بۇگىن قازاقستان حالقى اسسامبلەياسىنىڭ 21 جىلدىعى اياسىندا ىشكى ساياسات ءبولىمى باستاماسىمەن جانە ارداگەرلەر كەڭەسى مەن قالامىزداعى وزبەك ەتنومادەني ورتالىعى وكىلدەرىنىڭ ۇيىمداستىرۋىمەن، ۇلاعاتتى ۇستاز، ارىس قالاسىنىڭ قۇرمەتتى ازاماتى حالىقۇل تاشپولاتۇلىنىڭ 80 جاسقا تولعان مەرەيتويىنا وراي ارىس قالاسى اسسامبلەيا جانىنداعى قوعامدىق كەلىسىم كەڭەسى مۇشەلەرى مەن تاتار-باشقۇرت، يران-ءازىربايجان، سلاۆيان جانە وزبەك ەتنومادەني ورتالىعى وكىلدەرىنىڭ، قالالىق قوعامدىق كەڭەس مۇشەلەرى، «ىرىس الدى - ىنتىماق» فورۋمىنىڭ مۇشەلەرى مەن زيالى قاۋىم وكىلدەرىنىڭ قاتىسۋىمەن جيىن ءوتتى.

جيىننىڭ ماقساتى قالا حالقىن ىنتىماق پەن اۋىزبىرشىلىككە، كەلىسىم مەن بىرلىككە، دوستىق قارىم-قاتىناسقا شاقىرۋ بولىپ تابىلادى.

اتالعان شارادا قالا اكىمى س.ەرتاي جاھاندا ورىن الىپ جاتقان كەلەڭسىز جاعدايلارعا توقتالىپ، ەلدى ىنتىماق پەن بىرلىككە، تاتۋلىق پەن دوستىققا شاقىرۋدىڭ ماڭىزدىلىعىنا توقتالىپ، وسى باعىتتا جۇمىستى جانداندىرۋعا شاقىردى. سونداي-اق، ىنتىماق، بىرلىگى جاراسقان كيەلى ارىس ءوڭىرىنىڭ ازاماتى حالىقۇل تاشپولاتۇلىن شاھار باسشىسى سەيىت مىرزاقۇلۇلى ارنايى قۇتتىقتاپ، قازاقي داستۇرگە ساي يىعىنا شاپان جاپتى.

شاراعا قاتىسقان ەتنومادەني ورتالىقتاردىڭ وكىلدەرى مەن زيالى قاۋىم وكىلدەرى، قوعامدىق كەڭەس مۇشەلەرى مەن اقساقالدار «بەيبىتشىلىك-تاتۋلىقتىڭ بەسىگى» دەمەكشى قالا حالقىن بەيبىت ومىرگە، «ىرىس الدى-ىنتىماققا» شاقىرۋعا ءسوز بايلاسىپ تاراستى.

Abai.kz