتار:

بايقاۋعا جوعارعى وقۋ ورىندارىندا، جالپى ءبىلىم بەرۋ مەكەمەلەرىندە، ورتا جانە ورتا ارناۋلى وقۋ ورىندارىندا قازاق تىلىندە ءبىلىم الاتىن 18-22 جاس ارالىعىنداعى جاستار شاقىرىلادى.  

بايقاۋدى وتكىزۋ ءتىلى – ورىس ءتىلى.

وڭىرلىك كونكۋرس كوميسسياسى رەسپۋبليكالىق كەزەڭگە قاتىسۋعا ءبىر ۇمىتكەر جىبەرەدى.

رەسپۋبليكالىق كەزەڭگە قاتىسۋعا ءوتىنىشتى ۇيىمداستىرۋ كوميتەتىنىڭ ۇسىنعان ۇلگىسى بويىنشا تولتىرىلعان انكەتاسىمەن بىرگە استانا، الماتى قالالارىنىڭ جانە وبلىستىق تىلدەردى دامىتۋ باسقارمالارى جىبەرەدى.

بايقاۋعا مامانداندىرىلعان مەكتەپتەردىڭ (دارىندى بالالارعا ارنالعان), لينگۆيستيكالىق وقۋ ورىندارىنىڭ وقۋشىلارى، سونىمەن قاتار ورىس تىلىندە وقيتىن جوعارعى وقۋ ورىندارىنىڭ، جالپى ءبىلىم جانە ورتا ارناۋلى وقۋ ورىندارىنىڭ ستۋدەنتتەرى، الدىڭعى بايقاۋلاردىڭ جەڭىمپازدارى مەن جۇلدەگەرلەرى قاتىستىرىلمايدى.

V. بايقاۋدى ۇيىمداستىرۋ جانە وتكىزۋ شارتتارى:

-     بايقاۋدى ۇيىمداستىرۋ جانە وتكىزۋ ءۇشىن تىلدەردى دامىتۋ جانە قوعامدىق-ساياسي جۇمىس كوميتەتى، قازاقستاننىڭ ورىس قاۋىمى وكىلدەرىنەن، ورىس ءتىلى فيلولوگتارى جانە باسقا دا قۇزىرلى ۇيىمدار وكىلدەرىنەن ۇيىمداستىرۋ كوميتەتى جاساقتالادى.

-     ۇيىمداستىرۋ كوميتەتى كونكۋرستى وتكىزۋ فورماسى مەن ءتارتىبىن انىقتايدى، قازىلار مۇشەسىن قۇراپ، بەكىتەدى، كونكۋرس تاپسىرمالارىنىڭ باعالاۋ كريتەريلەرىن ازىرلەيدى، كونكۋرس تاپسىرمالارىن تەكسەرۋ جانە قازىلار القاسى جۇمىسىنا كومەگىن تيگىزۋ ءۇشىن ساراپشىلار توبىن قۇرادى.

    بايقاۋدىڭ ءوتۋى مەن ۇيىمداستىرۋىنا بايلانىستى بارلىق سۇراقتاردى شەشۋدى ۇيلەستىرەدى.

ءVى. قازىلار القاسى

قاتىسۋشىلاردىڭ جۇمىستارى مەن ونەرلەرىنىڭ ساپاسىن باعالاۋ جانە جەڭىمپازدار مەن جۇلدەگەرلەردى انىقتاۋ ءۇشىن قازىلار القاسىنىڭ قۇرامى جاساقتالادى. قازىلار القاسى ءتىل جانە مادەنيەت سالاسىنىڭ بەدەلدى قايراتكەرلەرىنەن، ياعني بەس ادامنان تۇرادى. قازىلار القاسىنىڭ شەشىمى حاتتامامەن راسىمدەلىپ، بايقاۋدىڭ جابىلۋ سالتاناتىندا جاريالانادى.

ءVىى. جەڭىمپازداردى انىقتاۋ جانە ماراپاتتاۋ.

قازىلار القاسى كونكۋرستىڭ ءار نوميناتسياسىن ۇيىمداستىرۋ كوميتەتىنىڭ ۇسىنعان كريتەريلەرى بويىنشا ون باللدىق جۇيەمەن باعالايتىن بولادى.

رەسپۋبليكالىق بايقاۋدا جيناعان ۇپايدىڭ ناتيجەسى بويىنشا باس جۇلدە، 1, 2, 3 جانە 4 ىنتالاندىرۋ ورىن بەرىلەدى.

جەڭىمپازدار، جۇلدەگەرلەر جانە بايقاۋعا قاتىسۋشىلار العان ورىندارىنا سايكەس اقشالاي سىيلىقتار، ديپلوم جانە العىس حاتتارمەن ماراپاتتالادى.

بايقاۋعا قاتىسۋشىلاردى دايىنداعان وقىتۋشىلارعا سەرتيفيكاتتار بەرىلەدى.

بايقاۋدىڭ سىيلىق قورى مەن  العان ورىندارىنا سايكەس اقشالاي سىيلىقتىڭ سومماسى كونكۋرستىڭ قۇرىلتايشىسى – تىلدەردى دامىتۋ مەن قوعامدىق-ساياسي جۇمىس كوميتەتى بەلگىلەيدى.

قازىلار القاسىنىڭ حاتتاماسىنا سايكەس سىيلىقتار بايقاۋدىڭ جابىلۋ سالتاناتىندا تاپسىرىلادى.

مەكەنجايىمىز: استانا قالاسى،  ورىنبور كوشەسى 8-ءۇي، 15-كىرەبەرىس، قازاقستان رەسپۋبليكاسى مادەنيەت جانە سپورت  مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتى. بايلانىس تەلەفوندارى: 8(7172) 74-05-10, 74-04-56, 74-05-09 (تەل/فاكس).

Abai.kz