قازىعۇرت اۋدانىندا كوپ قاباتتى ۇيلەردىڭ شاتىرى جوندەلدى. بۇل تۋرالى «Abai.kz» پورتالى وقو اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.
اسىرەسە، اۋداننىڭ قازىعۇرت ەلدى مەكەنىندەگى قوناەۆ كوشەسى بويىنان ورىن تەپكەن №182, №184, №186 كوپ قاباتتى تۇرعىن ۇيلەردىڭ شاتىرلارى الدە قاشان جارامسىز بولعاندىقتان، كوكتەم-كۇز بولسا توبەدەن تامشى اعىپ، تۇرعىندار ابدەن ابىگەرگە تۇسەتىن. ايتا كەتەيىك، كوپ قاباتتى ءۇش تۇرعىن ۇيدە 48 وتباسى قونىستانعان. 
پاتەر قوجايىندارىنىڭ جاعدايىنا قۇلاق اسقان جەرگىلىكتى كاسىپكەرلەر ازاماتتارعا قول ءۇشىن بەرۋدى ءجون كوردى. يگى ءىستىڭ العاشقى باستاماشىلارى بولعان «شانىراق-ءححى» جشس-ءنىڭ توراعاسى ن.قۇرالوۆ، «س.ستروي ەكسپەرت» جشس-ءنىڭ توراعاسى ە.ابدىرازاقوۆ جانە «كومپانيا تري-ا+» جشس-ءنىڭ توراعاسى ا.جانبوسىنوۆتار ءوز قارجىلارى ەسەبىنەن كوپ قاباتتى ۇيلەردىڭ شاتىرىن اۋىستىرىپ بەرۋدى ءوز مىندەتىنە الىپ، اپتا ىشىندە بەرگەن ۋادەلەرىنىڭ ۇدەسىنەن شىقتى. 

نەگىزىنەن، از قامتاماسىز ەتىلگەن مۇقتاج وتباسىلار، جالعىز باستى قارتتار مەن ايەلدەر جانە مۇگەدەكتەر تۇراتىن كوپ قاباتتى ءۇي تۇرعىندارىنىڭ قۋانىشىندا شەك جوق. كوپ جىلداردان بەرى كوكتەم-كۇز ايلارىندا جانە جاۋىندى-شاشىندى كۇندەرى ءۇي شاتىرىنان سۋ تامشىلىپ ابىگەرگە ءتۇسىپ، اۋرۋ-سىرقاۋدان باس اشپايتىن تۇرعىندار، ەندى اۋا رايىنان ەش قايمىقپاستان جايلى دا، جارقىن ءومىر سۇرەتىن بولادى.

Abai.kz