Qazaqstan Respublikasy Mәdeniyet jәne sport ministrligi Tilderdi damytu jәne qoghamdyq-sayasy júmys komiytetining úiymdastyruymen tóraghasynyn «Oy-sana» orys tili bilgirlerining VIII respublikalyq bayqauy ótedi, - dep habarlaydy Abay-aqparat ministrlikting baspasóz qyzmetine silteme jasap.

Atalmysh bayqaugha qatysyp, baghyn synaghysy keletin aghayyn nazaryna sayystyng erejesin úsynyp otyrmyz. 

BAYQAU EREJESI

Osy ereje bayqaudyng kezenderi, ótkizilu tәrtibi, sharttary, qatysushylar, jenimpazdardy irikteu talaptaryn jәne marapattau sharttaryn anyqtaydy.

I. Bayqaudyn  qúryltayshylary: Qazaqstan Respublikasy Mәdeniyet jәne sport ministrligining Tilderdi damytu jәne qoghamdyq-sayasy júmys komiyteti men Qazaqstannyng Orys qauymy.

II. Bayqaudyn  maqsattary men mindetteri:

-         Qazaq tilinde oqityn jastardyng arasynda orys tilin tanytu jәne ony oqugha yntalandyru;

-         Orys tilin mengergen daryndy jastardy anyqtau jәne qoldau;

-         Ritorikalyq daghdylardy, sóileu mәdeniyeti dengeyin kóteru.

III. Jalpy ereje:

«Oy-sana» orys tili bilgirlerining bayqauy 2 kezende ótedi:

I kezeng – ónirlik (2016 jylghy 2 nauryz – 16 tamyz aralyghynda oblystarda jәne Astana, Almaty qalalarynda  ótkiziledi);

II kezeng – respublikalyq (2016 jyly qyrkýiekte Astana qalasynda ótedi).

Bayqaudyng birinshi kezenin ótkizu sharttary:

Birinshi nominasiya: tyndalym, orys tilining leksikasy men grammatikasyn biluge arnalghan 60 test tapsyrmasy;

Test tapsyrmasyn oryndau uaqyty – 40 minut.

Ekinshi nominasiya: jazbasha jәne viktorina bólikterinen túrady:

1) jazbasha bóligi: úsynylghan ýsh taqyryptyng bireuine esse jazu. Essening kólemi: 1,5-3 bet. Tapsyrmany oryndau uaqyty – 30 minut.

2) viktorina: qatysushylar orys tili, әdebiyeti, mәdeniyeti, salt-dәstýrleri jayynda viktorinalyq súraqtargha (25 súraq) jazbasha jauap beredi.

Ýshinshi nominasiya: kez kelgen janrdaghy mәtindi mәnerlep oqu             (ýy tapsyrmasy).

Bayqaudyng ekinshi kezenin ótkizu sharttary:

Birinshi nominasiya: janyltpashtardy óte shapshang әri anyq aitu (biylettik jýie);

Ekinshi nominasiya:jazbasha jәne auyzsha bólikten túrady:

1) jazbasha bóligi: orys tilinde esse jazu (taqyryptar biylet  arqyly úsynylady). Sonymen qatar essege qosymsha aghylshyn nemese bayqaugha qatysushy mengergen basqa da kez kelgen (3-4 joldan túratyn) shet tilinde týiindeme jazu. Essening songhy paraghynda mynaday aqparat qamtyluy tiyis: aty, tegi, tughan jyly, túratyn jeri, oqu ornynyng atauy, mekenjayy.  Essening kólemi: 1,5-2 bet. Tapsyrmany oryndau uaqyty – 35 minut.

2) auyzsha bóligi:  úsynghan tapsyrma  boyynsha qatysushylar júppen dialog qúrady (biylet alu arqyly).Úzaqtyghy 3-5 miyn.

Ýshinshi nominasiya: «Shabyt júldyzy» shygharmashylyq tapsyrmasy: orys halyq nemese zamanauy әnin oryndau (ýy tapsyrmasy).

Oryndau uaqyty – 3-5 minuttan aspauy tiyis.  

– nemese zamanauy teatrlandyrylghan interpretasiyadaghy orys tilinde qórkem shygharma ýzindisining qoyylymy (piesa, ertegi, t.b.).

Oryndau uaqyty – 5-7 minuttan aspauy tiyis.

Bayqaugha qatysushy oryndalatyn muzykalyq nómirining sýiemeldeuin tandap, ony elektrondy tasymaldaghyshta nemese CD-diskige jazyp alyp keludi qamtamasyz etedi.

IV. Bayqaugha qatysushylargha qoyylatyn talaptar:

Bayqaugha jogharghy oqu oryndarynda, jalpy bilim beru mekemelerinde, orta jәne orta arnauly oqu oryndarynda qazaq tilinde bilim alatyn 18-22 jas aralyghyndaghy jastar shaqyrylady.  

Bayqaudy ótkizu tili – orys tili.

Ónirlik konkurs komissiyasy respublikalyq kezenge qatysugha bir ýmitker jiberedi.

Respublikalyq kezenge qatysugha ótinishti Úiymdastyru komiytetining úsynghan ýlgisi boyynsha toltyrylghan anketasymen birge Astana, Almaty qalalarynyng jәne oblystyq tilderdi damytu basqarmalary jiberedi.

Bayqaugha mamandandyrylghan mektepterding (daryndy balalargha arnalghan), lingvistikalyq oqu oryndarynyng oqushylary, sonymen qatar orys tilinde oqityn jogharghy oqu oryndarynyn, jalpy bilim jәne orta arnauly oqu oryndarynyng studentteri, aldynghy bayqaulardyng jenimpazdary men jýldegerleri qatystyrylmaydy.

V. Bayqaudy úiymdastyru jәne ótkizu sharttary:

-     Bayqaudy úiymdastyru jәne ótkizu ýshin Tilderdi damytu jәne qoghamdyq-sayasy júmys komiyteti, Qazaqstannyng orys qauymy ókilderinen, orys tili filologtary jәne basqa da qúzyrly úiymdar ókilderinen Úiymdastyru komiyteti jasaqtalady.

-     Úiymdastyru komiyteti konkursty ótkizu formasy men tәrtibin anyqtaydy, qazylar mýshesin qúrap, bekitedi, konkurs tapsyrmalarynyng baghalau kriyteriylerin әzirleydi, konkurs tapsyrmalaryn tekseru jәne qazylar alqasy júmysyna kómegin tiygizu ýshin sarapshylar tobyn qúrady.

    Bayqaudyng ótui men úiymdastyruyna baylanysty barlyq súraqtardy sheshudi ýilestiredi.

VI. Qazylar alqasy

Qatysushylardyng júmystary men ónerlerining sapasyn baghalau jәne jenimpazdar men jýldegerlerdi anyqtau ýshin qazylar alqasynyng qúramy jasaqtalady. Qazylar alqasy til jәne mәdeniyet salasynyng bedeldi qayratkerlerinen, yaghny bes adamnan túrady. Qazylar alqasynyng sheshimi hattamamen rәsimdelip, bayqaudyng jabylu saltanatynda jariyalanady.

VII. Jenimpazdardy anyqtau jәne marapattau.

Qazylar alqasy konkurstyng әr nominasiyasyn úiymdastyru komiytetining úsynghan kriyteriyleri boyynsha on balldyq jýiemen baghalaytyn bolady.

Respublikalyq bayqauda jinaghan úpaydyng nәtiyjesi boyynsha Bas jýlde, 1, 2, 3 jәne 4 yntalandyru oryn beriledi.

Jenimpazdar, jýldegerler jәne bayqaugha qatysushylar alghan oryndaryna sәikes aqshalay syilyqtar, diplom jәne alghys hattarmen marapattalady.

Bayqaugha qatysushylardy dayyndaghan oqytushylargha sertifikattar beriledi.

Bayqaudyng syilyq qory men  alghan oryndaryna sәikes aqshalay syilyqtyng sommasy konkurstyng Qúryltayshysy – Tilderdi damytu men qoghamdyq-sayasy júmys komiyteti belgileydi.

Qazylar alqasynyng hattamasyna sәikes syilyqtar bayqaudyng jabylu saltanatynda tapsyrylady.

Mekenjayymyz: Astana qalasy,  Orynbor kóshesi 8-ýi, 15-kireberis, Qazaqstan Respublikasy Mәdeniyet jәne sport  ministrligining Tilderdi damytu jәne qoghamdyq-sayasy júmys komiyteti. Baylanys telefondary: 8(7172) 74-05-10, 74-04-56, 74-05-09 (tel/faks).

Abai.kz