حالىقارالىق اۋىر اتلەتيكا فەدەراتسياسىنىڭ قىلىشى جالاڭداپ تۇر. Əسىرەسە قازاق سپورتشىلارىنا كەلگەندە ەرەكشە شابىتپەن جۇمىس ىستەۋى كوكەيدە كوپ كۇدىك قالدىرادى.
الدىمەن الماس پەن جاسۇلاننىڭ توبىعىنان قاعىپ ءتۇستى. ەل، مەملەكەت بوپ قورعاي المادىق. "دوپينگ قابىلداسا، قابىلداعان شىعار" دەپ قۇلاعىمىز سالبىراپ وتىرا بەردىك. ەندى مىنە، يليا، ءزۇلفيا، سۆەتلانا مەن مايالارعا اۋىز سالدى.

جارايدى، قاننىڭ سىناماسى الىنادى ەكەن. ول ارنايى جاعدايدا ساقتالاتىن كورىنەدى. سەنەيىك. بىراق وسى ارادان شيكىلىك بايقايمىز. بىرىنشىدەن، نەگە قاندى وسىدان ءتورت جىل بۇرىن ەگجەي-تەگجەيلى زەرتتەمەگەن؟ Əلگى تىيىم سالىنعان دəرمەك نەگە سول كەزدە تابىلماعان؟ ءتورت جىل بۇرىن كوزدەن تاسا ەتىپ العان دۇنيەنى ەندى تاپسا، وندا حالىقارالىق اۋىر اتلەتيكا فەدەراتسياسىنىڭ جۇمىسىنا، ونداعى مامانداردىڭ بىلىكتىلىگىنە كۇمəنمەن قاراۋعا تولىق قۇقىمىز بار.

ەكىنشىدەن، ءتورت جىلدان بەرى سپورتشىلاردان الىنعان قان سىناماسىنا دوپينگتى باسقا بىرەۋدىڭ قوسپاعانىنا كىم كەپىل بولا الادى؟ Əلدەكىم قانعا دوپينگ قوسا سالۋى مۇمكىن با؟ Əرينە، مۇمكىن.
جالپى بار عوي، مىنا حالىقارالىق قوعامداستىقتىڭ əرەكەتى بارىپ تۇرعان بوپسا سياقتى. وسىنىڭ وزىندە بىزدەن ميلليونداپ اقشا ساۋعىسى كەلىپ، كوزىن ساتىپ وتىرعانداي əسەر قالدىرادى. Əيتپەسە، əلدەقاشان تاريح قويناۋىنا ەنگەن تولعايلار جەڭىسىنەن اياق استى كىنəرات ىزدەي مە؟ وليمپيادا تاقالعاندا ىلىك تابا ما؟ وسى ۋاقىتقا دەيىن ايعا باتا وقىپ نە شوشقا تاعالاپ وتىرىپ پا؟!

ومىرىندە ءبىر رەت جەڭىلمەگەن، جالپى جەڭىلىس دەگەن ۇعىمنان بەيحابار يليا باتىردى دوپينگ قابىلدادى دەۋ ميعا سىيمايدى. ەكى دۇركىن وليمپيادا، ءتورت دۇركىن Əلەم چەمپيونى بولعان يلينگە جابىلعان جالا بۇل. قىزدارعا قاتىستى دا وسىنى ايتۋعا بولادى.

Əلدە دە əدىلەتتىلىكتەن ءۇمىتتىمىز. ەلدىڭ اتىن التى قۇرلىققا əيگىلەپ، əنۇرانىڭدى كوك جۇزىندە قالىقتاتىپ كەلە جاتقان تولعايلارعا مەملەكەت بارىنشا قولداۋ كورسەتەدى دەپ سەنەمىز. Əيتپەسە، الماس پەن جاسۇلاننىڭ كۇيىن كەشىپ قالۋى بەك مۇمكىن.

سوسىن بار عوي، قاھارمانىڭدى قارالاپ جاتقاندا قوسا تابالاعاندى قويۋ كەرەك. "جاۋ جاعادان العاندا، ءبورى ەتەكتەن تارتىپتىنىڭ" كەرىن جاساماڭدار. ءبورى دەپ əنشەيىن ءسوزدىڭ سالتىمەن ايتىپ وتىرمىز. Əيتپەسە، ءشيبورىنىڭ تىرلىگى مىناۋ...

ەرجان بايتىلەس

Facebook-تەگى پاراقشاسىنان