بۇل تۋرالى ايماقتىق كوممۋنيكاتسيالار قىزمەتىندە وتكەن بريفينگتە «وڭتۇستىك» يندۋستريالدى ايماق (يا) دەرەكتسياسىنىڭ ديرەكتورى مۇحتار تۇرابەكوۆ ءمالىم ەتتى دەپ حابارلايدى وقو اكىمىنىڭ ءباسپاسوز قىزمەتى. ونىڭ ايتۋىنشا، - دەپ جازادى وقو اكىمىنىڭ ءباسپاسوز قىزمەتى، - 2016 جىلدىڭ العاشقى جارتى جىلدىعىندا مۇنداعى جالپى ءوندىرىس كولەمى 10,1 ملرد. تەڭگە قارجىنى قۇراپ، ونداعى كاسىپورىنداردىڭ بيۋدجەتكە كەلتىرگەن پايداسىنىڭ جالپى سوماسى 740 ملن. تەڭگە بولعان. ال يندۋستريالدى ايماق اشىلعان 6 جىلداعى كاسىپورىنداردىڭ مەملەكەت قازىناسىنا قوسقان ۇلەسى 5,3 ملرد. تەڭگەنى قۇراپ وتىر.

«باسقارۋشى كومپانيانىڭ 2016 جىلدىڭ ءبىرىنشى جارتى جىلدىعى بويىنشا ەلەكتر قۋاتى، سۋ ساتۋ جانە ينجەنەرلىك قىزمەت ارقىلى 34,4 ملن. تەڭگە پايدا تاپتى. ءسويتىپ تابىس وتكەن 2015 جىلمەن سالىستىرعاندا 68 پايىزعا ءوستى»، - دەدى م.تۇرابەكوۆ.

ءباسپاسوز جيىنىندا يندۋستريالدى ايماق باسشىسى وبلىستاعى بارلىق يندۋستريالدى ايماقتاردا قۇنى 186 ملرد. تەڭگەنى قۇرايتىن 160 ينۆەستيتسيالىق جوبانىڭ 11976 جۇمىس ورنىن اشۋعا مۇمكىندىك بەرگەنىن ايتىپ، ونىڭ ىشىندە، 80 جوبا وبلىسىمىزدىڭ اۋداندارى مەن قالالارىندا ورنالاسقانىن جەتكىزدى.

ايتا كەتەيىك، بۇگىنگى تاڭدا  وقو-دا 160 جوبانىڭ 52-ءى جۇزەگە اسقان بولسا («وڭتۇستىك» يا-دا 39 جوبا جانە اۋدانداردا 13 جوبا), قالعان 108 جوبا الداعى ەكى جىل ىشىندە ىسكە قوسىلماق.

وسى جىلدىڭ سوڭىنا دەيىن 24 جوبانى ىسكە قوسۋ جوسپارلانسا («وڭتۇستىك» يا-دا 17 جوبا، قالالار جانە اۋدانداردا 7 جوبا), 2017 جىلى – 84 جوبانى («وڭتۇستىك» يا-دا 24 جوبا، قالالار جانە اۋدانداردا 60 جوبا) جۇزەگە اسىرۋ كوزدەلگەن.

وسىلايشا، ەكى جىل ىشىندە، اشىلعان 108 جوبا شەڭبەرىندە وڭتۇستىك قازاقستان وبلىسىندا 8079 جاڭا جۇمىس ورنىن اشۋعا مۇمكىندىك بەرەتىن 151,8 ملرد. تەڭگە ينۆەستيتسيا ەكونوميكا اينالىمىنا تارتىلادى دەپ كۇتىلۋدە.

اباي-اقپارات