ءانشى تورەعالي تورەالى وتاندىق باعدارلامالاردىڭ بىرىندە “ەركە مەنىڭ ارقامدا تانىلدى” دەپ پىكىر بىلدىرگەن-ءدى. بۇل ءسوزدى اكەسى دە قوشتاپ، كونتسەرتتەردەن ەركە ەسماحاندى كورە الماي نارازىلىق تانىتقان جۇرتقا وكتەم سويلەپ، اقشالارىن قايتارىپ بەرەتىندىگىن ايتقان. مۇنى ەستىگەن بايان ماقساتقىزى اتى اتالعان انشىمەن بىرىگىپ جاسالىپ جاتقان بارلىق جۇمىستىڭ توقتاتىلۋى مۇمكىن ەكەنىن مالىمدەدى.

بۇل تۋرالى Stan.kz حابارلايدى.

تورەعالي تورەالىنىڭ قازالىدا بەرگەن ۇلكەن كونتسەرتىندە اپالاردىڭ “ەركە قايدا؟” دەگەن سۇراعىنا اكەسى “سىزدەر تورەعاليگە كەلىپ وتىرسىزدار ما، الدە ەركەگە مە؟ ەركەنى كورۋ ءۇشىن كەلىپ وتىرساڭىزدار، مىڭ جارىم تەڭگەلەرىڭىزدى تاراتىپ بەرىپ، كونتسەرتتى توقتاتامىن. ەركە كەرەمەت بولسا، 7-8 جىلدان بەرى قايدا قالدى؟ جيىرمادان ەندى اسقان تورەشتىڭ ارقاسىندا تانىلدى ەمەس پە؟” دەپ جاۋاپ قاتقان ەكەن. مۇنى ەستىگەن بايان ماقساتقىزى قاتتى اشۋلانىپ، ارىپتەسىنىڭ جۇرتپەن وسىلاي سويلەسىپ جۇرگەنىنە نارازىلىق تانىتتى. ءتىپتى، فيلمدەگى باستى ءرولدىڭ ەندى تورەعالي تورەالىگە بۇيىرمايتىنىن ايتىپ ءوتتى.

مۇنىمەن قاتار، “ارينە، مەن ءوزىمنىڭ ءارتيسىم ءۇشىن كۇرەسەمىن. مەن ءوزىمنىڭ اتاق-ابىرويىم ءۇشىن، وسى كۇنگە دەيىن اققان ماڭداي تەرىم ءۇشىن كۇرەسەمىن”، – دەپ بايان ەسەنتاەۆا ەركە ەسماحاننىڭ “اللو” ءانىنسىز-اق جۇرتقا تانىمال ءانشى ەكەنىن تىلگە تيەك ەتتى.

ەستەرىڭىزگە سالا كەتسەك، تورەعالي تورەالىنىڭ ەركەنى سىنايمىن دەپ بايان ەسەنتاەۆادان ءسوز ەستىگەنى تۋرالى حابارلانعان بولاتىن.

Abai.kz