بىراق ءبۇتىن كىرپىش سىيماي قالاتىن، قيۋىنا كەلمەي قالاتىن ارالىق پايدا بولادى ءبىر ساتتەردە. سوندا قايتەسىز؟ ءسوز جوق، جالتاقتاپ، الگىندە عانا ءوزىڭىز كەرەك ەمەستەي اۋلاققا لاقتىرىپ جىبەرگەن جەرىڭىزدەن جارتى كىرپىشتەرگە قارايلاي باستايسىز. سول لاقتىرىپ جىبەرگەن جەرىڭىزدەن ءبىر جارتى كىرپىشتى ماپەلەي كوتەرىپ الىپ كەلىپ، ماپەلەي الگى كەتىگىنە كەلتىرەسىز. سوسىن، بىتكەن جۇمىسىڭىزعا راحاتتانا، توعايا قارايسىز. جارتى كىرپىشتىڭ ورنىن ەشقانداي دا ءبۇتىن كىرپىش الا المايدى! جارتى كىرپىشتى ەشقانداي ءبۇتىن كىرپىش الماستىرا المايدى…
كينودا دا ەشقانداي دا «حالىق ءارتىسى» تولتىرا المايتىن كەتىكتەر بولادى. ولاردى تولتىراتىن ادامدار بولادى. ارداق امىرقۇلوۆتىڭ «حوش بول، گۇلسارى» فيلمىندە كولحوزباستىلىقتى وينايدى ول كىسى. سوندا ءستاليننىڭ پورترەتىنىڭ استىندا تۇرىپ: ء«بىز ستالين دەسەك، سانامىزدا لەنين تۇرادى» دەگەن «اسقاق» ءسوزىن ودان باسقا ءارتىس ايتادى دەپ ەلەستەتە المايمىن.
ول كىسىنىڭ قالپى ماڭعاز، ءجۇرىسى سىرباز. ادامعا شالقالاي امانداسىپ، پاڭ قارايدى. سوسىن… سوسىن، جاسىڭىز كىشى عوي، بۇگەجەكتەي سəلەم بەرەسىز:
– اسسالاۋماعالەيكۋم…
– ۋاعالەيكۋماسسالام…. تاناۋىڭ تانىس، قاي ەلسىڭ-ەي؟
– ۇلى ءجۇزبىن عوي.
– ونىڭ ىشىندە كىمسىڭ؟
– دۋلاتپىن…
– دۋلات؟
ول كىسى ەندى سىزگە شەكەلەي قاراپ، قاسىن كەرەدى. باسىندا ءسىزدىڭ اتا-تەگىڭىز تۋراسىندا سان ءتۇرلى ويلار قاعىسىپ جاتىر-اۋ دەپ ويلايسىز بىردەن. ول كىسى بايلامىن ايتۋعا اسىقپايدى بىراق:
– ە، دۋلات دە… ونىڭ ىشىندە؟
– جانىسپىن.
– جانىس؟ «جانىس كوپ پە، قامىس كوپ پە» دەگەن… وسىندا سەنىڭ اعاڭ بار…
– كىم؟ – ەلەڭدەپ-اق قالاسىز ەندى.
– ساتىبالدى تەكەەۆ دەگەن…. سوسىن ارداق بار… سوسىن…
– ارى قاراي تىزبەلەپ الا جونەلەدى. كەيبىرىنىڭ اتىن ىلتيپاتپەن اتاسا، كەيبىرىنە ءزəرىن توگىپ تاستايدى:
– وي، əكەڭ… ادام با سول. «باي بايىعان سايىن قالتىراۋىق» دەگەن، قۋساڭ – قۇمالاق تۇسپەيدى… سەن ماعان ناعاشى بولدىڭ وندا.
– مەن… سىزگە ناعاشىمىن با؟
– يə، ناعاشىسىڭ… «قىرىق سەركەشىم» بار سەندە الىنباعان… جىگىت بولساڭ، ەپتەپ تولەي بەر… بىتىرەرسىڭ əيتەۋىر، ءبىر جىلدارى…
– سوندا… قانشادان تولەيىن؟
– Əزىرشە، ەلۋ تەڭگەسىن بەرىپ قوي (ول كەزدە اۆتوبۋستىڭ جول ءجۇرۋ باعاسى ەلۋ تەڭگە بولاتىن), ودان كوپ اقشا جوق-اۋ سەندە، تاناۋىڭ سولاي دەيدى.
ءوز سوزىنە ءوزى ريزا بولعان ول كىسى مول دەنەسىمەن سەلكىلدەي، كىشكەنە تومپاق كوزدەرى جۇمىلا كۇلەدى. ءسىز قۇنجىڭداپ قالتاڭىزدىڭ ءتۇبىن قازىپ كەتەسىز. ول كىسى ەندى داۋسىنا مەيىرىم ارالاستىرادى:
– «كەڭ بولساڭ، كەم بولمايسىڭ» دەگەن… ەشقاشان تارىنبا… سەنىڭ انا ارداق، تۇڭعىشباي، سəكەن اعالارىڭ مəلəدەس قوي… مəلəدەس ولار. سولاردان ۇلگى ال سەن.
– «قىرىق سەركەشىن» وتەدى مە ولار؟
– وتەگەندە قانداي؟ ەندى ەكىنشى اينالىمعا كەتتى.
ول كىسى ءسىز قالتا ءتۇبىن قازىپ جاتقاندا بوس تۇرمايدى، ءسىزدىڭ سەرىگىڭىزدى قاجاي تۇرادى:
– Əي، سەنىڭ ءسۇمپيىپ تۇرىسىڭ جامان، قىرىق ءۇيدى قىرىق مينوتتە قىرقىستىرار قۋ بولارمىسىڭ… قاي ەلسىڭ؟
– كىشى ءجۇز… تورتقارا…
– تورتقارا؟ «شيتيري شورنيە كيدالشيكي» دەسەڭشى… ول كىسى تاعى دا تومپاق كوزدەرى جۇمىلا، سەلكىلدەي كۇلەدى…
كەيىن جاقىن بولىپ كەتتىك. سىرتتاي ەستيمىز عوي، ول كىسىنى ساتىبالدى (نارىمبەتوۆ) اعا «بويتۇمارىم» دەيدى ەكەن. مەن «قازاقفيلمنىڭ كيەسى» دەيمىن وزىمشە. شىنىمەن دە سولاي كورىنەدى. «قازاقفيلمنىڭ» بەرەكەلى كەزى بولعان ءبىر جىلدارى. سول كەزدە كۇندە كورەتىنمىن. بۇگىندە سيرەك كورىنەدى… كينودان دا əل كەتە باستاعانداي…
ستۋديادا ول كىسى قۇيرىق باسار بەلگىلى كابينەت جوق بولاتىن. كوبىنە دəلىزدە جۇرەتىن. ساپىرىلىسقان جۇرتتىڭ ىشىنەن وزىنە ىلتيپاتپەن امانداسقانىنىڭ قولىنان شاپ بەرىپ، ۇستاپ، ارقانداپ قويىپ قاجاپ تۇرعانى سول.
بۇل كىسىدەن قاشقالاقتايتىندار كوپ. بىراق جاقىن تارتىپ جۇرەتىندەر دە بارشىلىق. ساتىبالدى تەكەەۆ قولتىقتاپ بارعا بەت الىپ بارا جاتاتىن. اسحانادا الدىنا ۇيمە تاباق تاماعىن قويىپ، ەرىك جولجاقسىنوۆ «əڭگىمەسىنە ۇيىپ» وتىراتىن. نۇرلىباي ەسىمعاليەۆ اعامىز ەرتىپ بارا جاتاتىن əلدەقايدا تومپاڭداتىپ… ستسەنارلىق-رەداكتسيالىق القانىڭ كابينەتىنە كىرگىزىپ الىپ، بولات جەتەكباي شايمەن سۋارىپ جاتاتىن. «شايمەن سۋارىپ» دەگەندى ەرسى كورمەڭىز، ول كىسى شىنىمەن دە شايدى كوپ ىشەتىن. «مەن ۇيدە ساپاركەسەمەن شاي ىشەم» دەيتىن
ماقتانىپ. ول كىسىگە شاي قۇيىپ ۇلگەرۋ ۇلكەن جۇمىس. ونى ءوزى دە جاقسى بىلەدى، ءسىزدى مازالاماي شاي قامىنا ءوزى جۇگىرىپ كەتەتىن سوڭىندا.
ول كىسىنىڭ پاڭ كەلبەتىنە كەسەك تۋرايتىن سوزدەرى ۇيلەسىپ جاتاتىن. تاياۋدا كەزدەستىك ەكەۋىمىز. «قازاقفيلمنىڭ» بارىندا. سول باياعىشا سوزدەرى كەسەك-كەسەك، توڭكەرىلىپ ءتۇسىپ جاتىر:
– بۇل اكتەر دەگەنىمىز – əرۋاقتى، قاسيەتتى، قاستەرلى، كيەلى ونەر يەلەرى. اكتەرلىكتى وقىمايدى، تۋادى. اكتەردىڭ ىشكى əلەمى ويدان تۇرادى. مىسالعا، مەن تويعا باراتىن اكتەرلەردى اكتەر دەپ ەسەپتەمەيمىن. ولار اكتەر ەمەس. ولار – ناعىز حالتۋرششيكتەر مەن ناتۋرششيكتەر. ناعىز جاساندىلار – سولار. اكتەر ويناماۋ كەرەك، اكتەر ويلاۋ كەرەك. وي ارقىلى مۇسىندەۋ كەرەك. ويلانعان اكتەر وقىستان سونى وبراز جاسايدى…
– ءسىز تويعا باراسىز با؟
– مەن تويعا بارمايمىن… تويعا دا بارمايمىن، قويعا دا بارمايمىن… اكتەر ءوزىنىڭ پروفەسسياسىنا (وسى ءسوزدى سۇيىرلەپ، əۋەزدەپ əدەمى ايتادى), ماماندىعىنا ادال بولۋى كەرەك… اكتەر ءوزىنىڭ ماماندىعىن ءسۇيۋى كەرەك.
– تويعا بارعان ادامنان ەشتەڭە كۇتپەيسىز عوي؟
– ەشتەڭە كۇتپەيمىن! Əۋەزوۆ تەاترىن «تەاتر تراكتوريستوۆ» دەيمىن. وتالىپ تۇرعان «كاسەمسوت» شەتتەرىنەن. اكتەرلارىنىڭ ءبəرى تويدا. قاتىنى دا، قىزى دا سولاي…
– مەنىڭشە، كۇنكورىس دەگەن بار…
ول كىسى مىرس ەتە قالادى:
– نە، كۇنكورىسكە ءجۇز قىرىق مىڭ تەڭگە جەتپەي مە؟
– ولاردىڭ جالاقىسى سولاي ما ەكەن؟
– Əرينە! مەن دە ءجۇرمىن عوي قىرىق مىڭ تەڭگە الىپ… تويعا بارعان اكتەر جاساندىلىققا، جالباقايلىققا ۇيرەنەدى. تويعا ەمەس، ويعا ىڭعايلانۋ كەرەك ادام…
– ايتپاقشى، ءسىز قايدا جۇمىس ىستەپ ءجۇرسىز قازىر؟
– مەملەكەتتىك كينو ساقتاۋ قورىندا…
– كىم بولىپ ىستەيسىز؟
– ساقتاۋشى… «كينو ساقتاۋشى» دەيدى ءبىزدى.
– ءسىز «قازاقفيلمنىڭ» كيەسى» عانا ەمەس، ساقتاۋشىسى دا بولدىڭىز عوي، – دەيمىن مەن وزىمشە تاۋىپ ايتقانداي مəز بولىپ. – جاقسى اكتەر بولساڭىز، نەگە كەدەيسىز؟
ول كىسى ويلانىپ قالدى. سوسىن ىرجيىپ، جايىلىپ ساپ وتىرعان بەينەسىنەن ارىلىپ، قايتا ماڭعاز قالىپقا تۇسە قويدى:
– بۇل زاماندا شىن ونەر، شىنايى ونەر تاقتان ءتۇسىپ، جالباقايلار اتقا قونعان زامان… باعالاۋ جوق. ءتۇسىنۋ جوق. ءتۇيسىنۋ جوق. شىن تالانت باعالانبايدى. مەن بىرەۋگە جاعىنۋدى بىلمەيمىن، جالباقتاۋدى بىلمەيمىن، قالباقتاۋدى بىلمەيمىن. تىك سويلەيمىن. بەتىڭ بار، ءجۇزىڭ بار دەمەيمىن. سوسىن مەنى ەشكىم شاقىرمايدى. كينو جوق. كينو جوق بولعان سوڭ، اقشا جوق. اقشا جوق بولعان سوڭ، كەدەيمىن دا…
– ءسىز كينوعا تۇسپەگەلى قانشا بولدى؟
– سەگىز جىل بولدى….
– ەشكىم شاقىرماي ما؟
– ەشكىم شاقىرمايدى!
– نەگە؟
– وزدەرىنەن سۇرا…
رەجيسسەرسىماقتار شىن تالانتتاردى باعالامايدى. كينو ولگەن بۇگىن. باسقا اكتەرلەر بار. اكتەرلەر نەگىزى بىرنەشە توپقا بولىنەدى.
– قانداي؟
– «حودوۆوي اكتەر» جəنە «سەرىي پوتوك» دەيدى.
– سوندا ەكى توپقا بولىنەتىن بولىپ تۇر عوي؟
– ەكەۋگە بولىنەدى.
– «حودوۆويى» قايسى؟
– ول – تالانتتىڭ ورنىن الىپ جۇرگەن، ءوتىپ كەتەتىن، دەجۋرنىي، الارىن الىپ، جەلىپ كەتەتىن پىسىقايلار. ولار جاعىمپازدانۋدى دا بىلەدى، جاعىنۋدى دا بىلەدى. جەل جاققا شىقپاي، تالانتتىڭ ىعىندا ءجۇرىپ، ءوزىن ىقتىرىپ جىبەرەتىن قۋلار.
– ال «سەرىي پوتوگى» كىم؟
– ولار انا كوشەدەن كەلگەن جاندار. كوشەدەن كەلىپ، ءبىلىم جوق، بىلىك جوق، ەسىكتەن كىرىپ، ءتور مەنىكى دەيتىن سابازدار.
– ءسىز قايسىسىنا جاتاسىز؟
– مەن «حودوۆويعا» دا، «سەرىي پوتوككا» دا جاتپايمىن. مەن شاما-شارقىم جەتكەنشە، əل-قۋاتىمشا كəسىبي اكتەرعا جاتام.
– وندا اكتەرلار ءۇش توپقا بولىنەتىن بولعانى عوي؟ ەگەر ءسىز سەكىلدى كəسىبيلەر بولسا؟
– ۇشكە بولىنەدى… ايتتىم عوي كوپ توپقا دەپ… ويتكەنى، مەن ءوزىمدى سىيلايمىن، ونەردى سىيلايمىن…
مىسالعا، ماعان ستسەناري ۇناماسا، رەجيسسەرعا قايتارىپ بەرەم. كەشىرىڭىز، مىناۋ مەنىڭ ءرولىم ەمەس، اقشاسى جاقسى ەكەن، دۇرىس، اقشاڭا دا، باسقاڭا دا راحمەت دەيمىن. ونەردىڭ كيەسىنىڭ نازاسىنا قالعىم كەلمەيدى. مەن باسقا ءۇشىن جاۋاپ بەرمەيمىن. باسقا نە ىستەيدى، وندا شارۋام جوق…
– سəل سەنىڭكىرەمەي تۇرعانىم…
– نەگە؟
– ويباي-وۋ، مۇنىڭ ءبəرى اقشا ەمەس پە؟ اقشادان قالاي باس تارتاسىز؟ اقشا سىزگە قاجەت ەمەس پە؟
– اقشا بولعاندا… اقشا قاجەت قوي، بىراق ماعان ابىروي كەرەك…
– اقشا بولسا، ابىروي دا بولماي ما؟
– وي، ول ساعان ميلليونداپ بەرەدى دەيسىڭ بە؟ بەرسە، ءبىر-ەكى ايعا جەتەتىن قايىرشىنىڭ اقشاسىن بەرەدى بىزدە. ال، مىنا شەت ەلدەردە، امەريكادا كينوعا تۇسسەڭ، ون بەس جىل اياعىڭدى اسپانعا اسىپ قويىپ، شىرت تۇكىرىپ، قيمىلسىز جاتۋىڭا بولادى.
– اقشاسىز ادامدا ابىروي بار ما؟
– ابىروي بولادى. اقشاسىز ادامدار – وزىنە، ومىرگە سىن كوزبەن قارايتىن ادامدار. مەن مىسالعا، قۋ بولسام، جاعىمپاز بولسام، بايىماسام دا، شوپكە «كəك» ەتەتىندەردىڭ قاتارىندا جۇرەتىن ەدىم… بىراق وعان مەنىڭ ارىم، ۇياتىم، تەگىم جىبەرمەيدى…
– ياعني، ءسىز جاعىمپاز ەمەسسىز؟
– جاعىمپاز ەمەسپىن!
– بىراق مەن ءسىزدىڭ ءبىراز ادامدى كوپىرتە ماقتاعانىڭىزدى كوردىم…
– ماقتاعاندا… جاي…
– ….ءبىر وتىرىستاردا… نۇرجۇمان (ىقتىمباەۆ) كىرىپ كەلسە، ونى ماقتايسىز…
– ماقتاعاندا….
– ساتىبالدى تەكەەۆ كىرىپ كەلسە، ونى ماقتايسىز…
– ويتكەنى…
– ساتىبالدى نارىمبەتوۆ كىرىپ كەلسە، ونى ماقتايسىز….
– ويتكەنى، نۇرجۇمان ىقتىمباەۆ – سامارودوك سارى التىن. تراكتورشىدان حالىق ءəرتىسى دəرەجەسىنە جەتۋ كىم بولسا سونىڭ قولىنان كەلمەس ەدى. تالانت بار، بىراق مەكتەپ كورمەگەن.
– ياعني، «جاقسىنىڭ جاقسىلىعىن ايت» دەيسىز عوي؟
– جاقسىنىڭ جاقسىلىعىن ايتۋ كەرەك، نۇرجۇماننىڭ بويىندا تابيعي تالانت بار… ىزدەنەدى…
– باسقاسى شە؟
– باسقاسىن بىلمەدىم…
– ويباي-وۋ، باسقاسىن كورسەڭىز دە ماقتاي جونەلەسىز عوي؟
– كىمدى؟
– تەكەەۆتى مىسالعا؟
– ول كىسى ەندى رەجيسسەر عوي… ول كىسىنىڭ جولى باسقا… مەن ءوز كوللەگالارىمدى ايتىپ وتىرمىن… كوللەگالارىمدى…. وسى ءسوزدى تاعى دا əندەتە، سوزا ايتىپ، مەنىڭ قاماۋىمنان جالتارعانى ما، ءسوزىنىڭ سوڭىن قيقىلداعان، قىستىققان كۇلكىمەن كوركەمدەپ جىبەردى. مەن ەندى ءسوزدى باسقاعا بۇرۋعا ءمəجبۇرمىن:
– اقشالى ەمەس ەكەنىڭىزدى بىلەم، ۇيگە اقشا اپارمايتىن ادامنىڭ ۇيدە قادىرى بولمايتىن ەدى…
– اللا تاعالانىڭ ماعان بەرگەن ۇلكەن سىيى مەن باعى – مىنا جەڭگەڭ. مەنىڭ ۋايىمسىز، قايعىسىز جۇرگەنىم سول كىسىنىڭ ارقاسى… ءسوزدىڭ ادامىمىن عوي، قىڭىر سويلەپ، قىجىرتىپ، جۇيكەسىنە ويناپ، جۇرەگىن ۇستاتىپ، مىجىپ وتىرىپ ميىنا قان قۇيىپ جىبەرۋ مەن ءۇشىن تۇك ەمەس، – دەدى ول كىسى راحاتتانا كۇلىپ، زاتى تاۋىپ سويلەگەنىنە ءوزى ريزا بولىپ كەتتى-اۋ. – سونىڭ بəرىنە كونەدى ول كىسى.
– جەڭگەمىزدىڭ اتى كىم؟
– ساۋداباەۆا الماگۇل. ول كىسى ونەر ادامى بولماسا دا، ونەر ادامىن جاقسى تۇسىنەدى.
– ول كىسىنىڭ ءسىزدىڭ قايدا كەتىپ، قايدان كەلگەنىڭىزدە، بىردەڭە تاۋىپ كەلدىڭىز دە، بەكەر اينالىپ شاۋىپ كەلدىڭىز بە، شارۋاسى جوق پا سوندا؟
– شارۋاسى جوق. ول كىسىنىڭ ۇرانى: «سەن امان بول!»
– كەيدە ءسىز ءوزىڭىز قينالمايسىز با، «əي، مەن ەشتەڭە تاپپايمىن-اۋ، ۇمىتتەرىن اقتامادىم-اۋ» دەپ…
– ۇيرەنىپ كەتتىم…
– ۇيرەنىپ كەتتىمى قالاي؟
بۇل جولى مەن كۇلدىم. كۇلىپ وتىرىپ بەتىنە باجايلاي قارايمىن، شىن ايتىپ وتىر ما، وزىنە شاڭ جۋىتپاي وتىرعان ادام اياق استىنان نەگە سىلق ەتە ءتۇستى دەيمىن. ول كىسى دە راحاتتانا سەلكىلدەيدى:
– تابىس تاپپاۋعا ۇيرەنىپ كەتتىم… مەن ۇيدە شەگە قاقپايمىن عوي جəنە…
– جəنە شەگە قاقپايسىز… سوندا ءسىز نەگە كەرەكسىز، قۋىپ جىبەرمەي مە؟
– ءبىر قاسيەتىم بار شىعار… بالا-شاعا جاقسى كورەتىن بولار… جامان ادامنىڭ ءبىر جاقسىلىعىن تاپقان بولار. بۇل جەڭگەڭنىڭ اقىل-پاراساتى.
– ءسىز تۋرالى اڭىز بار…
– قانداي؟
– ءبىر ءوزى ءبىر قويدىڭ ەتىن جەيدى دەگەن. انا سəبيت قۇرمانبەكوۆتىڭ «Əۋرەلەڭ» فيلمىندە ءسىز سومداعان كەيىپكەردىڭ əرەكەتىنە قاراپ ايتىلعان ءسوز بە əلدە؟
– ودان ەمەس. شىنىمەن دە ءبىر قويدىڭ ەتىن بولماسا دا، ءبىر مارقاانى ءبىر وتىرعاندا قۇرساعىما اتتاندىرىپ تۇرىپ كەتە بەرەم.
– بəرەكەلدى!
ءبىز شاي ىشە وتىرىپ ءبىراز əڭگىمە ايتتىق. ول كىسى ەكى شəينەك شاي الدىرعان.
ءبىرى – سۇتپەن. ەكىنشىسى – جاي، اقسۋ. ول ەسەلەپ وتىرۋ ءۇشىن كەرەك ەكەن، بىرىنەن بىرىنە قوتارا وتىرىپ، ۇزاق شاي تارتتى. ۇزاق əڭگىمە ايتتىق. ۇتىمدى ورالىمدارعا كەزىكتىم. تالاي ادامنىڭ اتى اتالدى، ادامگەرشىلىگى جىكتەلدى. ارداق Əمىرقۇلوۆتى اسىرا، توقتاۋسىز ماقتادى. قازاق كينوسىنىڭ ءبىراز بەتكەۇستارلارى «جارامسىز» بولىپ قالدى. بىراق… ولاردى بۇل جازباعا كىرگىزبەدىم. كىم بىلەدى، كوپشىلىك جەردە جۇرەتىن ادام، سونداعى جۇزدەسۋلەرىندە بەتىنە شىركەۋ بولا ما…
ۇزىن سانىن شۇباتىپ جىبەرسەك، تۇسكەن فيلمدەرى ءوزىنىڭ ايتۋى بويىنشا، الپىستان اساتىن ول كىسى وسى جىلى ءوزى دە الپىسقا كەلمەك. قۇتتى بولسىن! الپىسىنشى بەلەسىنە شىعىپ، ارتىنا كوز جىبەرگەن اعامىزدىڭ ايتارىنىڭ ءبىر پاراسىن ۇسىندىق، مىنە.
قىسقى ۋاقىت قوي، ەرتەرەك قاس قارايتىپ، «قازاقفيلمنىڭ» بارىنان شىقتىق. جۇمىس ۋاقىتى اياقتالماسا دا، باياعىداي ساپىرىلىسىپ جاتقان ەشكىم جوق دəلىزدە. ول كىسى سول… باياعىشا، قالپى ماڭعاز، ءجۇرىسى سىرباز… ال، سوزىنەن ءبىراز نəرسە اڭعارساڭىزدار، ءوزىن تانىستىرار ۋاقىت كەلدى، ول كىسىنىڭ اتى-ءجونى – ەسبولعان وتەۋلينوۆ. اكتەر. «قازاقفيلمدە» ا.Əمىرقۇلوۆتىڭ «وتىراردىڭ كۇيرەۋى» (جەندەت), «جاس اباي» (Əدىلبەك), ش.ايتماتوۆ پوۆەسىنىڭ نەگىزىندە تۇسىرىلگەن «قوش بول، گۇلسارى» (كولحوز باستىعى), س.اپرىموۆتىڭ «سەرگەلدەڭ» (ميليتسيونەر), س.نارىمبەتوۆتىڭ «كوزىمنىڭ قاراسى» (ەسبولعان), س.قۇرمانبەكوۆتىڭ «Əۋرەلەڭ» (سۋشى) فيلمدەرىندە ۇلكەندى-كىشىلى وبرازدار سومدادى. «موسفيلمدە» ۆ.كراسنوپولسكي، ۆ. ۋسكوۆتىڭ «ەرماك» (كوپەس) جəنە تاعى باسقا جيىرما شاقتى فيلمدە، «وزبەكفيلمدە» Ə.حامراەۆتىڭ «كيىكتەر» (وحوتانادزور), پولشادا ر.يارۋزەلسكيدىڭ ء«تۇپ تامىرىنا بالتا شابۋ» (ازيالىق), «قىرعىزفيلمدە» ج.سوودانبەكتىڭ «تۇستىكتەگى جىلقىلار» (بولتاعاي) فيلمدەرىنە تۇسكەن.
P.S. وسىنشا كينوعا تۇسكەن ەسبولعان قانداي اكتەر؟ ول نەگە ءۇستى-ۇستىنە كينوعا تۇسپەيدى؟ شىنىمەن دە نەگە بايىپ كەتپەگەن؟ ونداي تيپاج كۇندە كەلە مە قازاق كينوسىنا؟ Əلدە رەجيسسەرلار قاجەتسىنبەي مە؟ قاراپ وتىرساڭىز، وسىنىڭ ءبəرى ەسبولعاننىڭ عانا باسىنداعى جاعداي ەمەس. بۇل، شىنىن ايتقاندا، قازاق كينوسىنىڭ باسىنداعى جاعداي!
دانيار سالامات
(«اق جەلكەن»، №11. 2015 جىل)
Abai.kz
