رەسەيلىك «نەزاۆيسيمايا» باسىلىمى - NG.RU: «ارمەنيا ارىپتەستەرىنە نارازى» اتتى ماقالادا تاۋلى قاراباقتاعى جانجالدارعا بايلانىستى پوست كەڭەستىك اليانس ارمەنيانى قولداماعانىن ايتادى. «قازاقستاننىڭ رەسمي پوزيتسياسى ەشكىمدى تاڭ قالدىرعان جوق. پرەزيدەنت نۇرسۇلتان نازارباەۆتىڭ ءازىربايجان-ارمەنيا اراسىنداعى تاۋلى قاراباققا قاتىستى ۇستانىمى باكۋدىڭ پوزيتسياسىن قولدايدى».

DW.COM:   «ەۋروپا حالقى كسرو-نىڭ ەكس-ەلدەرى: ۆيزاسىز ءام ۆيزا رەجىمى» - بەلورۋسيا ەۋرووداقپەن ارادا ۆيزالى رەجىم ورناتۋدى كوزدەيدى. ال كسرو-نىڭ شەڭگەلىندە بولعان باسقا دا تاۋەلسىز مەملەكەتتەردە جاعداي قالاي؟ قازاقستان دا ازىرگە (ۋاقىتشا) ەۋروپالىقتارعا ۆيزالىق رەجىمدى ۇستانىپ وتىر.

EASTTIME.RU:  «قازاقستان گرانتتاردى ۆاۋچەرلەرگە الماستىرماق» -   قازاقستاندا ءبىلىم گرانتتارىن ۆاۋچەرلەرگە الماستىرۋدى جوسپارلاپ وتىر. بۇل تۋرالى قر ءبىلىم ءمينيسترى ەرلان ساعاديەۆ مىرزا مالىمدەدى. قازاقستاننىڭ ءبىلىم ءمينيسترى ەلدەگى جوو رەكتورلارىمەن كەزدەسۋ بارىسىندا وسى ماسەلەنى  تالقىلاعان.

RUSSIAN.PEOPLE.COM.CN:  «سوڭعى 5 جىلدا قازاقستان سوتتى بولعان 291 شەتەل ازاماتىن قايتارىپ بەرگەن» -  قازاقستان سوڭعى بەس جىلدا ءتۇرلى جاعدايدا قىلمىسكەر اتانىپ، سوتتى بولعان 291 شەتەل ازاماتىن ءوز ەلدەرىنە قايتارىپ بەرگەن. سونىڭ ناتيجەسىندە مەملەكەت 375 ميلليون تەڭگە پايدا تاپقان.بۇل سوما جوعارىداعى شەتەل ازاماتتارىنىڭ قاماۋداعى قاجەتتىلىكتەرىنە جۇمسالعان قاراجات.  بۇل تۋرالى باس پروكۋروردىڭ ءبىرىنشى ورىنباسارى يوگان مەركەل مالىمدەگەن. ال وزبەكستان ءوزىنىڭ قىلمىسكەر ازاماتتارىن قابىلداۋدان باس تارتقان. قازىرگى تاڭدا قازاقستاندا 643 وزبەكستان ازاماتى جازاسىن وتەۋدە.

BELTA.BY: «قازاقستان مەن بەلورۋسيا مەملەكەتتىك جەكە سەرىكتەستىك اياسىندا بىرلەسكەن جوبالاردى قاراستىرماق» - بۇل تۋرالى بەلورۋسيا ەكونوميكا ءمينيسترىنىڭ ورىنباسارى الەكساندر زوبوروۆسكي مالىمدەگەن.

«ەۋرازيالىق الاڭدا ءبىز قازاقستانمەن بىرلەسىپ جاڭا جوبالاردى جۇزەگە اسىرۋدى جوسپارلاپ وتىرمىز. جوبالار – ينفراقۇرىلىمدىق باعىتتاردى قامتيدى»،-دەيدى الەكساندر زوبوروۆسكي.

TREND.AZ: «قاشاعاندا مۇناي بۇرعىلاۋ». قازىرگى مۇناي نارىعىنداعى تومەن باعاعا قاراماستان قاشاعاندا مۇناي بۇرعىلاۋ جۇمىستارى كەيىنگە شەگەرىلمەۋى مۇمكىن.  

«قاشاعان - قازاقستاننىڭ باتىسىنداعى ەڭ ءىرى مۇناي-گاز كەنى. ونىڭ گەولوگيالىق قورى – 4,8 ميلليارد توننا مۇنايدى قۇرايدى. ال، جالپى مولشەردە 38 ميلليارد باررەل مۇناي قورى بار. ونىڭ 10 ميللياردقا جۋىعى قازىر وندىرىلگەن».

STANRADAR.COM: «گرەكتەر مەن ريمدىكتەر قازاقتان تارايدى» - قازاقستاندىق زەرتتەۋشى مۇحامبەتكارىم قوجىربايۇلى گرەكتەر مەن ريمدىكتەردى قازاقتان تارايتىنىن دالەلدەدى.  

THEOPENASIA.NET: «قازاقستان جەتىنشى روتو ەرلىگىن ەسكە الدى» - 1995 جىلى كوكتەمدە تاجىك-اۋعان شەكاراسىندا قازاقستاندىق جەتىنشى روتا مودجاحيدتتەردىڭ شابۋىلىنا تاپ بولعان.  ولار وقو، شىمكەنتتەگى 6506 بولىمشەسىنىڭ ساربازدارى بولعان. سوعىس 5 ساعاتقا سوزىلىپ، 17 سارباز قازا تاپقان.

شەتەل باسپاسوزىنە شولۋ جاساعان

ايسۇلۋ تۇرسىنباەۆا

Abai.kz