2016 جىلدىڭ جارتى جىلىندا ەلىمىزدەن 16 742 ادام كوشىپ كەتكەن. 
ولاردىڭ دەنى رەسەيگە قونىس اۋدارعان. ناقتى سانى -  14 512 ادام. بەلورۋسسياعا – 162, وزبەكستانعا - 81, ۋكرايناعا – 27 ادام كوشكەن. بۇل – تمد ايماعىنداعى ميگراتسيا.

باسقا باعىتتى الاتىن بولساق، 1212 ادام – گەرمانياعا، 129 ادام – اقش-قا، 105 – ادام كاناداعا، 58 ادام – يزرايلگە، 47 ادام – پولشاعا كوشكەن كورىنەدى. 

ايماقتار بويىنشا قارايتىن بولساق، ەڭ كوپ ادام قاراعاندى وبلىسىنان ۇدەرە كوشكەن.ولاردىڭ قاراسى  – 2890. قوستانايدان – 2413, پاۆلوداردان – 2222, الماتىدان - 1640, شىعىس قازاقستان وبلىسىنان – 1536, سولتۇستىكتەن قازاقستان وبلىسىنان –1334, اقمولادان – 1192, باتىستان – 931 ادام سىرتقا قونىس اۋدارعان. 

ەلدەن كەتكەندەردىڭ ىشىندەگى قانداستارىمىزدىڭ ۇلەس سالماعى 4-5 پايىز مولشەرىندە. 

ال ەندى ەلگە كىم قونىس اۋدارىپ كەلىپ جاتىر؟

2016 جىلدىڭ جەتى ايى ىشىندە قازاقستانعا 17023 ادام كوشىپ كەلگەن. ولاردىڭ 10620-سى قازاق. 

ەلىمىزگە قونىس اۋدارعانداردىڭ 6298-ءى وزبەكستاننان (ونىڭ ىشىندە قازاعى - 3626). قىتايدان 5728 ادام كەلگەن (قازاعى - 5700), رەسەيدەن - 2052 (قازاعى - 479), قىرعىزستاننان - 936 (قازاعى - 66), تۇرىكمەنستاننان - 363 (قازاعى - 352), موڭعوليادان - 293 (قازاعى - 277), تاجىكستاننان - 199 (قازاعى - 18), ءازىربايجاننان - 195, اۋعانستاننان - 128 (قازاعى - 102), گرۋزيادان - 111. 

 مالىمەتتەر ىشكى ىستەر مينيسترلىگىنىڭ دەرەكتەرىنەن الىندى.

ايدوس سارىمنىڭ Facebook-تەگى پاراقشاسىنان الىندى

Abai.kz