بۇگىننەن باستاپ وبلىستا از قامتىلعان وتباسى بالالارىنا جاڭا وقۋ جىلى قارساڭىندا ماتەريالدىق كومەك كورسەتۋ اكتسياسى باستالدى. وسىعان دەيىن «مەكتەپكە جول» اتاۋىمەن ۇيىمداستىرىلىپ كەلگەن قايىرىمدىلىق شاراسىنىڭ بيىل ۇرانى وزگەردى. ەل تاۋەلسىزدىگىنىڭ 25 جىلدىعىمەن تۇسپا-تۇس كەلگەن اكتسياعا بيىل » باقىتتى بالالىق شاق مەكەنى» دەگەن ايدار تاعىلىپ وتىر.

قاتارىنان 8 جىل بويى ۇيىمداستىرىلىپ كەلە جاتقان قايىرىمدىلىق شاراسى اياسىندا جىل سايىن وبلىستا ورتا ەسەپپەن 20 مىڭنان استام بالاعا ماتەريالدىق كومەك بەرىلەدى. بىلتىر بۇل ماقساتقا شامامەن 230 ملن تەڭگە جۇمسالعان. جاۋاپتىلاردىڭ سوزىنە سەنسەك، جىل وتكەن سايىن بالالاردى مەكتەپكە دايىنداۋ شاراسىنا اتاسىلاتىن دەمەۋشىلەر كوبەيىپ كەلەدى. كاسىپكەرلەردەن وزگە شاراپاتتى ىسكە اكىم قارالار مەن حالىق قالاۋلىلارى دا قولقابىس جاساۋدا.

باسقارما قىزمەتكەرلەرى جاڭا وقۋ جىلى قارساڭىندا اتا-انالاردى مەكتەپ جاسىنداعى بالالارىنا ءوز بەتىنشە كيىم-كەشەك ساتىپ الماۋعا شاقىرادى. ايتا كەتەيىك، ەلىمىزدە بىرەگەي مەكتەپ فورماسى ءالى كۇنگە ناقتىلانباي وتىر. بيىل دا وقۋشىلار ءار مەكتەپ باسشىلىعىنىڭ اتا-انالارمەن كەڭەسە وتىرىپ ۇسىنعان بىرىڭعاي كيىم ۇلگىسىن كيەتىن بولادى.

ال بالاڭىزدىڭ كيىمىن قايدا تىكتىرسەڭىز دە ءوز ەركىڭىز. ەڭ باستىسى — مەكتەپ باسشىلىعى بەكىتكەن كيىم ۇلگىسى ساقتالسا بولعانى. ايتا كەتەيىك، مەكتەپ فورماسىن ءبىلىم وردالارىندا ساۋدالاۋعا تىيىم سالىنادى. ال «باقىتتى بالالىق شاق مەكەنى» قايىرىمدىلىق شاراسىنا اتسالىپ، كومەك قولىڭىزدى سوزعىڭىز كەلسە، 24-75-25 تەلەفونىنا حابارلاسىڭىز. ءوسىلايشا سىز كومەككە مۇقتاج بالالار تۋرالى مالىمەتتەردى دە بەرە الاسىز.

Abai.kz