فوتو: old.muftyat.kz

عىلىم مەن ءبىلىم عانا قوعامدى العا سۇيرەيدى. مەشىت جاستاردى وعان ۇندەپ جاتقان جوق. مىسالى، سول جاستارمەن قازىرگى قوعام تۋرالى، مادەنيەتىمىزدى، ورتامىزدى، الەۋمەتتىك جاعدايىمىزدى، اۋىلدى، ءوندىرىستى قالاي دامىتۋ تۋرالى اڭگىمەلەسۋ قيىن. بىردەن ءدىن تاقىرىبىنا اۋىسادى...
ارينە، ءدىني تاقىرىپ ناقتى دالەلدەۋدى قاجەت ەتپەيتىن، دەماگوگياعا جاقىن بولىپ كەلەدى. يماندىلىق، توزاق پەن جۇماق... جانە باسقا ءدىني سۇراقتاردى تالقىلاۋ ادام ميىنا ناركوتيك سياقتى سىڭسە - ودان اجىراۋ قيىن. وسىلايشا قوعامدا، اسىرەسە، جاستار اراسىندا كۇردەلى عىلىمي-كونسترۋكتسيالىق ويدان قاشاتىن "وي جالقاۋلىعى" جاپپاي بەلەڭ الۋدا. سەبەبى، مۇندا ء(دىن تاقىرىبى) قيالعا، قيالمەن ءومىر سۇرۋگە كەڭىنەن جول اشىلادى. قيالدىڭ اتى قيال، ءسويتىپ، ناقتى جاعدايداعى ساتسىزدىكتەر سايىن قۇتقارۋشىعا جالبارىنىش ۇدەي تۇسەدى. ء"ومىردى وزگەرتۋ ءوز قولىمدا. وعان ماڭداي تەر توگۋ، ءبىلىمدى جەتىلدىرۋ، شىندىقتى دۇرىس باعالاۋ، جىگەرلەرى بولۋ دەگەن تالپىنىستى "قۇداي بەرەدى" دەگەن سەنىم الماستىرۋدا! بۇل ءوز ارادا ۇلگى بولىپ، بۇقارالىق سيپاتقا يە بولا باستادى.
...مۇندايدا بارلىق جاماندىقتىڭ كوزى بولىپ وتىرعان ادىلەتسىزدىكتەرگە، توعىشارلىققا، جاعىمپازدىققا جانە ت.ب. تولىپ جاتقان جاعىمسىز بەيشارا قۇبىلىستارعا قارسى كۇرەسۋ جوققا ءتان بولادى. تاباندى كۇرەس ورنىنا ونى "قارعاپ-سىلەۋ" عانا قالادى. كۇرەستىڭ ءتۇرى ارەكەتكە، قوعامدى ىزگىلىككە قاراي جۇمىلدىرۋعا ۇلاسپايدى.تەك، ء"بىر جازاسى بولار", "ورنى توزاق" دەپ قارعاۋمەن، تەرىس باتامەن شەكتەلۋ بەلەڭ الادى. 
ال ناقتى ومىردە وزدەرى سول جاماندىقتىڭ كەسىرىنەن تۋىنداپ جاتقان "توزاق ءومىرىن" توزىمدىلىكپەن جالعاستىرا بەرەدى...
سوندىقتان، قازىرگى كەزدە مەشىت اللاعا قالاي جاعۋ كەرەك دەگەندە، ول ءۇشىن ورازا-ناماز جانە ت.ب. ءدىن ارتيبۋتتار قاجەت دەپ قانا ەمەس - ومىردە وقۋمەن، بىلىممەن قارۋلانۋ، سول ارقىلى وزىڭە دە، وزگەگە دە جاقسىلىق جاساۋعا قول ۇزاراتۋ، كاسىپ يگەرۋ، ومىرگە ۇرپاق اكەلىپ، ولاردى تاربيەلەۋ، ءار ادامنىڭ ءوز حالقىمەن باقىتتى بولارىن، سوندىقتان ونىڭ سالتى مەن ءداستۇرىن، انا ءتىلدى قاستەرلەۋدى جانە ت.ب. ۋاعىزداۋدى الدىڭعى قاتارعا شىعارۋى كەرەك! 
"و دۇنيە" ادام ءۇشىن باستاپقى ەمەس، سوڭعى شەپ ء(ومىر قورىتىندىسى)" دەلىنىپ - ءومىر مەن ءولىمنىڭ اراجىگى ايرىلۋى ءتيىس!

اللانىڭ بۇيرىعى -"ساعان بەرگەن قىسقا عۇمىردى ماعىنالى، ادامعا پايدالى ءسۇر - ەڭبەكتەن، ىزدەن، جاڭالىق اش! و دۇنيە قاقپاسىندا وسى ارەكەتىڭە قاراپ كۇتىپ الامىن دەگەن!" دەپ جاستارعا كوبىرەك ايتۋ كەرەك...

ويتپەسە، اللا ادامدى نەسىنە جاراتقان؟
ءبىزدىڭ مەشىت وسى سۇراقتان اۋلاق كەتىپ بارادى...

ءابدىراشيت باكىرۇلى

Abai.kz