وڭىرارالىق ىنتىماقتاستىقتى دامىتۋ بويىنشا بەرىلگەن ەلباسىنىڭ تاپسىرماسىن ورىنداۋماقساتىنداالعاش رەت پاۆلودار وبلىسىندا وڭتۇستىك قازاقستان وبلىسىنىڭ اۋىل شارۋاشىلىعى تاۋار وندىرۋشىلەرىنىڭ جارمەڭكەسى ءوتتى. بۇل تۋرالى "اباي اقپارات"وقو اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

وڭتۇستىك قازاقستان وبلىستىق اۋىل شارۋاشىلىعى باسقارماسىنىڭ ۇيىمداستىرۋىمەن وتكەن جارمەڭكە بولاشاقتا وڭىرلەر اراسىندا ء تيىمدى سەرىكتەستىك ورناتۋعا ىقپالىن تيگىزبەك. جارمەڭكەگە وڭتۇستىك قازاقستان وبلىسىنان ون بەستەن استام اۋىل شارۋاشىلىعى تاۋارىن وندىرۋشىلەر قاتىستى.

وڭتۇستىك قازاقستاندىق  ديحاندار كوكونىس، باۋ-باقشا مەن جەمىس جيدەك ونىمدەرىن جارمەڭكەدە نارىقتاعى باعادان 20-25 پايىز تومەن باعادا پاۆلودارلىق تۇرعىندارعا ساۋدالادى. ديحانشىلاردىڭ ايتۋىنشا، قويىلعان  بارلىق اۋىل شارۋاشىلىعى ونىمدەرى ساناۋلى ساعاتتاردا ساتىلعان. بۇل ەڭ الدىمەن، ۇسىنىلاتىن ءونىمنىڭ ساپاسى مەن ءتيىمدى باعاسىنا بايلانىستى.

اتالعان جارمەڭكە وڭتۇستىك قازاقستان وبلىسى قازاقستان حالقىن ازىق-تۇلىكپەن، سونىڭ ىشىندە، كوكونىس جانە باقشا ونىمدەرىمەن قامتاماسىز ەتۋدە نەگىزگى ورتالىق  ەكەنىن تاعى دا دالەلدەدى.

ايتا كەتەيىك، وڭىرلەر اراسىنداعى ارىپتەستىكتى دامىتۋدىڭ ءتيىمدى تاسىلدەرىنىڭ ءبىرى - وبلىستىق اۋىلشارۋاشىلىعى ونىمدەرىنىڭ جارمەڭكەسىن وتكىزۋ بولىپ تابىلادى. استىقتى وڭتۇستىكتىڭ تاۋارلارى پاۆلودارلىق تۇرعىنداردىڭ كوڭىلىنەن شىعىپ، جارمەڭكەگە جيىلعان جۇرت ءماز-مەيروام تارقاستى.

Abai.kz