بەيسەنبى, 6 قازان 2022
دەپ جاتىر 4224 0 پىكىر 29 ناۋرىز, 2016 ساعات 11:00

تالعات تەمەنوۆ: بىردە-ءبىر اكىم نەمەسە ءمينيستردىڭ تەاترعا بيلەت العانىن كورگەن ەمەسپىن

كەشە ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا قازاقستاننىڭ حالىق ءارتىسى، ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنىڭ كوركەمدىك جەتەكشىسى تالعات تەمەنوۆ تەاتر ونەرىنىڭ بۇگىنگى جاي-كۇيىن ءسوز ەتە كەلىپ، تەاترعا بيلەت الىپ جاتقان بىردە-ءبىر اكىم نەمەسە ءمينيستردى كورمەگەنىن ايتتى، دەپ حابارلايدى BNews.kzء تىلشىسى.

بەلگىلى رەجيسسەردىڭ ايتۋىنشا، قازاقستاندا تەاتر ونەرىنە ەكىنشى سۇرىپتى ونەر رەتىندە قارايدى.

«وسىنداي جاعداي قالىپتاسىپ كەلە جاتقان سەكىلدى. مەن بىردە-ءبىر وبلىس اكىمى نەمەسە ءمينيستردىڭ تەاترعا بيلەت العانىن كورگەن ەمەسپىن. ولار «استانا وپەراعا» بارادى، ارينە، مەن بۇل تاماشا تەاتر ەكەنىن تۇسىنەمىن. بىراق، باسقا، مىسالى، وبلىستىق تەاترلار دا بار عوي. شەنەۋنىكتەر تەاتردىڭ جان مەن رۋحتى تاربيەلەيتىن ورىن ەكەنىن تۇيسىنگەن كەزدە، سول ۋاقىتتا سىزدەردىڭ دە تەاتر ونەرىنە كوزقاراسىڭىز وزگەرەدى»، - دەيدى ت.تەمەنوۆ.

«وتكەن جىلى سەرگەي بەزرۋكوۆ كەلگەن كەزدە بۇكىل ءباسپاسوز جازدى. ال بىزدە شە؟ سىزدەر وزدەرىڭىز تەاترعا بارمايسىزدار. تەاترعا بارۋ كەرەك، بۇل - ادامنىڭ جانى تازاراتىن ورىن»، - دەگەن پىكىرىن ءبىلدىردى بەلگىلى رەجيسسەر.

Abai.kz

0 پىكىر