ساۆچەنكو 22 جىلعا باس بوستاندىعىنان ايرىلدى
روستوۆ وبلىسنىڭ دونەتسك قالالىق سوتى ۋكراين اسكەري قىزەتشىسى نادەجدا ساۆچەنكونى 2014 جىلى لۋگانسك قالاسىنىڭ ىرگەسىندە قازا تاپقان ەكى رەسەيلىك ءجۋرناليستىڭ ولىمىنە كىنالى دەپ تاپتى.
جازا مەرزىمىن وتەۋ ساۆچەنكو ۇستالعان 2014 جىلدىڭ 30 ماۋسىمىنان باستالادى. رەسەي شەكاراسىنان زاڭسىز ءوتتى دەگەن ايىپ بويىنشا سوت ساۆچەنكوعا 30 مىڭ رۋبل ايىپپۇل تولەۋدى ۇكىمە ەتتى.
اۆدوكات مارك فەيگين 22 ناۋرىزداعى وتىرىستا سوت قورعاۋشىلاردىڭ ۋكراين اسكەري قىزمەتىشىسىنىڭ كىناسىزدىگى تۋرالى بارلىق ايعاقتارىن جەتكىلىكسىز دەپ تاپقانىن حابارلادى. سۋديا ايىپتاۋ تارابىنىڭ كۋاگەرلەرىنە، ونىڭ ىشىندە ءوزىن-ءوزى جاريالانعان "لۋگانسك حالىق رەسپۋبليكاسى" سەپاراتيستەرى ءۇشڭن وزدەرى قارسى سوعىسقان ساۆچەنكوعا جالا جابۋعا ەش سەبەپتەرى بولماعانىن مالىمدەدى.
بۇعان دەيىن نادەجدا ساۆچەنكو ۇكىمەنەن كەيىن قۇرعاق اشتىق جاريالايتىنى تۋرالى مالىمدەگەن. ادۆوكاتتارىنىڭ سوزىنشە، ول ۇكىمدى مويىنداۋدان باس تارتادى، جانە وعان قاتىستى ەشقايدا شاعىمدانبايدى.
اباي-اقپارات
