ەۋرووداق رەسەيگە قارسى سانكتسيالاردىڭ مەرزىمىن ۇزارتتى 

ەۋروپا وداعى 2014 جىلى شىلدەنىڭ 31-دە رەسەيگە قارسى ەنگىزىلگەن سانكتسيالاردى جارتى جىلعا تاعى دا ۇزارتتى. بۇل شارا رەسەيدىڭ قىرىمدى باسىپ العانىنا جانە ۋكراينانىڭ شىعىسىندا ۇكىمەتكە قارسى كۇرەسىپ جاتقان جىكشىلدەردى قولداۋىنا قارسى باعىتتالعان بولاتىن. سانكتسيا 2016 جىلعى شىلدەنىڭ 31-نە دەيىن كۇشىن ساقتايدى.

ۋكراينانىڭ شىعىسىنداعى قارۋلى قاقتىعىس سالدارىنان توعىز مىڭنان استام ادام قازا تاپتى. ەۋرووداق سانكتسيا مەرزىمىنىڭ ۇزارتىلۋىن مينسكىدە قول قويىلعان بەيبىت كەلىسىمدەردىڭ جىل اياعىنا دەيىن جۇزەگە اسپايتىنىمەن تۇسىندىرەدى. شارانى ۇزارتۋ تۋرالى العاشقىدا، جەلتوقساننىڭ 18-دە، ەو ەلدەرىنىڭ ەلشىلەرى شەشىم قابىلداعان بولاتىن. سانكتسيالار رەسەي ەكونوميكاسىنىڭ قارجى، ەنەرگەتيكا جانە قورعانىس سالالارىمەن بىرگە، بىرقاتار جەكە تۇلعاعا قارسى سالىندى.

ەۋرووداق پەن قازاقستان ارىپتەستىك تۋرالى كەلىسىمگە قول قويدى

ارىپتەستىك تۋرالى جاڭا قۇجاتقا استانادا قازاقستاننىڭ سىرتقى ىستەر ءمينيسترى ەرلان ىدرىسوۆ پەن ەو سىرتقى ىستەر جانە قاۋىپسىزدىك ساياساتى جونىندەگى وكىلى فەدەريكا موگەريني قول قويدى.

 "كەلىسىم 29 سالا بويىنشا ءوزارا ارەكەت ەتۋدى قامتيدى. كەلىسىمنىڭ ىشىندە حالىقارالىق، ايماقتىق قاۋىپسىزدىك، قارۋسىزدانۋ سەكىلدى ساياسي ماسەلەلەردەن باستاپ، ساۋدا، ينۆەستيتسيالار، ينفراقۇرىلىمدى دامىتۋ، ساۋدا-ەنوميكالىق جانە يننوۆاتسيالار، مادەنيەت، سپورت، تۋريزم سالالارى مەن قۇقىق قورعاۋ بويىنشا ىنتىماقتاستىق ماسەلەلەر بار", - دەدى ەرلان ىدرىسوۆ.

قازاقستان تارابىنىڭ دەرەگىنشە، ەۋرووداقپەن اراداعى ساۋدا كولەمى 2014 جىلدىڭ 11 ايىندا 50 ميلليارد دوللارعا جەتكەن.

Abai.kz