ۇكىمەتتىڭ ء«ۇنسىز» تىزگىنشىسى كارىم ءماسىموۆ جەر ساتۋ مەن  ونى جالعا بەرۋ ماسەلەسىندە ءوزىنىڭ جانە ءوزى باسقاراتىن مينيسترلەر كابينەتىنىڭ دۇرىس جۇمىس جاساماعانىن مويىندادى،-دەپ حابارلايدى vlast.kz پورتالى.

«جەر كودەكسىنە ەنگىزىلگەن جاڭا وزگەرىستەردى حالىققا ءتۇسىندىرۋ جۇمىستارىنىڭ رەتسىز ءارى دۇرىس جۇرگىزىلمەگەنىن مويىندايمىز. ۇلتتىق ەكونوميكا مينيسترلىگى مەن اۋىرشالۋاشىلىق مينيسترلىگى باسشىلارى مەن قىزمەتكەرلەرى اتالعان زاڭ جوباسىن ءتيىستى دەڭگەيدە تۇسىندىرە المادى»،-دەيدى پرەمەر-مينيستر ءماسىموۆ.

بۇل تۋرالى كارىم ءماسىموۆ اقورداداعى بۇگىنگى كۇننىڭ ەڭ اكتۋالدى ماسەلەلەرىن تالقىلاعان جيىندا مالىمدەگەن.

سونداي-اق، پرەمەر-مينيستر مىرزا قر جەر كودەكسىنىڭ 24 بابىندا كورسەتىلگەندەي «اۋىلشارۋاشىلىق ماقساتىنداعى جەر تەلىمدەرى تەك قر ازاماتتارىنا عانا جەكە مەنشىككە بەرىلەتىنى جانە زاڭدى تۇلعالارعا بەرۋ تۋرالى 2003 جىلى ەنگىزىلگەن وزگەرىستەردىڭ دە» بار ەكەنى ايتقان. ءماسىموۆ مىرزانىڭ ايتۋىنشا، بۇل زاڭ جوباسى ءالى كۇنگە دەيىن قولدانىستا ەكەن.

ء«بىز ارقاشاندا قازاقستاندىقتاردىڭ جاعدايىن ويلايمىز جانە قازاقستان جەرى قازاقستاندىقتارعا بەرىلۋى ءتيىس دەپ ەسەپتەيمىز. وكىنىشكە وراي، قازىرگى تاڭدا اۋىلشارۋاشىلىق ماقساتتارىنداعى جەر تەلىمدەگى تورلىقتاي دەرلىك قولدانىسقا ەنگىزىلمەگەن. سوڭعى 15 جىلدا اگرارلىق ايماقتارداعى قاراشىرىكتەردىڭ ساپاسى 21 پايىزعا دەيىن تومەندەپ كەتكەن»،-دەيدى ءماسىموۆ مىرزا.

وسى جيىننان كەيىن ۇلتتىق ەكونوميكا ءمينيسترى ەربولات دوساەۆ پەن ونىڭ ورىنباسارى قايىربەك وسكەنباەۆ جانە اۋىلشارۋاشىلىق ءمينيسترى اسىلجان مامىتبەكوۆتەر وتستاۆكاعا كەتكەن بولاتىن.

اقورداداعى اۋىس-تۇيىستەر كەزىندە قوعام بەلسەندىلەرى مەن الەۋمەتتىك جەلى قولدانۋشىلارى پرەمەر-مينيستر كارىم ءماسىموۆتى وتستاۆكاعا جىبەرۋ تۋرالى باستاما كوتەرگەن.

نۇرزات توعجان

Abai.kz