بۇل تۋرالى بۇگىن وقو ايماقتىق كوممۋنيكاتسيالار قىزمەتىندە وتكەن بريفينگتە وبلىستىق ەنەرگەتيكا جانە تۇرعىن ءۇي-كوممۋنالدى شارۋاشىلىق باسقارماسىنىڭ باسشىسى م.مارايىم وبلىستىڭ 2016-2017 جىلدارداعى جىلۋ ماۋسىمىنا دايىندىعى بويىنشا ايتقان بايانداماسىندا حابارلادى.

ايتۋىنشا، وڭىردەگى 3272 بيۋدجەتتىك مەكەمەنىڭ 99 پايىزى ماۋسىمعا دايىن بولسا، ورتالىقتاندىرىلعان جىلۋمەن قامتاماسىز ەتىلەتىن 2278 كوپقاباتتى تۇرعىن ۇيلەردىڭ 89 پايىزىنا جىلۋ بەرۋگە بولادى. ال وبلىس ورتالىعى – شىمكەنتتەگى دايىندىق 86 پايىزدى قۇراپ وتىر.

«ورتالىقتاندىرىلعان جىلۋمەن قامتاماسىز ەتەتىن مەكەمەلەردەگى جالپى قازاندىقتار سانى 48. ولاردان بۇگىنگى كۇنگە دايىندالعانى 46 (96%). بۇل جەردە تەك تەتس-3 - 1 قازاندىق جانە تەتس-5 - 1 قازاندىقتا كۇردەلى جوندەۋ جۇمىستارى جۇرگىزىلۋگە بايلانىستى بىتپەي وتىر، تالاپقا سايكەس 1 قازانعا دەيىن تولىق اياقتاۋ ءتيىس، جۇمىستار جۇرگىزىلۋدە»، - دەدى باسقارما باسشىسى.

ءباسپاسوز جيىنىندا سپيكەر وبلىسقا 105,9 مىڭ توننا قاتتى وتىن مەن 27 مىڭ توننا سۇيىق وتىننىڭ قاجەتتىگىن ايتىپ، بۇگىنگى تاڭدا تاسىمالداۋ جۇمىستارى كەستەگە ساي اتقارىلىپ جاتقانىن جەتكىزدى.

مارعۇلان زۇلقارنايۇلى جىلۋ ماۋسىمىن ويداعىداي وتكىزۋ ءۇشىن شىمكەنتتەگى 44,3 شاقىرىم جىلۋ قۇبىرلارىنا قايتا قۇرۋ جانە اعىمداعى جوندەۋ جۇمىستارى جۇرگىزىلىپ، رەتكە كەلتىرىلگەنىن حابارلادى. سونداي-اق، ول جىلۋ ماۋسىمىنا دايىندىق جۇمىستارى 15 قازانعا دەيىن جالعاسىپ، كەسكەگە ساي تولىق دايىن بولاتىنىن ايتتى.

Abai.kz