سيرياداعى جاعداي، جەنەۆادا ءوتىپ جاتقان سيريالىق ۇكىمەت پەن وپپوزيتسيا اراسىنداعى بەيبىت كەلىسىمدەردىڭ بولاشاعى، ۋكراينانىڭ شىعىسىنداعى داعدارىس - كۇن تارتىبىندەگى باستى تاقىرىپتار بولادى.

اق ءۇي مەملەكەتتىك حاتشىنىڭ ماسسكەۋگە ساپارى ءساتتى بولىپ، اقش پەن رەسەي قارىم-قاتىناسىنىڭ جاقسارۋىنا جانە جەنەۆاداعى سيريالىق كەلىسسوزدەردىڭ وڭ تۇردە اياقتالۋىنا ۇلكەن ۇلەس قوسادى دەپ ءۇمىت ارتۋدا. بىراق، كەرري رەسەيگە كەلەر الدىندا ماسكەۋ اقش-تى وق اتۋعا تىيىم سالۋ ءتارتىبىن ساقتاۋدى بىرگە باقىلاۋدان باس تارتتى دەپ ايىپتادى جانە بۇل ءتارتىپتى بۇزعانداردى ءوز بەتىنشە جازالايتىنىن ايتىپ، سەس كورسەتتى.

دجون كەرري ماسكەۋدەگى كەلىسسوز بارىسىندا رەسەيلىك بيلىكتى سەپاراتيستەرگە مينسك كەلىسىمدەرىن ورىنداتۋعا كوندىرۋگە ۇگىتتەمەك. مەملەكەتتىك حاتشى 22 جىلعا سوتتالعان ۋكراين اسكەري قىزمەتشىسى نادەجدا ساۆچەنكونىڭ تاعدىرى تۋرالى دا ماسەلە كوتەرەدى. اقش بىرنەشە رەت ونى بوساتۋدى تالاپ ەتكەن ەدى. مەملەكەتتىك دەپارتامەنتتىڭ ءباسپاسوز حاتشىسى رەسەي ساۆچەنكونى ەكى جىل بويى دالەلسىز ايىپتاۋلارمەن زاڭسىز قاماۋدا ۇستادى دەپ مالىمدەدى.

اباي-اقپارات